EH Bilduren izenean, ondo pasa Gasteizko Jaietan!
| 2019-07-31 21:48:00
Badatoz urteko egunik berezienak Gasteizera!
Aurten abuztuaren 2tik aurrera unibertsitateetako txosnagunea zabalik egongo da. Eta, noski, Zeledonen jaitsierak abuztuaren 4an festak hiri osora zabalduko ditu.
Ez daudenak oroitu, nahierara kaleetan disfrutatu, eta gogoratu: EZ beti da EZ
EH Bilduren komunitarearen izenean, ondo pasa jaietan! ;-)
Bideoa: https://youtu.be/iUUrSQF27UE
Trenaren lurperatzeak eragindako kaleak eta atariak, auzoka
| 2019-07-23 12:03:00
Salburua
Budapest hiribidea 31, 33
Euskadiko Hiribidearen etorbidea 1, 2, 3, 4
Praga hiribidea 34
Norteko Trenbidearen kalea 1, 2
Alejandro Mendizabal Ingeniariaren kalea 1
Antonino Ibilbidearen kalea 7
La Eneida kalea 5, 6, 7
Nebera kalea 1, 2
Desamparados / Santa Luzia
Osasun Iturri kalea 9, 10, 12
Florida kalea 98
Manuel Iradier kalea 86, 88, 90, 92
Errioxa kalea 35, 37
Berpizkundearen plaza 6, 9, 10, 11
Adurtza
Jose Maria Iparragirre kalea 1, 2C, 4, 6A, 6B, 8, 10
Triana kalea 7
Oreitiasolo kalea 14, 15
San Cristobal
Alboka kalea 6, 8
Izardui Komandantearen kalea 1, 3, 5
Dultzaina kalea 11, 13, 14
Trenbide kalea 2, 4, 6, 8
Flandria kalea 1, 3, 5, 7, 9, 11, 13, 15
Txistulari kalea 13, 15
Unibertsitateko ibilbidea 1, 5
Dantzari plaza 1, 2, 3, 4, 5, 6
Mendizorrotza
Elvira Zulueta kalea 2, 4, 8, 10, 12, 14, 16
Juan Ibañez de Santo Domingo kalea 1
Senda ibilbidea 1, 3, 5, 7, 9, 15
Unibertsitateko ibilbidea 7, 11, 15, 19
Frai Francisco Vitoria ibilbidea 2, 3, 4, 5, 6, 7, 8, 9, 10, 11, 12, 13, 14, 15, 16, 16A, 16B, 18, 18A, 18B, 19, 20, 22
Ariznabarra
Eskibelgo Gazteluaren kalea 2, 4, 6, 8
Gaztelako Atea kalea 34, 36, 28, 40, 42, 44, 46, 48, 50
Ural-Mendi kalea 2, 4, 6, 8, 10
San Martin
Gasteiz hiribidea 5, 7
Abendaño kalea 1
Juan Angel Saez Margolariaren kalea 2
Teodoro Dublang Margolariaren kalea 2, 4, 6, 8, 10, 12, 22, 23, 25, 45, 47, 49, 51, 53
Lovaina
Gaztelako Atea kalea 10, 27, 29, 31, 33, 35
Musikaren ibilbidea 8, 10, 12, 16, 18, 22, 24, 26
Zabalgunea
Dato kalea 44
Jose Erbina kalea 2, 4, 5, 6, 7, 9, 13, 16
Florida kalea 2, 4
Manuel Iradier kalea 1, 2, 2A, 2B, 3, 4, 5, 6, 7, 8, 9, 10, 12, 14, 16
San Antonio kalea 20, 22, 26, 28, 28B, 31, 32, 34, 35
Santiago Ramon y Cajal kalea 1, 3
Geltoki plazatxoa 1
Dokumentazio ofiziala (41-268 orrialdeak):
EH Bilduk beharrezkotzat jo du auzoguneak biltzea, trena lurperatzeak dituen ondorioei buruz hiritarrak informatzeko
Larrionek azpimarratu du ezinbestekoa dela «herritarrek uneoro gertatuko denari buruz informazio egokia jasotzea, zalantza guztiak argitzeko»
| 2019-07-23 11:50:00
Joan den uztailaren 5ean Espainiako BOEk Gasteizen Trena Integratzeko Azterlan Informatiboaren testu osoa argitaratu zuen. Behin dokumentuaren edukia publiko eginda, Espainiako Sustapen Ministerioak 45 eguneko epea ireki du proiektuari buruzko informazio publikoaren prozedura egiteko.
Dokumentuaren lehen irakurraldi batek agerian utzi du obraren eraginpean hiriko 41 kale eta 200 bat atari geratzen direla, Gasteizko bederatzi zonaldetan banatuta, ekialdetik mendebaldera. «Obra hauek eragin handia izango dute hiriaren parte handi batean, eta beharrezkoa da lan horien eragina jasan dezaketen auzotar guztiek eskura edukitzea informazio esanguratsu osoa, balizko ondorio guztiak barne», azaldu du EH Bilduko udal taldeko bozeramaileak, Miren Larrionek.
