Araba

EH Bildu-k laguntza bereziak eskatu ditu ardogintzaren sektorerako

Kike Fdz de Pinedo: "Krisialdi honek aukera eman beharko liguke sektorea birpentsatzeko eta ekoizpen ereduaren zein salmenten birlokalizazioaren inguruan hausnartzeko: bestelako ereduaren alde egin behar da, kalitatezkoa, tokikoa, jasangarria, herriei eta lurrari lotutakoa”

| 2020-05-06 10:14:00

EH Bilduk mozio bat erregistratu du Arabako Batzar Nagusietan Aldundiak mahats-bilketarako neurri zehatzak hartzeko helburuarekin. Mozioan bertan, langileen lan baldintza duinak eta euren osasuna bermatzeko neurriak eskatu ditu EH Bilduk, COVID-19aren pandemiari aurre egiteko osasun protokoloak eta bitartekoak eskatzeko: maskarak, eskularruak, ura, distantziak, testak…

Zentzu berean, Foru Aldundiak krisiaren testuinguruan, eta upategi txiki eta familiarretan arreta berezia jarriz, laguntza bereziak eman ditzala eskatu du.  Horretarako, besteak beste, Aldundiak tokiko kontsumoa bultzatzeko kanpaina abiaraztea eskatu du EH Bilduk, zuzeneko salmenta bideak eta on line salmenta sustatuz eta behar diren logistika eta garraio gastuetarako laguntza lerro berezia sortuz.

Sortu den egoera berriari erantzuteko eta dauden egiturazko arazoak gainditzeko ardogintzaren inguruko estrategia integral bat diseinatzeko beharra ere azpimarratu du Kike Fdz de Pinedo bozeramaileak: “Plangintza hau Arabako Errioxako eragileekin, ardogintza elkarteekin, nekazaritza sindikatuekin eta gainontzeko batzarkide taldeekin batera egin behar da”.

Sektorea birpentsatzeko aukera

Fdz de Pinedoren ustez, ardogintzaren sektorean egungo ereduaren ondorioak azaleratzen hasi dira eta ardogileen azpisektoreak esportazioen muga-zergak aurrez aurre zituenean, mehatxu berri bati aurre egin behar dio: COVID-19a. “Ohiko salmenta bideak ia gelditu dira, eta honek beste bide batzuk arakatzea eskatzen d, besteak beste, tokiko kontsumoa eta on line salmenta sustatzea eta Euskal Herriko merkatuan Arabako ardoen sarrera eta sustapena bultzatzea”. Hala ere, bozeramaileak ez du ahaztu nahi izan galerak arintzeko behar diren laguntzak ematea ezinbestekoa izango dela.

“Krisialdi honek aukera eman beharko liguke sektorea birpentsatzeko eta ekoizpen eredua zein salmenten birlokalizazioaren inguruan hausnartzeko: bestelako ereduaren alde egin behar da, kalitatezkoa, tokikoa, jasangarria, herriei eta lurrari lotutakoa”, ondoroztatu du bozeramaileak.

EH Bilduk “ez-ohiko” neurriak eskatu dizkio Arabako Foru Aldundiari udal finantzazioa bermatzeko

Defizita eta zorra malgutzeaz gain, soberakinen erabilpena zabaltzea proposatu du.

| 2020-05-05 11:05:00

EH COVID 19k eragindako osasun krisiak eragina izango du, zalantzarik gabe, arlo sozioekonomikoan eta, ondorioz, diru-bilketan. Hori dela eta, EH Bilduk “ez-ohiko” neurriak eskatu dizkio Arabako Foru Aldundiari udal finantzazioa bermatzeko. Horrela dago jasota Arabako Batzar Nagusietan, Gasteizko Udaletxean eta herrialdeko beste udalerrietan eztabaidatzeko erroldatu duen proposamenean. Izan ere, aurrekoetan diru bilketa “gaizki” joan denean, “galtzaileak” toki erakundean izan dira. Horrela azpimarratu du Javier Argote EH Bilduko batzarkideak eta, era berean, gogoratu du “toki erakundeek herritarrei eskaini behar zaizkien zerbitzuak emateko finantzazio nahikoa bermatuta izan behar dutela”.

