Donostia

Belartza II eremuan egindako kudeaketagatik Auzitegi Nagusiak Goiari egin dion errietari buruzko azalpenak eskatuko ditu EH Bilduk

EH Bilduk Nekane Arzallus arloko zinegotziaren agerraldia eskatu du asteleheneko Hirigintza Batzaordean

| 2019-07-10 12:29:00

Azken urteotan Belartzarako aurreikusi diren egitasmoen eta egindako obren inguruan polemika handiak egon dira. Bertan egin nahi duten merkataritza gune handi berriaren aurrean oso kritikoak agertu dira hiriko dendariak, añorgatarrak eta mugimendu ekologista, besteak beste.

Orain, Belartza II eremuan udal gobernuak emandako baimen bat legez kontrakoa dela adierazi du Euskal Autonomia Erkidegoko Justizia Auzitegi Nagusiak. Zehazki, Belartza II eremuan hainbat tona harri botatzeko Eneko Goiaren udal gobernuak emandako baimena legez kanpokoa izan zela adierazi du auzitegiak.

Izan ere, hasiera-hasieratik, auzokoek eta ekologistek udalak emandako baimena salatu zuten, baita EH Bilduk ere. Hala eta guztiz ere, egindako salaketak ukatu eta baztertu egin zituen udalak.

Baina, azkenean, aurreikusitakoa bete da eta EAEANk udalak emandako baimena legez kanpokoa dela adierazi du, Haritzalde elkarteak egindako helegiteari arrazoia emanez.

Are gehiago, sententziaren arabera, harriak bota baino lehen zegoen egoera berrezartzeko eskatu dio Donostiako udalari. Hau da, bertan zeuden zuhaitzak, landareak eta abar berrezarri beharko ditu udalak.

Hauek horrela, EH Bilduren udal taldeak Nekane Arzallus arloko zinegotziaren agerraldia eskatu du asteleheneko Hirigintza Batzaordean, azalpenak eman ditzan eta ardura politikoak argitu daitezen.

Mugimendu feministaren salaketekin bat eginez, Donostiako EH Bilduk ez du parte hartuko Woody Allenen filma dela-eta Udalak antolatu duen harreran

Bihar, hilak 9, Eneko Goia alkateak, Mediapro produkzio-etxearekin batera, Woody Allenen filmaren grabaketa dela-eta harrera antolatu du Udaletxean.

| 2019-07-08 16:43:00

Zuzendari moduan duen kalitatea alde batera utzita, jakina da Woddy Allenen aurkako salaketa oso larriak daudela. Woody Allenen alabaordeak, Dylan Farrow, 7 urte zituela sexu gehiegikeriak egin zizkiola salatu du publikoki. Salaketa hori dela eta, Estatu Batuetako eta beste herrialdetako mugimendu feminista “Dylan, nik sinisten dizut” lemapean kanpaina batean murgilduta dago.

Horren ondorioz, Woody Alleneren azken filmaren estreinaldia bertan behera geratu da, Amazon multinazionalak berarekin ekoizteko aurreikusita zeuzkan hiru film ere bertan behera gelditu dira eta ez du lortu bere memoriak argitaratzea. Zentzu berdinean, Allenekin lan egin izanaz damutu dira aktore asko: Mira Sorvino, Ellen Page, Eva Rachel Wood, Greta Gerwig, Susan Sarandon et abar. Are gehiago, “Vicky, Cristina, Barcelona” -Mediapro produkzio-etxekoa ere- filmaren protagonista izandako Rebeka Hall berak filmaren errodajean irabazitako dirua zimena munduan izandako eraso matxistak salatzeko lanean ari diren elkarteei eman die.

Eta gertukoagoa da Asturiaseko mugimendu feministak 2018an egindako salaketa. Oviedo hirian Woody Allenek duen estatua kentzeko eskatu zuen “omendua izateko arrazoirik ez dagoelako”.

Eneko Goiak hau dena kontuan hartu ez eta Woddy Allenen aldeko harrera ofiziala egitea erabaki du. Gainera, ez ohiko trataera jasoko du Allenek, Donostian grabatzen diren beste filma askoren kasuan ez baita horrelako harrerarik egiten.

Eneko Goiak, Mediaprorekin batera, antolatu duen harrera lekuz kanpo dago, eta, horregatik, Donostiako EH Bilduko zinegotziok ez dugu parte hartuko.

ALBISTEAK

EH Bilduk elkarretaratzea deitu du "Zentzugabekeriak goia jo du; metroaren gastua lehentasun sozialetarako" lelopean

2020-10-20 15:03:00

EH Bilduk dei egin die herritarrei larunbat honetarako, 12: 00etan, ETSk Amarako geltokian duen bulegoaren aurrean

Metro-pasantea dela-eta, donostiarrei gezurra zergatik esan dien azaldu beharko du Eneko Goiak asteleheneko batzordeetan

2020-10-16 13:41:00

Donostiako EH Bilduk ikerketa egin du metro-pasantearen obrak gelditu izanaren inguruan eta gaur behin-behineko ondorioak aurkeztu dituzte prentsaurrekoan Reyes Carrere bozeramaileak eta Garbiñe Alkiza zinegotziak. Eneko Goia alkateak asteleheneko batzordeetan egingo duen agerraldiari begira, donostiarrei gezurra zergatik esan dien azaldu beharko duela adierazi du Reyes Carrere Donostiako EH Bildu udal taldeko bozeramaileak

Donostiako Euskararen Plan Orokorra osatzeko ekarpena egin du EH Bilduk

2020-10-13 14:22:00

Amaitu da Donostiako Euskararen Plan Orokorraren (2020-2024) diseinu lana. Irail honetan egin den Euskara Sektore Kontseiluan aztertu ostean, Tokiko Gobernu Batzordeak gaur eman dio azken onarpena.