Legebiltzarra

EH Bilduren ekimenez, Legebiltzarrak Lakuari eskatu dio irakasleen ordezkapenak kudeatzeko sistema egokitzeko eta kaltetuei konpentsatzeko

Rebeka Uberak azaldu duenez, Ordezkagunearen funtzionamendu okerraren ondorioz milaka irakasle kalteturik atera dira. Sare publikoan ordezkapenak esleitzeko plataforma digitala da Ordezkagunea.

| 2019-12-18 15:47:00

EH Bilduren legez besteko proposamena aintzat hartuta, Legebiltzarrak hobekuntzak eta egokitzapenak egiteko eskatu dio Jaurlaritzari Ordezkagunea plataforma digitalaren funtzionamendu egokia bermatzeko. Hezkuntza Sailak plataforma informatiko berri hori martxan jarri zuen ikastetxe publikoetako irakasleen ordezkapenak kudeatzeko, baina milaka irakasle kalteturik atera ziren, sistema horren funtzionamendu okerraren ondorioz. Hori dela eta, Rebeka Ubera legebiltzarkideak sustatu duen akordioan Jaurlaritzari eskatzen zaio, akatsak berriro gertatuz gero, eragindako kalteak konpentsatu ditzala irakasleen soldata eta puntuazioari dagokienez, irailean egin behar izan zuen bezala. Gainera, eskatzen zaio ikasturteko une jakin batzuetan beste sistema osagarri batzuk erabiltzeko aukera azter dezala.
Puntu honetaz aparte, beste eskari bat egin dio Legebiltzarrak Hezkuntza Sailari, hau ere EH Bilduren ekimenez. Zehazki, eskatu dio etorkizuneko Lan Eskaintza Publikoetan manten dezala izangaiek ariketak irakurri behar dituzten oposizio-zatiaren ezabapena izangaien anonimotasuna bermatzeko, anonimotasuna baita hautagaien edo epaimahaiaren beraren aldetik gerta daitezkeen ezusteko edo jokabide anomaloetatik babestu beharreko bermea. Uberak proposamena egin zuen norabide horretan hain justu izangaien anonimotasuna bermatzen ez zelako Hezkuntzako Ikuskarien Kidegoan sartzeko lehiaketa-oposiziorako deialdian.
 

EH Bilduk proposatu eta Legebiltzarra Glovo, Uber eta Deliveroo bezalako enpresen kontra agertu da, prekarizazioa areagotzeagatik

Josu Estarrona legebiltzarkideak salatu ditu ekonomiaren ‘uberizazioak’ eragiten dituen lan prekarizazioa eta iruzur formak, eta adierazi du “herri duin batean ezin dugula onartu XXI. mendeko esklabutza formak”

| 2019-12-12 15:14:00

EH Bilduren proposamen bat aintzat hartuta, Legebiltzarrak –EH Bildu, EAJ, PSE eta Elkarrekin Podemosen aldeko botoekin -  bere aurkakotasuna adierazi dio delivery sektoreko banaketa-enpresei (Glovo, Deliveroo, Uber…), “langileak prekarizatuz, lan-arloko enpresa-betebeharrak saihestera bideratutako iruzurrezko moduak” erabiltzen dituztelako.
Josu Estarrona legebiltzarkideak ekimenen horren garrantzia azpimarratu du, lehen aldia baita euskal gizarteak mota honetako enpresek duten eragin kaltegarria aitortzen duela. Hala eta guztiz ere, oraindik aurrera pauso gehiago eman behar direla azpimarratu du, “legearen margenetan mugitzen diren enpresa horiei mugak jartzeko” eta “langileen oinarrizko eskubideak errespetatzeko”.
EH Bilduko ordezkariak salatu duenez, “prekarietatearen eredu honek baditu bere biktima perfektuak, kolektibo zaurgarrienak eta, horien artean, gazteak. Akademikoki hobekien prestatutako belaunaldia izanagatik ere, merkatuak irauteko behar duten bekadunak dira”. Ez dira biktima bakarrak. Estarronak iraupen luzeko langabetuak eta migranteak ere aipatu ditu. “Herri duin batean, ezin dugu onartu XXI. mendeko esklabutza forma hauek”.
Enpresa eredu horiei aurkakotasuna adierazteaz gain, Legebiltzarrak Lan Ikuskaritzari eskatu dio Gizarte Segurantzako alten, bajen edo iruzurren kontrola egitea, eta “langile autonomo faltsu gisa kontratatzen dituzten plataforma digital deiturikoak jazartzea eta zigortzea”. Era berean, ekonomiaren “uberizazioaren” kelteei gaineko ikerketak eta kanpainak eskatu ditu.
 

ALBISTEAK

Hauteskundeak direla eta bertan behera geratu ziren lau lege berreskuratu ditu EH Bilduk, tramitazioa amaitzeko

2020-09-15 10:07:00

EH Bilduk indarkeria matxista kasuetan zaintza partekatua ukatzeko, ustelkeriaren aurkako bulegoa sortzeko, euskara doan ikasteko eta Herri Kontuen Epaitegiaren Legea aldatzeko lege proposamenak aurkeztu ditu berriz, aurreko legealdian hasitako tramitazioa burutzeko. Jaurlaritzak koherentziaz jokatzea eta prozedura ez oztopatzea espero du koalizioak.

Aldi baterako lan erregulazioan dauden langileentzako laguntzak handitu eta hobetzea proposatu du EH Bilduk

2020-09-11 15:56:00

Ander Rodriguezek proposamena aurkeztu du Legebiltzarrean, Jaurlaritzak egoera horretan dauden langileei emandako erantzunak ez duelako egoerak eskatzen duen maila ematen.

EH Bilduk atzera egiteko eta Emakunde berriz ere Lehendakaritzari atxikitzeko eskatu dio Urkulluri

2020-09-09 14:08:00

Oihana Etxebarrietaren iritziz, “akats larria da” Emakumearen Euskal Erakundea Lehendakaritzatik ateratzea, gai sektoriala balitz bezala, politika feministek ezinbesteko duten zeharkakotasuna galtzen delako horrela. Interpelazioa egingo dio lehendakariari Legebiltzarrean.

Iriarteren gobernu programak enplegua, osasuna, hezkuntza, gizarte politikak eta trantsizio energetikoa ditu lehentasun

2020-09-03 13:53:00

EH Bilduren lehendakarigaiak gobernantza eredu alternatiboa ipini du mahai gainean, eta erabakitzeko eskubideak Legebiltzarrean duen babes teoriko handia praktikara eraman beharra azpimarratu du, Estatu espainolarekin berdinen arteko harreman konfederala izateko.