Sopela

Albisteak

Sopelako EH BILDU: GREBA OROKORRAREKIN BAT!


"Lan Duina, Pentsio Duinak eta Bizitza Duinak" lelopean, Euskal Herriko Karta Soziala ordezkatzen duten eragileek greba orokorrerako deialdia zabaldu dute, urtarrilaren 30erako. Sopelako EH Bilduk bat egingo du greba deialdiarekin. Greba hileko azken ostegunean izanik, osoko bilkura atzeratzeko eskatu dio EH Bilduk Alkatetzari.

| 2019-12-30 09:35:00

 

Greba orokorra urtarrilaren 30ean

Euskal herriko Karta Sozialak greba eguna aurkeztu du 2020eko urtarilaren 30rako, hileko azken osteguna. Karta sozialean bertan dauden kolektiboen artean antolatu da greba: pentsiodunak, feministak, euskal sindikatuak, ekologistak eta abar.

 

Greba, hiru puntutan azalduta

  1. Grebak hiru aldarri nagusi ditu: Lan Duina, Pentsio Duinak eta Bizitza Duinak.
  2. Aldarrikapen hauek hiru modutara gauzatu ahalko dira, hots, erabakitzeko eskubidea eskuratuz, instituzioetatik bestelako politika publikoak eginez eta patronala horretara behartuz.
  3. Honako alorretan gauzatuko da greba... enplegu greba (ohiko lanpostura ez azaltzea), zaintza greba (nagusiki emakumeengan erortzen diren zaintza lanekiko), pentsiodun eta ikasleen greba (pentsiodunen dinamikak babestuz eta ikastetxeetan greba eginez), kontsumo greba (beste langile bati greba egun batez lan ez egin araztea).

 

Urtarilaren 30eko osoko bilkura atzeratzea eskatu diogu Alkateari

Grebaren hiru aldarri nagusiek bat egiten dute EH Bilduren lan ildoekin, beraz Sopelako EH Bilduk grebarekin bat egiten du. Hori dela eta, honakoa eskatu genion alkatetzari, abenduko osoko bilkuran bertan: urtarrileko osoko bilkuraren data urtarrilaren 29ra aurreratzea, greba eskubidea benetan gauza dadin. Izan ere, osoko bilkura egun horretan egiteak greba eskubideari mugak jartzen dizkio: EH Bilduko zinegotziok bat egiten dugu grebarekin eta osoko bilkura egun horretan espreski egiteak gure grebarako eskubidea urratuko luke.

 

Eta Sopelan zer?

Greba batzorde propioa sortu da Sopelan: urtarrilaren 10ean, Kurtzio Kultur Etxean, 19.00etan, greba batzordearen lehen bilera burutuko da. Sopelako EH Bildutik herritarrei deia luzatzen diegu, batzorde horretan parte har dezaten, gure duintasunaren alde!