Araba

Donemiliagak adinekoei laguntzeko programa konfinamendura egokitu du

Udalak, boluntarioekin batera, desinfekzio lanak egiten ditu udalerriko 15 herrietan

| 2020-04-03 12:27:00

2014ko urtarrilean, Donemiliagak adineko pertsonei laguntzeko programa bat berezi jarri zuen abian. Baina joan den martxoaren 12az geroztik, adineko pertsonak artatzeko programa horren baitan egiten diren jarduera guztiak bertan behera geratu dira modu presentzialean. Hala ere, zerbitzuaren arduradunak laguntza-lan horiek modu telematikoan egiten jarraitzen du.

"Lehen egunetik gure adinekoekin inor baino gehiago kezkatzen da, horregatik, egunero telefono bidez jartzen da harremanetan adineko pertsona horiekin, beren egoerari buruz galdetzeko eta izan ditzaketen beharrei irtenbidea emateko. Udaletik oso neurri garrantzitsua iruditzen zaigu, kontuan hartuta landa eremua oso zahartuta dagoela, gu guztion beharra dutela, eta egoera ahulean dauden pertsonak direla” azaldu du Erika Letamendi Donemiliagako alkateak.

 

Boluntarioak desinfekziorako

Bestalde, Donemiliagako Udalak herria osatzen duten hamabost herrietako igarobide eta bestelako eremu komunetan garbiketa eta desinfekzio lanak areagotu ditu. Udala izan da desinfektatzeko beharrezkoak diren produktuak erosi dituena, eta zazpi herritan boluntarioen sare bat arduratzen da lanak egiteaz. Gainontzeko zortzi herrietan lan hori udal langileak egiten du. "Gainera, azken egunetan Suhiltzaile Zerbitzuak eta Escor enpresak ere eskaini dituzte desinfekzio lan horiek egiteko. Lankidetza oro ongietorria da une honetan, eta ez dugu zalantzarik eurekin elkarlana sustatuko dugula, baina udalerritik ere lan horiek egiten jarraituko dugu ", zehaztu du Letamendik.

EH Bildu-k hala eskatuta, Arabako Batzar Nagusietako Bozeramaileen Batzordeak talde guztien parte-hartzea ahalbidetuko duen akordioa eztabaidatuko du

Kike Fdz de Pinedo: “Egungo impasse egoerak larriki hondatzen ari ditu Foru Gobernuaren gaineko jarraipen, kontrol eta fiskalizazio funtzio legitimoa egiteko ditugun gutxieneko baliabideak. EH Bildu-tik beste parte-hartze eta kontrol mota bat posible dela uste dugu, non denok lekua izango dugun"

| 2020-04-03 09:29:00

Arabako Batzar Nagusietako Bozeramaileen Batzordeak apirilaren 7an eztabaidatuko du, eta, hala badagokio, akordio bat onartuko du, Foru Gobernuari kontrol-mekanismo bat gaitzeko eta erakundearen funtzionamendu demokratikoa eta batzarkide talde guztien parte-hartze politikoa bermatzeko.

Hori guztia posible izango da ostegun honetan EH Bildu-k Arabako Batzar Nagusietako presidenteari bozeramaileen ezohiko batzarrerako deia egiteko eskatu ondoren, eta mahaian zehar Ganberako Zerbitzu Juridikoei txosten bat eskatu ondoren, Legebiltzarreko eginkizunak betetzeari buruzko gai guztiak ebazteko, jardueren murrizketa-aldian. 

Zehazki, EH Bildu-k eskatuko du Batzorde Iraunkorra astero modu telematikoan berregitea, Foru Gobernuaren kudeaketaren jarraipena egiteko, horren gaineko kontrol parlamentarioa egiteko eta talde ezberdinek proposamenak eta ekarpenak egin ahal izateko. Izan ere, EH Bildu-k gogorarazi du Nafarroako Parlamentuko Mahaiak eta Bozeramaileen Batzordeak adostu zutela foru erregimeneko batzordea astero biltzea, PSN-k gobernatutako Foru Gobernua hartzen ari den neurrien berri izateko eta oposizioak kontrol jarduera ekarpenekin eta proposamenekin egin ahal izateko.

