Barrundiak eskola txikiko ateak zabalduko ditu irailean
Haur eta Lehen Hezkuntzako bi gela izango ditu eta jantokia zein garraioa eskainiko du
| 2020-01-16 12:31:00
Barrundiak eskola txikiko ateak zabalduko ditu hurrengo ikasturtean. Urteetako lanaren ostean, Lautadako udalerri honetako umeek bertan ikasteko aukera izango dute. Horrela konfirmatu du aste honetan bertan Eusko Jaurlaritzako Hezkuntza Saileko delegaritza ordeak Barrundiako Udalari. Gauzak horrela, datorren urtarrilaren 27an zabalduko den matrikulazio epean Barrundiako eskola txikia aukera gisa agertuko da.
Ekinbide izeneko eraikinean egongo da eta eraikina bera egokitzeko Barrundiako Udalak 74.600 euro inbertituko ditu. Dagoeneko, aurreko hilabetean onartu ziren aurrekontuan diru partida gordeta zeukaten. Horrez gain, Eusko Jaurlaritzari diru-laguntza eskatu dio inbertsioari aurre egiteko. “Herri biziak nahi baditugu, gure geroa zaindu behar dugu ezinbestean eta umeak hemen hazteko aukera izan behar dugu; horregatik guretzako funtsezko proiekta zen herri eskola bat zabaltzea Barrundian”, azaldu du Igor Medina Isasa alkateak.
Barrundiako udalerriak 880 bizilagun inguru ditu, eta horietatik 85 dira 2 eta 12 urte bitarteko neska-mutikoak. Gaur egun, udalerria osatzen duten 13 herrietatik beste udalerrietara joan behar dira 3 urtetik gorako haurrak egunero ikastera; txikiagoek Haur Eskola dute Ozetan. Baina bertako gurasoek Etxeako elkartea sortu eta Ozetan eskola txiki bat zabaltzeko lanean ibili dira azken urteotan. Orain, lanak bere fruituak eman ditu.
Beste eskoletan bezala, eskolatik 2 kilometrotik gorako distantzian bizi direnek garraioa izateko aukera izango dute. Bertako jantokia, aldiz, guraso elkartearen esku geldituko da. “Hor, ezinbestean, zabalik dugun ekonomatoarekin batera elkarlanean aritu baharko dira bertako produktuak sartzeko eta ekonomia zirkularra bultzatzeko”, azaldu du Medinak.
EH Bildu-k CIAM San Prudentzio eraberritzeko proiektuari berriz ekiteko eskatu dio Aldundiari, plaza publiko berriak sortzea ahalbidetzeko
Claudia Venceslao: "Egoitza-plaza publikorik sortu gabe pairatzen dugun hirugarren legealdia izan daiteke"
| 2020-01-14 09:32:00
EH Bildu-k CIAM San Prudentzioko lehen eta bigarren solairuak berritzeko proiektuari berriro ekiteko mozioa defendatuko du Arabako Batzar Nagusietako 2020ko lehen osoko bilkuran. Modu honetan, adinekoen arretarako plaza publiko berriak sortzea ahalbidetu nahi du EH Bildu-k.
Joan den urriaren 11n, Gizarte Ongizateko Foru Diputatuak Arabarren gunean 150 egoitza-plaza sortzea aipatu zuen; Foru Gobernuak jakinarazi zuenez, 2022an egoitza hori amaituta egotea aurreikusten da. "Informazio horren aurrean, egoitza-plaza publikorik sortu gabe hirugarren legegintzaldia izateko arriskua dugu. Gero eta gehiago diren itxarote zerrendekin, beharrezkoa da adinekoen arretari estaldura emango dioten plaza publikoak ezartzea", adierazi du Claudia Venceslaok, asteazkenean, hilaren 15ean, mozio hori defendatuko duen batzarkideak.
EH Bildu-k eta Foru Gobernuak 2016an eta 2017an egindako akordioen ondorioz, Foru Aldundiak txosten bat egin zuen CIAM San Prudentzio egoitzako lehen eta bigarren solairuak berritzeko, eta 50etik 70era bitarteko egoitza-plazak ezartzeko aukera eman zuen. Hala ere, Venceslaok gogoratu duen bezala, gaur egun solairu horiek gutxiegi erabiltzen dira egoitza-arretarako.
EH Bildu-k asteazkenean defendatuko duen mozioak puntu bakarra izango du: Arabako Batzar Nagusiek Arabako Foru Aldundiari eskatzen diote berriro ekin diezaiola CIAM San Prudentzio enpresaren lehenengo eta bigarren solairuak eraberritzeko proiektuari 2020a amaitu baino lehen, txosten horretan deskribatutako egoitza-plazak ezarrita.
ALBISTEAK
EH Bildu-k deitoratu du EAJ-k eta PSE-k udal-eskumeneko Gizarte Zerbitzuak zentralizatzearen alde egin izana.
2020-10-21 12:44:00
Foru Gobernuak uko egin dio, halaber, FOFEL-en bidez EGLZ-en finantzaketa arautzeari. Luis Maria Salgado: "Aldundiak ezin du udal bat behartu bere eskumena lagatzera. Bere eskumenaren kudeaketarekin jarraitzea erabakitzen duen udalak gainerakoen askatasunean eta baldintza berdinetan egiten jarraitu ahal izatea defendatzen dugu".
Diru bilketaren jaitsieraren ondorioz, udalek izango duten murrizketa datozen bi urteotan itzultzea eskatuko dio berriz ere EH Bilduk Foru Gobernuari
2020-10-20 12:01:00
Biharko osoko bilkurari begira, “arrazoituta eta salbuespenez, berregokitzeak geroratzea edo zatikatzea” dioen zuzenketari eutsiko dio horrela eskatu baitu udalerrien heren batek
EH Bildu-k deitoratu du Foru Gobernuak diru-bilketaren jaitsiera arintzeko ekimenik ez izatea.
2020-10-16 10:28:00
Kike Fdz de Pinedok epe luzerako beste politika fiskal bat eskatu du COVID TASA ezartzearen beharra nabarmenduz.
EH Bilduk neurri eraginkorrak eskatu ditu ardoa ekoizpen prezioen azpitik saltzen ez dela bermatzeko
2020-10-16 09:28:00
Iñaki Ruiz de Pinedo: "Arabako Errioxaren kasuan mahatsa saltzen duten 1.000 familia baino gehiago daude eta uste dugu administrazioek ezin dutela beste alde batera begiratu eta legea betetzen dela zaindu behar dutela, sektore ahul eta babesgabe hori babestu behar dutela berriak ez diren baina sektorea kolokan jartzen duten praktika horien aurrean"