Araba

Barrundiako Udalak lehiaketara atera ditu Ekinbide eraikinean Eskola Txikia egokitzeko lanak

100.000 euro inguruko inbertsioa izango da eta lanak lau hilabetez luzatuko dira

| 2020-05-15 12:17:00

Barrundiako Udalak dagoeneko Ekinbide eraikina egokitzeko eta bertan eskola txikia egiteko lanak lehiaketara atera ditu. Guztira, 100.000 euro inguru inbertituko dituzte, datorren ikasturtean Barrundiak Eskola Txikia bat izan dezan.

Barrundiako Landa Eskola Ekinbide eraikinean kokatuko da, 0 eta 3 urte bitarteko haurrentzako haurreskola hartzen duen udaletxe zaharrean. Behin obrak amaituta, Eskola Txikiak haur-hezkuntzako gela bat eta lehen hezkuntzako beste bat izango ditu. Eskolak sarbide independentea izango du, eta beheko solairuan haurren gela egongo da, eta horrek, aldi berean, 561 m2-ko lorategi batera zuzenean sartzeko aukera izango du. Etorkizunean ataripe bat eraikitzea ere aurreikusten da. Lehen solairuan, berriz, lehen hezkuntzako gela eta erabilera anitzeko gela bat egongo dira. Bulegoetarako gunea, laguntza-gela eta jolaserako lekua ere izango ditu.

21 haurrek eman dute izena dagoeneko Barrundiako Landa Eskolan. Gehienak udalerrikoak dira, horietatik 15 Haur Hezkuntzan apuntatu dira eta beste 6 Lehen Hezkuntzan. Horrela, Barrundiak aspaldi herritarrek zuten aldarrikapenari erantzungo dio.

Izan ere, Udalerriak 880 bizilagun inguru ditu, eta horietatik 85 2 eta 12 urte bitarteko haurrak dira. Gaur egun, udalerria osatzen duten 13 herrietatik, 3 urtetik gorako haurrek egunero joan behar dute beste udalerri batzuetara ikastera; txikienek, aldiz, Haur Eskola bat dute Ozaetan.

 

 

 

 

Zalduondok irudi korporatiboa estreinatu du

Inauteriak, ingurune naturala, Lazarraga Jauregia eta Tolosako San Saturnino Eliza agertzen dira logotipo berrian

| 2020-05-15 12:15:00

Zalduondoko Udalak bere ikonografia modernizatzea erabaki du eta hemendik aurrera irudi korporatibo berri bat izango du. Arabako Llandako herri honetako natura, historia, arkitektura eta kulturaren elementu esanguratsuenek osatzen dute irudi berri hori.

Gustavo Fernandez Villate udalerriko alkateak azaldu duenez, hemendik aurrera irudi, armarriarekin batera erabiliko da. "Gure irudia modernizatzen saiatu gara, baina gure ingurune naturala eta gure historia eta kultura kontuan hartuta, hau da, iragana ahaztu gabe etorkizunari begira jarri gara", zehaztu du.

Gauzak horrela, herriaren izenaren ondoan, "Porrero" bat agertzen da, Zalduondoko Landa Inauterietako pertsonaiarik zirraragarrienetako bat. Arabako landa-inauteri ezagunena da Zalduondokoa, eta 1975ean berreskuratu zen, diktaduraren zati handi batean debekatuta egon ondoren. Atzealdean Aratz mendia ikus daiteke. Gogoratu behar da udalerriaren jabetzako mendi gehiena Aratz-Aitzgorri Parke Naturalaren zati dela.

Beste maila batean, herriko bi elementu arkitektoniko ezagunenak agertzen dira. Ezkerrean Lazarraga Jauregia, XVI. mendekoa, Museo Etnografikoa gordetzen duena. Arabako arkitektura errenazentistaren erakusgarri da, eta "Gizonen Etxea" bezala ezagutzen da fatxadan dituen bi gerlarien estatuengatik. Eskuinean, Tolosako San Saturninori eskainitako parrokia-eliza.

Elementu horiek, Andoin-Luzuriaga jauregiarekin, antzinako Erromesen Ospitalearekin, Aistrako San Julia baselizarekin eta Zubizabal Erdi Aroko zubiarekin batera, Donejakue Bidearen multzo monumentalaren zati dira.

"Udalaren irudi korporatibo berri honek jendaurrean aurkeztuko gaitu. Hiribilduko ondare-elementu batzuk daude ordezkatuta, ez-materialak barne, udalerria modu erraz eta argian identifikatzen dutenak. Erraz ezagutzeko aukera ematen digu, elementu identifikatzaile ezagunak eta argiak erabiliz, eta udal erakundera garamatza herri gisa ordezkatzeko ", esan du Gustavo Fernandezek.

 

ALBISTEAK

EH Bildu-k deitoratu du EAJ-k eta PSE-k udal-eskumeneko Gizarte Zerbitzuak zentralizatzearen alde egin izana.

2020-10-21 12:44:00

Foru Gobernuak uko egin dio, halaber, FOFEL-en bidez EGLZ-en finantzaketa arautzeari. Luis Maria Salgado: "Aldundiak ezin du udal bat behartu bere eskumena lagatzera. Bere eskumenaren kudeaketarekin jarraitzea erabakitzen duen udalak gainerakoen askatasunean eta baldintza berdinetan egiten jarraitu ahal izatea defendatzen dugu".

Diru bilketaren jaitsieraren ondorioz, udalek izango duten murrizketa datozen bi urteotan itzultzea eskatuko dio berriz ere EH Bilduk Foru Gobernuari

2020-10-20 12:01:00

Biharko osoko bilkurari begira, “arrazoituta eta salbuespenez, berregokitzeak geroratzea edo zatikatzea” dioen zuzenketari eutsiko dio horrela eskatu baitu udalerrien heren batek

EH Bildu-k deitoratu du Foru Gobernuak diru-bilketaren jaitsiera arintzeko ekimenik ez izatea.

2020-10-16 10:28:00

Kike Fdz de Pinedok epe luzerako beste politika fiskal bat eskatu du COVID TASA ezartzearen beharra nabarmenduz.

EH Bilduk neurri eraginkorrak eskatu ditu ardoa ekoizpen prezioen azpitik saltzen ez dela bermatzeko

2020-10-16 09:28:00

Iñaki Ruiz de Pinedo: "Arabako Errioxaren kasuan mahatsa saltzen duten 1.000 familia baino gehiago daude eta uste dugu administrazioek ezin dutela beste alde batera begiratu eta legea betetzen dela zaindu behar dutela, sektore ahul eta babesgabe hori babestu behar dutela berriak ez diren baina sektorea kolokan jartzen duten praktika horien aurrean"