Ildo horretan, EH Bildu-k horretarako ezarri beharreko baliabide teknikoekin batera, zuzeneko galdera eta erantzunen arauzko prozedura bat gaitzea eskatuko du, idatzizko galderen eta informazio-eskaeren ohiko prozedurak alde batera utzita.

Azkenik, galderak idatziz erantzuteko eta taldeei informazioa bidaltzeko epeak berriro irekitzea eskatuko du EH Bilduk.

“Egungo impasse egoerak larriki hondatzen ari ditu Foru Gobernuaren gaineko jarraipen, kontrol eta fiskalizazio funtzio legitimoa egiteko ditugun gutxieneko baliabideak. EH Bildu-tik beste parte-hartze eta kontrol mota bat posible dela uste dugu, non denok lekua izango dugun", ondorioztatu du Kike Fdz de Pinedo bozeramaileak.

EH Bildu-k eta Elkarrekin Araba-k bozeramaileen batzordea deitzea eskatu dute, Foru Gobernua kontrolatzeko mekanismo bat adosteko eta alderdi politiko guztien parte-hartzea bermatzeko

| 2020-04-02 14:41:00

EH Bildu eta Elkarrekin Araba batzarkide taldeek Batzar Nagusietako Mahaiari zuzendutako idatzi bat erregistratu dute gaur gaur, foru erakundeko presidenteari Bozeramaileen ez-ohiko batzarra deitzeko eskatzeko.

Bi taldeen ustez, "salbuespenezko egoera baten aurrean gaude, COVID-19ak sortutako egungo alarma-egoerak eragindakoa, non ezin dugun modu normalizatuan jardun Batzar Nagusietan. Horrela, ez da bermatzen ari ez erakundearen funtzionamendu demokratikoa, ez eta gaur egun Arabako Biltzar Nagusiak osatzen ditugun batzarkide talde guztien parte-hartze politikoa ere".

EH Bildu-k eta Elkarrekin Araba-k Bozeramaileen Batzordearen bilera hau eskatu dute, Foru Ganberaren Araudiaren 48.1 artikuluan babestuz. Izan ere, bi Batzarkide Taldeeen eskariz, deialdi hori Ganberako Lehendakaritzak egin ahal izango du. Bi alderdien helburua da akordio bat onartzea, Foru Gobernuari kontrol-mekanismo bat emateko eta Foru Gobernuaren funtzionamendu demokratikoa eta erakundearen eta talde guztien parte-hartze politikoa bermatzeko.

Zalduondok konfinamenduari buruzko argazki lehiaketa antolatu du

Bidalitako materialarekin erakusketa bat antolatuko da alarma egoeraren ostean

| 2020-04-02 10:45:00

Zalduondoko Udalak konfinamenduari buruzko argazki lehiaketa bat antolatu du. Gustavo Ferndandez Villate udalerriko alkateak azaldu duen bezala, “konfinamendu egun hauetan kalean egon beharrean etxean egotera behartuta gaude eta elkarren berririk ez dugu edo, behintzat gutxiago”. Horregatik, “bakoitza bere etxean egon arren, elkarren berri izaten jarraitu nahi dugu eta modu batean, egun hauetan dugun egunerokotasun arraro horren irudiak bildu nahi ditugu”.

Lehiaketa horren bidez, ezagutarazi nahi da nola moldatu den bakoitza egoera berriari, nola aldatu den bakoitzaren espazioa, nolakoa den orain aisialdia etxez etxe, zertan jolastu, nola egiten den lan, zer ikusten leihotik edota nolakoak diren orain harremanak etxekoekin zein animaliekin.

