AKTUALITATEA
| 2020-05-29 08:33:00
Pandemiaren hasieratik, EH Bildu Amurriok Udal Taldeak sarritan azpimarratu du beharrezkoa dela Udal talde guztiei ideiak eta proposamenak aurkezteko aukera ematea, bai eta egoera horri aurre egin ahal izateko ahal den guztia adostea ere.
Horregatik, deitoratu du martxoaren 13tik, lehen aldiz lankidetzarako erabateko prestasuna eskaini eta eztabaidarako eta akordiorako mahaia osatzeko eskatu zutenetik, aste honetara arte erantzunik jaso ez izana.
"EAJren Gobernu Taldeak alde bakarretik hartu ditu erabaki guztiak, gurekin kontatu gabe eta gure proposamenak entzun gabe", adierazi du Iñaki Ibarluzea bozeramaileak.
Gainera, alderdiak adierazi du egin diren bilerek gobernu-taldeak hartutako erabaki batzuk jakinarazteko baino ez dutela balio izan, baina ez dela negoziatzeko eta adosteko borondaterik izan. Batzuen berri sare sozialetatik ere izan dute.
Hala ere, "EH Bildu Amurriok berretsi nahi du herritarren alde lan egiten jarraituko dugula, hori izan da beti gure konpromisoa eta hala izaten jarraituko du", esan du Ibarluzeak.
AZKEN ALBISTEAK
EH Bildu Amurriok 14 neurri aurkeztu ditu guztira aurrekontuen harira, 800.000 eurotik gorako proposamenak luzatuz
| 2021-11-15 21:18:00
EH Bildu Amurriok lehentasunezkotzat jo du aurrekontuan gauzatu ez diren 236.000 euroak Zabaleko eraberritzeko erabiltzea
| 2021-08-04 17:29:00
Amurrioko Udal Gobernuak Obra eta Zerbitzuen Foru Planean instalazio kulturalen hobekuntza sartu ez izana deitoratu du EH Bilduk
| 2021-07-21 17:28:00
