AKTUALITATEA

Zenbat ohe huts, zenbat aulki hotz

| 2019-12-24 08:46:00

Kilometrotan bezala hitzetan

Bidea neurtuko balitz

zenbat motxila, zenbat istripu,

zenbat ixildutako hitz

zenbat irrifar ta zenbat malkoz

lurrindutako eskutitz

zenbat ohe huts, zenbat aulki hotz

ta zenbat sentimendu hits

urteak joaten dira ta gurpil 

berean bueltaka gabiltz.

 

Eguberriek elkartasuna

pizten digute zainetan

Eguberriek lagunak biltzen

dituzte mahaien bueltan

baina oheek hutsik darraiate

familia batzuetan

hogeita lauez elkar gaitezen

Euskal Herriko plazetan

eta abes dezagun oheak hustu

daitezen espetxeetan.

 

Bertsoa: Silvia Etxaniz