AKTUALITATEA

| 2025-05-28 09:35:00

Duela aste batzuk, Lamiako Maskaradak salatu zuen Lamiakoko antzokiaren egoera txarra; izan ere, urtero,  hainbat hilabetez, Lamiako Maskarada auzoko jaietan antzezteko beharrezkoak diren entseguak egiten dituzte.

Egoera jasanezina da, eta urte asko daramatzate salatzen. Lokal honek ez ditu gutxieneko segurtasun- eta osasungarritasun-baldintzak betetzen Lamiako Maskarada garatu ahal izateko beharrezkoak diren entseguak egiteko.

2017tik (bai, duela 8 urte baino gehiagotik) EH Bilduk mahai gainean jarri ditu antzerki hori konpontzeko proposamenak. Gotzaindegiaren jabetzakoa denez, behin eta berriz eskatu dugu iraungitako hitzarmena berritzea edo lokalak lagatzeko eskatzea.

Urtero erantzun bera Alkatetzatik eta EAJ eta PSEren Tokiko Gobernutik. Horretan lanean ari gara. 8 urtetan ez al dira gai arazo honii irtenbide bat emateko? Honek oso argi uzten du gauza bat: Iban Rodriguez alkateak eta EAJren eta PSEren gobernu-taldeak borondate gutxi izan dutela antzerkia konpontzeko; edo kudeaketan eraginkortasunik eza argia erakusten dutela herritarrek dituzten arazoei irtenbidea emateko. Argazkiak ateratzeko azkarrak dira... baina arazoak konpontzeko...

Oso egoera larria iruditzen zaigu. Gauzatzen ez den konpromisoa, eta informazioan gardentasun gutxi. Oposizioari ez ezik, lokal horiek eta erantsitako beste lokalak erabiltzen dituzten elkarteei ere.

Hilabete honetan, Udalak obra bat egin du ura xukatzeko ponpa konpontzeko. Gotzaindegiaren jabetzakoa izanda konpon badaiteke, inbertsio hau egin ahal izan bada, Zergatik aurreko 8 urteetan ez da bat ere egin? Arazoari behin betiko irtenbidea ematea eskatzen dugu, beste aitzakiarik eta atzerapenik gabe.

Asteburu honetan Lamiakoko jaietan parte hartzera animatzen zaituztegu, eta batez ere ostiral gauean Lamiako Maskaradaz gozatzera (udal aldizkarian ahaztuta daudela dirudien arren).

Eta aukera hau aprobetxatu nahi dugu auzolanean, borondatezko lanaz eta konpromiso sozialaz, herria eta auzo egiten duen jendeari eskerrak eta txaloak emateko. Mila esker!