Ateratako argazkiei izenburua jarri behar zaie eta bidali behar dira azalduondo@ayto.araba.eus helbide elektronikora edota 669983523 telefonora. Bildutako materialarekin alarma egoeraren ostean erakusketa bat antolatuko da herrian. Horrez gain, herriak aukeratuko ditu argazkirik onenak eta horiek saria izango dute. Lehenak 100 euro jasko ditu, bigarrenak 50 euro eta hirugarrenak 25 euro.

Egoera honetatik aterako gara eta bitartean herritarren arteko sareak eta harremanak indartzen jarraituko behar dugu, horregatik martxan jarri dugu ekimen hau”, gaineratu du Zalduondoko Alkateak.

 

Zuiak udal zerga eta tasen kobrantza aldi baterako eten du eta hainbat prezio publikoak egokitu ditu

Udalerriko saltokiei, langile autonomoei eta enpresei lagundu ahal izateko tresna eta formulak aztertzen ari da

| 2020-04-01 17:25:00
Koronabirusaren izurriteak sortutako krisia dela eta, Zuiako Udalak aparteko hainbat neurri hartu ditu, Zuiako gizarteari alor guztietan babesa emateko.
 
Hala, udal zerga eta tasen kobrantza aldi baterako etengo daMusika-Eskolaren, zaintzaren eta kirol jardueren prezio publikoei dagokienezez dira martxoko kuotak igorriko, ezta egoera honek eragiten dien hilabeteetakoak ere.
Gainera, Zuiako Udalak bere esku dauden tresna juridiko-administratiboak aplikatuko ditu, lan egiten duen zerbitzu-enpresetako langileen enplegua eta baldintza berberak bermatzeko. Eta udalerriko saltokiei, langile autonomoei eta enpresei lagundu ahal izateko tresna edo formularen bat abiaraztea aztertzen ari da.
 
Unai Gutierrez Urkiza EH Bilduko alkatearen hitzetan, "bizitzen ari garen salbuespenezko egoeraren aurrean, herritarrengan, oro har, familian, ekonomian, gizartean eta lanean dituen eraginak arintzen saiatu behar dugu, norbanakoaren eta komunitatearen osasuna beste ezeren gainetik lehenetsiz. Administrazio publikoa garen aldetik, gure udalaren egoera ekonomiko onak ahalbidetzen digun baliabide oro zuiarren eskura jarriko dugu".

Hartutako neurri guztiak, xehetasun gehiagorekin, www.zuia.eus udal webgunean ikus ditzakezu.
Eta hurrengo estekan ere bai: https://mcusercontent.com/dce2bcca427bcef27604584a8/files/d5d8e959-d748-4e12-9462-92539a0f4c73/Bando_30_marzo_2020.01.pdf

ALBISTEAK

EH Bilduk autogintzaren sektorearen etorkizuna aztertzeko ponentzia bat sortzea proposatu du Arabako Batzar Nagusietan

2020-12-30 09:46:00

EAJk eta PSEk Eusko Legebiltzarrean atzera bota ondoren, EH Bilduren ustez, foru ganberak lurraldearen motorra den sektore baten oraina eta etorkizuna aztertu behar ditu.

Argantzongo Udalak Euskararen Plan Estrategikoa onartu du

2020-12-29 15:40:00

Bost ardatzez dago osatua Plan Estrategikoa: Gizarte erabilera, Hiztun berriak, Hezkuntza, Administrazioa eta Kudeaketa eredua

EH Bilduk salatu du Udalak eta Aldundiak Gizarte Zerbitzuen arloan egindako akordioak egoitzetan 139 plaza publiko kenduko dituela

2020-12-28 12:14:00

Udalak eta Aldundiak sinatutako akordioa atzerapen "larria eta justifikaezina" da bazterkeriaren, ELZren, SMUSen eta CIAM San Prudentzioren arloetan Zorroari buruzko Dekretua betetzeko orduan.

Zalduondok 2021erako aurrekontua onartu du, 400.000 eurotik gorakoa

2020-12-28 09:32:00

Aurrekontuaren erdia inbertsioetarako erabiliko da, besteak beste, udal eraikinetan eguzki plakak jartzeko.