 

Orohar, lau dira EH Bilduk planteatzen dituen ez ohiko neurriak. Batetik, soberakinaren erabilpena zabaldu krisiaren ondorioei aurre egiteko egin beharreko inbertsio sozialak bultzatzeko. Udalerri askok, azken urteotan egindako kudeaketa egokiari esker, epe ertainean egin beharreko inbertsio sozialak finantzatzeko soberakina nahikoa dute baina, Egonkortasun Legeak ez du horrelakorik ahalbideratzen. “Ez du inolako logikarik salbuespeneko egoera honetan diru-partida horiek ez erabiltzea sortuko diren beharrei erantzuteko, egonkortasunaren izenean, orain arte egin den bezala”, nabarmendu du Argotek.

 

Bigarrenik, Toki Erakundeen Finantza Funtsaren jaitsiera bortitza lausatzeko irtenbideak toki erakundeekin adostu behar direla defendatu du EH Bilduk. Kasu honetan, EH Bilduren ustez, “soluzio ezberdinak planteatu eta adostu behar dira toki erakundeekin, ondoren, tokian toki egokiena den formula aukeratu ahal izateko, beti ere, inolako inposaketarik gabe eta iraganeko akatsak errepikatu gabe”.

 

Hirugarrenik, 2020ko aurrekontuetarako finkaturiko tokiko erakundeek bete beharreko egonkortasun, zor eta gastuaren helburuak malgutzea eskatu du EH Bilduk. Azkenik, Toki Erakundeei zuzenduta, 2020ko aurrekontuetan jasotzen dituen finantzazio lerroak zabaltzea eta indartzea. Horien artean, toki erakundeetan garatzeko hain bat plan (Lan eta Zerbitzuen Foru Plana, Obra Txikiak, Auzolan) eta diru-laguntza lerroak daude.

 

Zerga politikan aldaketak

Diru sarreretan jaitsiera bortitza egongo dela ikusita, EH Bilduk Arabako Foru Aldundiari zerga politikan aldaketak egitea proposatu dio. Ildo horretan, Europako zerga presiora hurbiltzea finantza nahikotasuna bermatzeko asmoz eta, batez ere, Aberastasun Handien Zerga ezartzea planteatu du, eta eskaera bera egingo du Arabako udalerrietan. «Berriro krisi sozial eta ekonomiko baten hastapenetan gaudela, ezin da errepikatu aurreko krisian gertatu zena. Ezinbestekoa da orain zerga sistema bidezko bat izatea, irteeran inor atzean gera ez dadin. Gehien dutenek gehiago ordaindu behar dute, sektore publikoak denentzako zerbitzu eta babesa bermatu ditzan», azaldu du Miren Larrionek, Gasteizko Udalean EH Bilduko bozeramaileak.

Mozioak lau hilabetean zerga erreforma bidezko eta progresibo bat aurkez dezala eskatzen dio foru gobernuari, diru-sarreretan espero den jaitsieraren efektua arindu ahal izateko.

 

 

 

ALBISTEAK

EH Bildu-k Arabako upategi familiarrak babestuko dituen eredu bat garatzeko edozein ahaleginen aurrean Errioxako Kontseilu Arautzaileak duen itxikeria salatu du.

2020-07-30 09:44:00

Arabako ekoizpen-eredu koherentea eta familiarra babesten duen ekimen eta alternatiba oro babestuko du EH Bildu-k, Errioxa jatorri-deituraren barruan edo kanpoan.

EH Bildu-k Arratzua-Ubarrundiako Udalari eskatu dio Iberdrolari eska diezaiola linea elektriko berria osorik lurperatzea

2020-07-28 21:13:00

Arantza Arranz: "Eusko Jaurlaritzaren erabakiak ingurumenean eragin larriak dituen aireko zati bat mantentzea proposatzen du, nahiz eta tarte hori lurperatzeko aukera ere badagoen. Azken aukera horrek hobekuntza estetikoak dakartza paisaia naturalean, segurtasun handiagoa herritarrentzat eta ingurunearentzat, baita mantentze lana hobetzea ere".

EH Bildu-k Aldundiaren izaera "deshumanizatzailea" salatu du, egoitzetako bisitak mugatzeko edo eguneko zentro publikoak ixteko hartu duen erabakiaren aurrean

2020-07-24 08:52:00

Claudia Venceslao: “Jakina, segurtasun- eta osasun-neurrien alde egiten dugu, baina ez gizarte-baliabideen deshumanizazioaren kontura, hain ahulak diren pertsonak eta adinekoak artatzen baitituzte".

EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek egia, memoria, justizia eta erreparazioa eskatuko dute frankismoko biktimentzako uztailaren 18an

2020-07-16 11:40:00

Estatu kolpearen 84. urteurrenarekin bat eginez, omenaldia eta elkarretaratzea antolatu dituzte.