AKTUALITATEA

Hurrengo maiatzaren 26rako EH Bildu Muskizek aurkeztuko duen zerrenda

| 2019-05-01 20:44:00
Hurrengo maiatzaren 26rako EH Bildu Muskizek aurkeztuko duen eta Asier Iza Ule alkategaitzat duen 16 pertsonetako zerrenda luzatzen dizugu. Aire berriak daukan talde berritua dugu legegintzaldi honetara aurkezten duguna, aurpegi berriak, gazte zein helduak batzen dituena. Auzokide ezberdinek osatzen dute gure taldea, herriko eragile sozial ezberdinetatik eratorritakoak. Zalantzarik gabe ilusioz beteriko esperientziaz beteriko taldea dugu aurrean. Hurrengo egunetan zehar banan banan eta zehaztasun handiagoz, zerrendakide guztiak aurkeztuko dizkizuegu, ezagutu ditzazun.
Alor kulturalean, sozialean zein ekonomikoan Muskiz herri indartsua bilakatzea dugu helburu, urbanistikoki kohesionatuta, ingurugiroaz eta osasunaz kezkatuta. Kritiko eta sortzaile, gure aniztasunak aberasten gaituenaren jabe izanda herri feminista bat sortzera goaz.
Helburu hauek lortzeko udaletxea herrira zabalduko dugu, politika parte hartzaileagoa, gardenagoa eta askeagoa eginez. Herritarrak ahaldunduko dituen eredu baten alde gaude eta ahalduntzea soilik posible bilakatzen da parte hartze askea dagoenean. Egungo eredu politikoa errefusatzen dugu, jakinda ordezkaritza ereduak ez duela herritarron duintasuna bermatzen.
Hemendik eta hauteskundeak izan arte dauzkagun proposamenak luzatuko dizkizugu. Batzuk ezagunak dituzun arren egungo gobernu taldeak atzera botata ezin izan ditugu aurrera eraman. Hauekin batera bilera ezberdinetatik ateratako herritarron parte hartzetik jasotako proposamen berriak dauzkagu.
 
  1. Asier Iza Ule
  2. Miriam Barrio Díaz
  3. Iñaki Zaldua Calleja
  4. Nagore Yesa Bilbao
  5. Alma Fernández Martín
  6. Iñaki San Miguel Gallego
  7. Irune Vitoria García
  8. Ramon Montenegro Llorente
  9. Yolanda Diez Aldama
  10. Natxo Landeta Tierra
  11. Maritxu Bilbao Allende
  12. Jose Mari Llamosas Llamosas
  13. Gotzone de Miguel Alfaro
  14. Alfonso Zenon Castro
  15. Rut Martínez Iza
  16. Marcos Cucó Barrios