AKTUALITATEA

Abian da 2026ko Aguraingo aurrekontu parte-hartzaileen prozesua

| 2025-06-02 15:09:00

Agurainek 2026ko aurrekontu parte-hartzaileen lehen fasea ireki du, Agurainen erroldatutako 16 urtetik gorako edonork bere proposamenak egin ditzan. Proposamenak egiteko epea gaur hasiko da, ekainaren 2an, eta 2025eko ekainaren 30era arte luzatuko da, biak barne.

Udan, Udaleko teknikariek proposamenak aztertu eta lehenetsiko dituzte, iraileko lehen hiru asteetan herritarrek hiru proiektu aukeratu ditzaten onartu diren guztien artean.

Hautatutako proposamenak 2026rako udal-aurrekontuaren proiektuan sartuko dira, Udalbatzak onar ditzan. Udalak proposamen guztien zerrenda argitaratuko du, azterketa eta balorazio teknikoaren fasea zein fasetan igaro den eta Aurrekontu Proiektuan zeintzuk sartu diren adieraziz.

Nolanahi ere, Aguraingo Udalak tresna eta mekanismoak aurreikusi ditu herritarrek aipatutako epeetatik kanpo ideiak aurkezteko aukera izan dezaten, hala nola, erregistroa edo udalaren webgunea.