Larrabetzu

BIDEA GARA

Etxean nahi ditugu

| 2021-01-08 10:05:00

Euskal presoen eskubideak aldarrikatzeko biharko Sarek deitutako mobilizazioan, LARRABETZUKO PLAZAN, 17:30etan, parte hartzeko deia egiten du EH Bildu Larrabetzuk.

Euskal preso politikoen eskubideak aldarrikatzeko eta salbuespeneko espetxe politikarekin amaitzeko, mobilizazioak egingo dira, larunbat arratsaldean, Euskal Herriko herri eta hirietan. Pandemiak eta horri aurre egiteko ezarritako neurriak behartuta, aurten ezin izango da urtarrileko manifestazio jendetsua egin Bilbon. Horrek ez du esan nahi, ordea, presoen eskubideen aldarria egin gabe geratu behar direnik euskal herritarrak. Aurten ere funtsezkoa da aldarri horiek mundu zabalera hedatzea, oraindik ere euskal preso politikoen eta haien senideen oinarrizko giza eskubideak sistematikoki urratzen direlako.

 

Izan ere, urruntze politika indarrean dago oraindik, nahiz eta azken hilabeteetan aurre pausoak eman diren eta presoen gerturatzeak eman diren. Baina, oraindik ere, asko dira beren senideak eta lagunak bisitatu ahal izateko ehunka kilometro egitera behartzen dituzten euskal herritarrak. Horietako asko, gainera, umeak. Aldi berean, oraindik ere ehundik gora preso lehen graduan gaude oraindik, horrek suposatzen duen eskubide murrizketarekin.

 

Modu horretara, Euskal Herriko hiri eta herrietan presoen eta haien senideen eskubideak aldarrikatzeko Sarek deitutako mobilizazioetan modu aktiboan parte hartuko du EH Bilduk. Horregaitik, Urtarrilaren 9an, LARRABETZUKO PLAZARAra irteteko deia egiten diegu bakean eta elkarbizitza demokratikoaren eraikuntzan aurrera urratsak egin behar direla uste duten sestaoar guztiei.

 

 

URTE BERRI ON!

2021ean ere 𝗵𝗲𝗿𝗿𝗶 𝗯𝗮𝘁 𝗶𝗿𝗮𝗯𝗮𝘇𝘁𝗲𝗸𝗼 lanean jarraituko dugu.

| 2021-01-05 08:40:00

IZAN BIDEA LARRABETZU

Gabonetako mobilizazioak

| 2020-12-31 09:29:00

Gizarte Zerbitzuen Euskal Sistema arreta-sare publiko antolatu gisa defentzan

EHBilduren Mozioa

| 2020-12-24 07:09:00

ABENDUKO PLENOAN ONARTUTAKO MOZIOA.

EAJ-PNV kontra bozkatu zuen.

MOZIOA:

 

Gizarte Zerbitzuen Euskal Sistema arreta-sare publiko antolatu gisa defendatzeari buruzko Mozioa.

Gizarte Zerbitzuei buruzko abenduaren 5eko 12/2008 Legearen arabera, Gizarte Zerbitzuen Euskal Sistema “arreta-sare publiko antolatu bat da, erantzukizun publikokoa”, “titulartasun publikoko eta pribatu itunduko prestazio, zerbitzu eta horniduraz” osatua.

 

Euskal Autonomia Erkidegoko Gizarte Zerbitzuen I. Plan Estrategikoaren Ebaluazioa egiteko prozesuak argitara eman du Gizarte Zerbitzuen Euskal Sistemak jasan duen pribatizazio-politika bizia. Egoera hori askotan salatu bada ere, EAEko Gizarte Zerbitzuen I. Plan Estrategikoaren Ebaluazioak agerian utzi du honen dimentsioa. 2011. eta 2018. urteen artean, foru-aldundiek, batez ere Arabakoak eta Bizkaikoak, adinekoentzako egoitzetan eta eguneko zentroetan plaza berriak irekitzeari utzi zioten —eta, kasu batzuetan, sare publikoko plazen kopurua murriztu egin zen—, eta Gizarte Zerbitzuen Euskal Sistemara arreta eta zaintza eske hurbiltzen ziren herritarrei ‘txeke-zerbitzuak’ ematen hasi ziren. Hala, 2011n EAEko administrazioek 1.753 ‘txeke-zerbitzu’ ematen zituzten, baina 7 urte geroago, 2018an, kopuru hori 2,5 aldiz handitu zen, 4.489 ‘txeke-zerbitzu’ izateraino.

