AKTUALITATEA

Zuiako Udalak Aldundian defendatu du AMVISAra konektatzeko bidea dela etengabeko ur-hornidura lortzeko irtenbidea

| 2026-09-11 14:31:00

Zuiako Udalak gaur adierazi duenez, udalerria AMVISArekin lotzea da ur-hornidura bermatzeko irtenbide bideragarri bakarra. Zuiako Udala duela urtebetetik lantzen ari den proposamena da, eta gaur jarri da mahai gainean gaur egindako "Uraren aldeko Mahaia" bileran.

Bai Zuiako bai Urkabustaizko alkateek bilerak egin dituzte urte hasieratik URAko (Uraren Euskal Agentzia) eta AMVISAko (Aguas Municipales de Vitoria SA) ordezkariekin, bide hori zirriborratzeko. URAk jarri zuen mahai gainean aukera berri hori, ekonomikoki bideragarriagoa eta ingurumenean inpaktu txikiagoa duena.

Ordutik, Zuiak eta Urkabustaizek ur-horniduraren arazoa konpontzeko lanean ari dira, gainerako erakundeekin koordinatuta. Lan honetan, proiektuaren bideragarritasun teknikoa baloratzen ari den AMVISArekin kontaktuak kokatzen dira. Oraingoz bide horrek egingarria dirudi.

Zuiako alkate Unai Gutierrez Urkizak informazio hori guztia helarazi zien udalerriko bizilagunei, abuztuaren 3an Udalak deitutako batzar irekian.

"Orain, Zuian eskatzen dugu lanak arintzeko, urtea amaitu baino lehen administrazio-lana amaitu ahal izateko; horretarako, Arabako Foru Aldundiaren laguntza ere eskatu dugu. Zuian ur murrizketarik gabeko azken uda izatea nahi dugu, eta horren alde lan egingo dugu", ziurtatu du Zuiako alkateak.

Udalaren ustez, honek Zuiako Hiri Antolamenduko Plan Orokorra (HAPO) desblokeatzeko baliO behar du, planaren oztopo nagusia edateko uraren etengabeko hornidura bermatzea baita. Egoera horrek, gaur egun, udalerriaren garapena geldiarazten du, etxebizitza-premia inoiz baino handiagoa den une honetan.