AKTUALITATEA

EAJ-K ETA PP-K BENGOLARRAKO OBRAREN 4. PROROGA ONARTU DU BESTE BEHIN ERE EMPRESARI ISUNIK EZARRI GABE

| 2024-06-07 06:17:00

Joan den maiatzaren 31n amaitu zen, laugarren aldiz, Bengolarrako obra amaigabea bukatzeko epea.

 

Orain obraren amaiera uztailaren 15rako "aurreikusten duen" maiatzaren udalbatzan onartutako aldaketa honek, atzerapen berri bat dakar birgaitzearen bukaera eta entregarako. Azken proroga horren ondorioz, gainera, aurten Bengolarrako igerilekuak eta taberna itxita egongo diren hirugarren uda izango da jarraian, eta herritarrak Zuiako instalazioetara joan behar izatera behartuko ditu. Horretarako, berriz ere, hitzarmena onartu da.

 

Bestalde, udaleko giroak okerrera egiten jarraitzen du, jolaserako eta elkartzeko espaziorik ez dagoelako, hala nola taberna eta Bengolarra parkea.

 

Koadro honetan, obraren bilakaera ikus daiteke: gauzatze-epeak aldatzeko datak, kostuen igoerak eta epeak ez betetzeagatiko zigorrak.

Oraingoz, gastuen igoera 549.000 €-koa da, esleitutako proiektuaren kostuaren % 18 '91 gehiago eta 8 hilabete eta erdiko atzerapenak metatu dira.

 

Susmoa dugu laugarren aldaketa hau ez dela azkena izango. Obren egoera eta oraindik hasi gabe dauden barne-instalazioen egokitzapena kontuan hartuta, ez dugu bideragarri ikusten onartu berri duten epe berria betetzea ere.