 

Zerbitzu publiko batek izan dezakeen pribatizazio-modurik muturrekoenak hartu duen dimentsioa erabaki politiko batean oinarritzen da: Zerbitzuari Lotutako Prestazio Ekonomikoa ‘zerbitzu-txeke’ gisa instrumentalizatzea. Autonomia pertsonala sustatzeari eta mendetasun-egoeran dauden pertsonak zaintzeari buruzko abenduaren 14ko 39/2006 Legearen esparruan sortutako prestazioa, helburu argi batekin: “Arreta eta zaintzarako zerbitzu publiko edo itundu bat eskuratzea ezinezkoa denean soilik”. Zerbitzuari Lotutako Prestazio Ekonomikoa, ordea, EAEn adinekoen arreta pribatizatzeko erabili da, arreta-sare publikoaren estaldura murrizten zen bitartean.

 

Aurreko guztia EAEko Gizarte Zerbitzuen I. Plan Estrategikoaren ebaluazioa egiteko prozesuan azaleratu da. Gizarte Zerbitzuen Euskal Sistema hedatzeko ibilbide-orri bat ezartzen zuen adostasun politiko zabal baten emaitza izan zen plan hori, eta horren baitan honako hau erabaki zen: “2011n Zerbitzuari Lotutako Prestazio Ekonomikoak esleitutako plazak, Gizarte Zerbitzuen Euskal Sisteman txertatutako zerbitzuetako plaza (plaza arrunt) bihurtu beharko” dira. Aldiz, 7 urtetan, Zerbitzuari Lotutako Prestazio Ekonomikoak Gizarte Zerbitzuen Euskal Sistemako plazen % 6,4 izatetik % 13,5 izatera pasa dira. Jakitera eman den I. Plan Estrategikoaren Ebaluazio dokumentuak arrazoizkotzat aurkeztu nahi du inguruabar hori. Gainera, pribatizazio-politika horren zilegitasuna aitortzeaz gain, kontsideratzen du ‘zerbitzu-txekeak’ kudeaketa-eredu bat gehiago direla —kudeaketa zuzenaren edo kontzertazioaren parekoa—, eta balioa ematen dio administrazioek “plaza” gehiago irekitzeko duten gaitasunari, inbertsio nabarmen txikiagoarekin. Are gehiago ebaluazioak politika pribatizatzaile hau beste sektore batzuetara zabaltzearen alde egiten du, hala nola bazterkeriaren edo desgaitasuna duten pertsonen arretara.

 

Aukera honek lotura estua du adinekoen arretan eta zaintzan irabaziak lortzea zilegi dela ulertzen duen ikuspegiarekin. ‘Negozio’ horretara 210 milioi euro baino gehiago bideratu dituzte administrazioek 2011 eta 2019 bitartean. Apustu politiko horrek geriatrikoetan espezializatutako eta atzerriko inbertsio-funtsekin lotutako talde handien ‘gosea’ piztu du; izan ere, azken urteotan gora egin dute EAEko adinekoen egoitza- eta eguneko arretaren errealitatean.

 

Jarduera hori gure arau-esparrutik kanpo dagoela alde batera utzita, are garrantzitsuagoak dira zaintzaileek eta zainduek egunerokoan dituzten ondorio larriak, eta, zoritxarrez, ezagunak dira: zaintzaren kalitatea murriztu egiten da; oso lan-prekarietate handia dakar berekin; erabat diluitzen da zaintzaren erantzukizun publikoa izatearen ideia oro; eta ekitaterik eza sortzen du arreta eta zaintza eskuratzean.

 

Covid-19ren pandemiak agerian utzi du egitura kolektiboak behar direla bizitza eta zaintzak konpontzeko. Lizuna da, hain zuzen ere, orain sakondu nahi izatea arreta eta zaintza beharrak merkantilizatzeko mekanismoetan.

Gizarte Zerbitzuen Euskal Sistemaren izaera publikoa aldatzeak eztabaida soziala eskatzen du, eta erakundeok gure jarrera azaldu behar dugu. Horregatik guztiagatik,

 

1. Gizarte Zerbitzuen Euskal Sistema arreta-sare publiko antolatua eta erantzukizun publikokoa dela adierazten du LARRABETZUKO UDALAk.

2. Gizarte Zerbitzuen Euskal Sisteman pribatizazio-politikak legitimatzeko, bultzatzeko eta hedatzeko ahalegin oro arbuiatzen du LARRABETZUko Udalak.

3. LARRABETZUko Udalak uste du, arreta eta zaintzarako eskubide subjektiboko egoera batean, Zerbitzuari Lotutako Prestazio Ekonomikoaren funtzioa mugatu egin behar dela aldi baterako prestazio edo zerbitzu bat eskuratzea bermatu ezin den egoeretara, baldin eta prestazio edo zerbitzu hori administrazio publikoek garatzen ari badira.

 

4. Auzokoei, Eusko Jaurlaritzari eta komunikabideei mozioaren berri ematea

MOBILIZAZIOAK

| 2020-12-17 07:40:00