AKTUALITATEA

EH Bilduk udal informazio kanalen erabilera alderdikoia saihestuko duen araudia sortzea proposatu du

| 2026-01-29 12:34:00
  • Webgunea, sare sozialak eta “InfoBarakaldo” alderdi subiranista eta ezkertiarraren ekintza politikoa kritikatzeko erabili direla salatu du.
  • Udaleko Idazkaritza Nagusiaren txosten juridiko batek ziurtatzen du neutraltasun, gardentasun eta objektibotasun printzipioek gidatu behar dutela komunikazio instituzionala.

Duela zenbait hilabetetik hona, EH Bilduk antzeman du Gobernu Taldeak Udalaren profil instituzionalak modu alderdikoian erabili dituela, hala nola udalaren webgunea, sare sozialak edo “InfoBarakaldo”, bitarteko horiek gidatu behar dituzten printzipioen aurka eginez, eta alderdi subiranista eta ezkertiarraren lan politikoari kritikak egiteko erabiliz.

María Solar bozeramaileak urtarrileko Ohiko Osoko Bilkuran aurkeztuko duten ekimenaren inguruko adierazpenak egin ditu, eta gogorarazi duenez “egoera horren aurrean, duela aste batzuk orientazio juridikoa eskatu genion Barakaldoko Udaleko Idazkaritza Nagusiari, eta komunikazio instituzionaleko kanalen erabilera politiko eta alderdikoiagatik dugun kezka helarazi genion”.

Solarrek adierazi duenez “argitaratutako edukiek gertakarien bertsio lerratu eta politizatua eskaintzen zutela, oposizioko udal-taldeek erantzuteko edo kontrastatzeko tarterik jarri gabe, eta, horrela, administrazio publikoen komunikazio instituzionala arautu behar duten neutraltasun, gardentasun eta objektibotasun printzipioak urratuz, indarrean dagoen araudiaren arabera”. Era berean, Idazkaria Nagusiak berretsi zuen “udal komunikazio kanalen bidez zabaldutako edukiak udal jardueraren berri ematera mugatu behar direla, propaganda edo kritika alderdikoirik egin gabe eta oposizioari eraso egin gabe”.

Ezkerreko zinegotzi subiranistak iragarri duenez, “Egoera hori zuzentzeko eta gomendio horiei jarraituz, erakunde profilak sare sozialetan eta udalaren webgunean behar bezala erabiltzea bermatuko duten irizpide arautzaileak ezartzea eskatu dugu. Eskaera bat aurkeztu dugu, Barakaldoko Udalari arau argiak, publikoak eta Osoko Bilkurak onartutakoak emateko eta komunikazio instituzionaleko kanalak erabiltzekotan, une oro izaera neutrala, objektiboa eta zerbitzu publikora bideratuko direla bermatuz”.