Larrabetzu

ERANTZUN BERRIEN GARAI DA

Nola bozkatu postan bidez

| 2020-05-26 10:06:00

Osakidetzari gutuna

Alkatearen gutuna

| 2020-05-22 07:50:00

WWW.LARRABETZU.EUS

 

 

 

Osakidetzako arduradun agurgarriak: Lehenik eta behin, besarkada handi bat Osakidetzako profesional guztiei, egindako lanagatik. Osasun-zerbitzu publiko indartsu eta iraunkorra ezinbestekoa da. Larrialdi egoeraren aurrean, Larrabetzuko osasun zentroa (Bizkaiko beste udalerri askotakoa bezala) itxita dago eta arreta Galdakaon ematen da, telefonoz. Egoera hau irailera arte luzatu nahi den zurrumurrua iritsi zaigu. Udaletxean dei ugari jaso dugu Larrabetzuko osasun-etxea noiz irekiko duten galdetzeko. Prentsan irakurri ahal izan dugu, halaber, lehen mailako arretako zentroak garrantzitsuak izango direla kasu berriak detektatzeko. Horregatik guztiagatik, kontuan hartuta Eusko Jaurlaritza normaltasunera itzultzen ari dela eta oinarrizko eta gertuko zerbitzu medikua ezinbestekoa dela osasuna ziurtatzeko, Udaletik eskatzen dugu ahalik eta lasterren gure osasun-zentroaren etorkizunari buruzko informazioa izatea. Hilabete hauetan gertatutakoa zerbitzu publikoak murrizteko aitzakia ez izatea espero dugu. Zuen erantzunaren zain, agur bero bat.

diru laguntzak

parte hartu

| 2020-05-08 09:39:00

Diru laguntza berriak

Aldez aurretiko jendaurreko kontsulta, entzunaldia eta informazinoa, ordenantzak

...

 

Herritarrek arautegiak atontzeko prozeduran parte hartuko dabela ziurtatu guran, eta Herri Administrazinoetako Administrazino Prozedura Erkidearen ganeko urriaren 1eko 39/2015 Legeak bere 133. artikuluan ezarritakoaren arabera, araua prestatu baino lehen, aldez aurretiko jendaurreko kontsulta egin beharra dago herritarren eretxia eta arauak ikututako erakunderik garrantzitsuenen eretxia batzeko hainbat alderdiren ganean, esate baterako ekimenaren bitartez konpondu gura diran arazoak, onarpenaren premina eta aukerea, arauaren helburua eta urtenbide alternatibo erregulatzaile eta ez- erregulatzaileak.

2017ko bagileko bilkuran, Larrabetzuko Udalak aldez aurretiko jendaurreko kontsulta, entzunaldi eta informazinorako gidalerroak onartu eban udal arauak prestatzeko prozedurearen barruan. Horren guztiaren ondorioz, izurriteak kaltetutakoentzako diru-laguntza emateko zuzentaraua jasotzen duen ordenantzak eguneratzeko proiektuaren prestaketea aldez aurreko kontsulta publikoaren pean iminten dogu.

Egutegia honakoa izango da: Maiatzeren 15 arte kontsulta epea zabalik egongo da eta memoriaren ganeko eretxiak edo ekarpenak udaletxera ekarri ahalko dira erakundera etorriz, egoitza elektronikoa erabiliz edo udala@larrabetzu.eus helbidera e-mail bidez bialduz.

-Maiatzaren 23 ekainaren 5ra webgunean argitaratuko da 2020erako izurriteak kaltetutakoentzako diru-laguntza emateko zuzentaraua jasotzen duen ordenantzak aurreproiektua. Herritarrei entzunaldia emateko eta eretxiak batzeko. Horreek udaletxera ekarri ahalko dira erakundera etorriz, egoitza elektronikoa erabiliz edo udala@larrabetzu.eus helbidera e-mail bidez bialduz.

-Ekainaren 17an batzordean testua aurkeztuko da haren ganean eztabaidatzeko.

-ekainaren 24an, plenoan onartu. Uztailan BAOn argitaratuko dira, jendaurrean egoteko. Abuztuan behin betiko onarpena argitaratuko da. Listara joan

ARETXABALA HERRIARENA!

Herrikoak Herriarenak!

| 2020-05-05 09:15:00

HERRIKOEN ALDEKO KANPAINA:

 

 

Zer da zuretzat ARETXABALA? galderari erantzungo diogu marrazki, gutun, kartel, argazki edo dena delakoagaz.