Obraren garrantzia dela-eta, EH Bilduk udal gobernuari eskatu dio lurperatze proiektuak eragingo dituen auzoguneak deitzea eta biltzea, atari horietako bizilagunei modu zuzenean azaltzeko informazio tekniko guztia, eta lan horien ondorioak.
Hiritarrek dokumentuari alegazioak aurkezteko aukera badutela kontuan hartuta, EH Bilduk beharrezkotzat jo du audientzia publikoaren epea amaitu baino lehen deitzea auzoguneak. Epe hori iraileko lehen astean amaituko da.
Halako tamaina duen obra baten aurrean eta parte-hartzean benetan sinesten bada, Larrionek azpimarratu du ezinbestekoa dela «herritarrek uneoro gertatuko denari buruz informazio egokia edukitzea, eta izan ditzaketen zalantza edo galdera guztiei modu argi eta gardenenean erantzutea administraziotik».
Joan den ostiralean, halaber, trenaren lurperatzeari jarraipena egiteko lan taldea berriro eratzea erabaki zuen udalbatzak, koalizioaren mozio bati jarraituz. EH Bilduren aburuz, proiektuaren une honetan herritarrak informatzea beharrezkoa den modura, egokia da lurperatzearen lan taldea ahalik eta azkarren biltzea, udal talde guztiek eskura izan dezaten informazio tekniko osoa, eta horri buruz eskatzen dituzten azalpen guztiak argitzeko.
Udal gobernua berriro ere ez dago betetzen ari futbol zelaiak erreformatzeko agindu zituen epeak
Iratxe Lopez de Aberasturi zinegotziak salatu du gaur gaurkoz Ariznabaran ez direla hasi lanak, Kirol zerbitzutik kontrakoa iragarrita zegoen arren
| 2019-07-17 13:22:00
EAJ eta PSE-EEren udal gobernua ez dago betetzen ari joan den urtean futbol zelaiak berritzeko lortu zen akordioa. Gaur gaurkoz, Ariznabarrako futbol zelaiaren obrak, egin beharreko hurrengoa, hasi gabe segitzen du, udal arduradunak honezkero martxan egongo zirela behin eta berriro iragarri duten arren.
«Esan zuten obrak maiatzaren amaierarako abiatzea posible izan zitekeela. Ondoren, hasiera ekainera atzeratu zuten, eta, edozein kasutan, Arabako futbolaren batzarraren aurretik hasiko zirela ziurtatu zen, ekainaren 27an egin zena. Udal gobernu berriaren azken promesa izan zen makinak futbol zelaian sartuko zirela uztaileko lehen hamabostaldian. Hori ere ez dute bete», azaldu du EH Bilduko Gasteizko zinegotzi Iratxe Lopez de Aberasturik.
Gogoratu behar da kirol instalazioen erreforma martxan jarri zela iazko urrian koalizioak ahalbidetu zuen hitzarmen bati esker, baina lanei ekiterakoan behin eta berriro pilatu dira atzerapenak. Lopez de Aberasturik prozedurak azkartzea eskatu du: «Klubek denboraldia garaiz prestatu behar dute, eta jakin behar dute noiz izango dituzten instalazioak prest. Ezin dute beraien gain hartu udal gobernuaren prebisio falta».
Joan den ekainaren 26an, EH Bilduk jarraipen batzordearen premiazko bilera bat eskatu zuen, egoerari buruzko informazio erreala jaso ahal izateko. Udal gobernuak uztailaren 30a arte atzeratu du bilera hori. Federazioko ordezkariak aurreratzeko prest agertu badira ere, gobernuak erabaki du deitutako eguna ez aldatzea.
Mugikortasuna eta klima aldaketa izango dira EH Bilduk udal legealdi berrian sustatuko dituen lehen ekinaldiak
Miren Larrionek udal gobernu berriaren borondate falta gaitzetsi du batzordeetako lehen saioak uztailean egin ahal izateko
| 2019-07-05 11:13:00
EH Bilduk ezagutzera eman ditu gaur udal taldeak Gasteizko Udaleko legealdi berrian defendatuko dituen lehen ekinaldi politikoak. Hain zuzen ere, koalizioak iragarri du hiru mozio aurkeztuko dituela lehenbiziko ohiko udalbatzan, heldu den uztailaren 19an, mugikortasuna eta klima aldaketa hizpide hartuta. EH Bilduko udal bozeramaileak, Miren Larrionek, gogoratu du hauteskunde kanpainan defendatu zituen ardatzetako bi izan zirela: «Udal gobernuak bere lan ildoak irail arte jakinaraziko ez dituen arren, uste dugu beharrezkoa dela lehen momentutik ekinaldi adierazgarriak jartzea martxan herritarrei begira, eta hori izango da EH Bilduren lehentasuna».
