AKTUALITATEA

| 2026-06-18 14:49:00

Martxoaren 24ko osoko bilkuran, Errezabal egoitzako obrak aldi baterako geldiaraztea onartu zen, tarte horretan honako jarduera hauek ezarriz:

• Gauzatutako obrak egonkortzea eta kontserbatzea.
• Enpresa emakidadunaren azterketa tekniko berriez gain, jarritako dianen kontrolak egiten jarraitzea, baita horien bilakaeraren hileroko txosten bat ere.
• Pertsonak obrara ez sartzeko segurtasun-neurriak ezartzea.
• Euri-urak kanalizatzea, hauek errepidera ez isurtzeko.

Geldialdi honen ondoren EH Bilduk, obra honi buruzko informazio guztia eskatzen jarraitu du, eta orain arte Gobernu taldeak EH Bilduren esku jarri duen dokumentazioa honako hau izan da:

• Injelan S.L.ren bi txosten, ezpondaren proiektuaren finkapenari buruzkoak.
• •     Appe SLren bi txosten, bata goiko ezponda egonkortzeko proiektua, 2026ko urtarrilekoa eta bestea Injelan S.L.ren txostenari erantzuteko ohar osagarria 2026ko martxokoa.
• Udalak enpresari egindako eskatze-idazkia egonkortze eta euste-lanei buruzko lehen jarraipen txosten exekutibo bat eskatuz, 2026ko maiatzaren 22koa.

Apirilaren 1etik aurrera obra hauek gelditu zirenetik, Urazandiko bizilagunen artean kezka eta segurtasunik eza eragin duten hainbat gertakari izan dira.

Horiek eta Gobernu taldeak orain arte aurkeztutako txostenak kontuan hartuta, EH Bilduk uste du informazio garrantzitsuaren falta nabarmena dagoela. Hori dela eta, berriro eskatu ditugu:

• Instalatutako dianen neurketen emaitzei buruzko txostenak.
• Udalerriko hainbat puntutatik Errezabaeko ezpondara lurrak eramateko obra-baimena.
• Jarduera hori justifikatzen dituzten txosten teknikoak.
• Eta aurreko zerrendan egon ez baina orain arte sortu diren edo ondoren sortuko direnak, atzerapenik gabe.

Bestalde, obren garapenari buruz bizilagunei informazioa emateko udalak komunikatzaile bat ipintzeko erabakia hartu zuen baina lan hori egiteko udal langile bat izendatu beharrean (arkitektoa, adibidez), komunikazio ardura lehiaketa bidez Errezabaleko obran murgilduta dagoen enpresari berari eman dio. Garbi esanda, herritarrei azalpenak emateko ardura triskantza egiten ari den enpresaren beraren esku dago.

Auzotarren kezka legitimoekin bat eginez eta informazio eza ikusita, EH Bilduk eskatu egin dio udalari prozesuari buruzko informazio guztia denbora errealean bana dezan, atzerapenik gabe, hiritarren eta batez ere kaltetu eta kaltetu potentzialen eskubide oinarrizkoa delako.