AKTUALITATEA
| 2024-11-11 19:55:00
Gaur hasi berri den herri galdeketan parte hartzera deitu du Arrasateko EH Bilduk. “Guztion iritzia entzuteko galdeketan parte hartzera animatu nahi ditugu arrasatearrak, etorkizuneko autobus geltoki duina guztion artean erabakitzeko”.
Zentzu honetan, Arrasateko EH Bilduren iritziz, autobus geltokia Zalduspen mantentzeak “alde positibo eta onura gehiago ekarriko dizkio herriari. Alde batetik, 200 autobus baino gehiago herrian sartzea ekidingo dugulako, eta, bestetik Zalduspeko gunea urbanizatzeko aukera eskainiko digulako. Azken puntu honekin batera, kotxeentzako eta bizikletentzako aparkaleku disuasorio publikoa eraikitzeko aukera emanez eta herribusaren eskaintza behar berrietara egokituz. Uste dugu Zalduspek aukera gehiago eskainiko dizkigula”.
Autobus geltoki estali, eroso eta duina helburu
Kokapena bezain garrantzitsua da EH Bildurentzat eraikiko den autobus geltoki mota. “Kokalekua bat edo beste izan, ezinbestekoa da geltoki duina eraikitzea. Eguraldiaren gora beheretatik babestuta egongo den geltokia izatea, eta erabiltzeleoi gune astegin bat eskainiko diguna”.
Geltoki duina eskaintzeaz gain, Gipuzkoako Batzar Nagusietatik eta Debagoieneko alkatetzetatik, garraio publikoa indartzeko lanketa eta ekimenak bultzatzen jarraituko duela adierazi du.
AZKEN ALBISTEAK
Debagoieneko alkateak Gipuzkoako Batzar Nagusietan izan ziren atzo bilkura jarraitzen, Gipuzkoako EH Bilduren batera, eskualdeko mugikortasun arazoak bideratzeko berehalako neurriak eskatzeko
| 2024-12-12 14:35:00
Eñaut Arriaran Villarrek hartuko du Arrasateko EH Bilduren zinegotzi kargua
| 2024-09-26 08:37:00