Larrionek agerraldia egin du Amancay Villalba eta Felix Gonzalez zinegotziekin batera. Villalbak proposamena aurkeztu du Gasteizko Udalak larrialdi klimatikoaren egoera deitzen aintzindaria izan dadin, honezkero koalizioak Eusko Legebiltzarrean aurkeztu duen mozioari jarraituz. EH Bilduren ustez, beharrezkoa da urtebete baino lehenago Klima Aldaketaren Aurkako Borroka Plana berrikustea, eta dokumentu berrian helburu gisa finkatzea karbono isurketetan neutroa izango den hiria lortzea. Era berean, hiru hilabeteko epean udalean lan talde bat eratzea nahi du, larrialdi klimatikoaren arazoari heltzeko.
«Karbonoan neutroa den Gasteiz baterako bidea ahalik eta azkarren egin behar dugu, eta helburua lortzeko tresna ahalik eta eraginkorrenak izan behar ditugu eskura. Ez da nahikoa Ingurumen departamentuari izena aldatzea eta horren ordez Klimaren aldeko Ekintza deitzea. Politika handinahitsuekin arazoari heltzeko unea da, klima aldaketaren aurkako borrokan benetako Green Capital aitzindaria izan gaitezen», zehaztu du Villalbak.
Mugikortasunari dagokionez, EH Bilduren udal taldeak bi mozio aurkeztuko ditu, trenaren lurperatzeari eta hiriko ekialdea eta mendebaldea garraio publiko bidez lotzeko moduari buruz. Espainiako Sustapen Ministerioak lurperatzeari buruzko azterlan informatiboa bukatu duela iragarri ondotik, koalizioak proposatuko du lurperatzea aztertzeko udal lantaldea berreskuratzea, legealdi amaierarekin batera bertan behera geratu ondoren. «Lantalde honek, EH Bilduk eskatuta osatu zenak, izan behar du proiektuari buruzko berritasun guztiak azaltzeko eta partekatzeko udal espazioa. Talde guztiek informazio ofizialerako sarbidea izan dezaten organo egokia da», argudiatu du Gonzalezek.
Hirugarren eta azken mozioaren bidez, proposatuko da hiriaren ekialdea eta mendebaldea, Salburua eta Zabalgana, lotuko duen garraiobidea aukeratzeko galdeketa herritarra antolatzea: tranbia edo autobus elektriko adimenduna. «Biak dira hirian martxan egongo diren garraioak. Biek dituzte abantailak eta eragozpenak. Erabaki estrategikoa da, eta aukera ezin hobea da hiritarrei ahotsa emateko zein nahiago duten erabaki dezaten, informatutako eztabaida baten ondoren. Hirian inoiz egin den lehen galdeketa litzateke, gainera, eta aurrerapausu oso nabarmena litzateke parte-hartzean», azpimarratu du Gonzalezek.
Azkenik, Larrionek gaitzetsi du udal gobernuaren asmoa dela batzordeen saioak irail arte ez abiatzea, atzoz geroztik ofizialki martxan badaude ere. «Bistan da hiria ez dela gelditu, hauteskunde sasoia izanagatik, eta udal arduradun berriei galdetu eta azapenak eskatu nahi dizkiegun hainbat gai baditugu honezkero esku artean».
ALBISTEAK
EH Bilduk marra gorririk ez jartzeko eta aurreikusitako diru-sarrera guztiak aurrekontuen negoziazio prozesuan sartzeko eskatu dio Urtarani
2021-11-18 12:05:00
Felix Gonzalez: «18 milioi eurorainoko likidazio positiboa aurreikusi dugu FOFELaren bidez. Ez da EAJren eta PSEren dirua, Gasteizko herritar guztiena baizik. Funts horiek Gasteizko erronka estrategikoei aurre egiteko erabili behar dira, eta horiek nola erabili aurrekontuen arloko erabaki eztabaidatua eta adostua izan behar da».
EH Bilduk Gasteizen komun publiko gehiago jartzea eskatu du
2021-11-17 10:50:00
Amancay Villalba: «Komun publikoen gabezia osasun publikoko arazo bat da. Hiri-eredu integratzaile baterantz aurrera egitea beharrezkoa da, komun publikoak izango dituena eta herritarren beharrak asetuko dituena espazio pribatuen beharrik gabe».
Urtaranen gobernua eztabaida publikora FOFELetik datozen 18 milioi euroko aurrekontua ezkutatzen ari dela azaldu du EH Bilduk
2021-11-15 11:23:00
Rocio Vitero: «Gardentasunez jokatzeko eskatzen diogu Urtarani, aparteko diru-sarreren aurreikuspen hori aurrekontu-eztabaidan sartzeko, eta taldeei diru horrekin zer inbertsio lehenetsi behar diren proposatzea ahalbidetzeko. Une garrantzitsu honetan, etorkizuneko Gasteiz eraikitzea dago jokoan, eta EH Bilduk proposamen zehatzak egingo ditu».
EH Bilduk 17. Sektorearen garapenak ingurumenean duen eraginari buruzko txostena eskatuko dio IGIri
2021-11-12 10:52:00
Amancay Villalba: «Espazio honen ingurumen- eta nekazaritza-balioa guztiz frogatua eta aitortua dago, eta HAPO berriaren aurrerapenarekin bat etorriz, desklasifikatu beharreko sektorea izan beharko luke, horrela, esparru honetako edozein espekulazio asmo ixteko».