Bakoitzak bat, gitxienez. Erosketak egitera goazenean, edo paseoan... eskegitzeko gantxo bat etxetik eroan, eta ARETXABALAn prest dauzen harietan eskegiko dogu.

Egunero argazkia aterako dotsegu mosaikoari... guztiz koloretsu eta bete betean egon arte. 30 urteko historia deko Larrabetzuko Aretxabala Herriko Tabernak, gogoratu eta babestekoa.

Ekin orduan apurka apurka.

BIZKARGI EGUNA 2020

Gora Herria!

| 2020-04-30 07:54:00

.........

 

Larrabetzuko Udalak prestatutako bandoa:

 

 

BIZKARGI EGUNA 2020 Datorren domeka berezia izango da Larrabetzun. Datorren domeka, maiatzak 3, Santi Kurutz eguna, Bizkargi Eguna izango da.

.

Zoritxarrez, koronabirusaren pandemiak eragindako konfinamendua dela eta, aurten ezingo da bezperan lasterketarik egin, ezingo gara Bizkargi gainera igo familia eta lagunekin, ezingo dugu bertan bat egin Morgatik, Zornotzatik eta Muxikatik igoko diren lagunekin, ezingo dugu ermitaren bueltan hamaiketakoa egin, ez hango txosnetan tragoa hartu. Aurten ez da Bizkargi gainean ekitaldirik egingo, ezta ezer ospatuko Larrabetzuko plazan. Baina horrek ez du esan gura ez dugunik Bizkargi Eguna ospatuko, ez, are gutxiago, Bizkargi Eguna zer den gogoratuko. Modu berezian, gainera, aurton zabaldu dugulako Larrabetzuko Memoriaren Zentroa, Larrabetzuko oroimen historikoaren berreskuratze lanak erakusteko eta haiei lotutako gertaera historikoak azaltzeko helburuarekin sortutako gunea. Memorial bat, oroimena zaindu eta biktimei ohore egiteko leku bat. Horixe da, batez ere, Bizkargi Eguna ere: oroimena zaindu eta biktimei ohore egiteko egun bat. Eta ez diogu hori egiteari utziko, etxetik irten ezin bagara ere.

.

 

Horrexegatik, Larrabetzuko Udalak Larrabetzuko herritarrei dei egiten die domekan, Bizkargi Egunean, eguerdiko 12:00etan, denok aldi berean, balkoietan Ikurriña ipintzera.

 

. ........................

. El próximo domingo será un domingo especial en Larrabetzu. El próximo domingo 3 de mayo, día de Santa Cruz, será Bizkargi Eguna.

 

.

Desgraciadamente, y debido al confinamiento provocado por la pandemia del Coronavirus, este año no se podrá hacer carrera de la víspera, no podremos subir a Bizkargi con nuestras familias y amistades y no podremos juntarnos arriba con las compañeras y compañeros que suben por Morga, Amorebieta y Muxika. Tampoco podremos hacer el hamaiketako rodeando la ermita ni tomar un trago en las txosnas.

.

Este año tampoco habrá ningín acto en el monte Bizkargi, ni ninguna celebración en la plaza de Larrabetzu. Pero eso no quiere decir que no vayamos a celebrar Bizkargi Eguna, y mucho menos quiere decir que no vayamos a recordar lo que es y lo que significa. Especialmente este año que hemos abierto el Centro de la Memoria de Larrabetzu, un espacio creado con el objetivo de mostrar las obras de recuperación de la memoria histórica de nuestro pueblo y explicar los hechos históricos relacionados. Un memorial, un lugar para cuidar la memoria y honrar a las víctimas.Y eso es precisamente y sobre todo Bizkargi Eguna: un día para cuidar la memoria y honrar a las víctimas. Y no dejaremos de hacerlo aunque no podamos salir de casa.

 

.

Por ello, desde el Ayuntamiento de Larrabetzu instamos a las vecinas y vecinos de Larrabetzu a colocar a la vez la Ikurriña en los balcones el domingo, Bizkargi Eguna, a las 12:00 horas. .

ALBISTEAK

AZAROKO PLENOA

2020-11-24 07:36:00

Azaroaren 25ean

JENDEA BABESTEKO ESKAERAK

2020-11-23 08:36:00

Ehbilduk, 2021eko Estatuko aurrekontu orokorrak babestuteko eskaerak

AURREKONTUAK 2021

2020-11-23 07:41:00

AZAROAK 25, EMAKUMEEN KONTRAKO INDARKERIA EZABATZEKO NAZIOARTEKO EGUNA

2020-11-20 09:01:00

ADIERAZPEN INSTITUZIONALA