Bilbo

EH Bildu Bilbo kezkatuta dago Bilboko suhiltzaileen egoera dela eta, eta osasuna bermatzeko beharrezkoak diren test guztiak egiteko eskatu dio Udal Gobernuari

| 2020-04-14 14:01:00

EH Bildu Bilbo udal taldeak "kezka" agertu du Bilboko suhiltzaileen egoeraren aurrean, eta udal gobernuari eskatu dio behar diren Covid test guztiak egin ditzala, eta suhiltzaileek ez dezatela beren lanpostuetara itzuli behar izan kutsatuta ez daudela ziurtatu arte, Bilboko suhiltzaile eta herritar guztien osasuna bermatzeko helburuarekin. 

Ildo horretan, EH Bilduk galdera sorta bat helarazi dio Juan Mari Aburto alkateari, eta, besteak beste, hartutako prebentzio-neurriei buruz galdetu dio, bai eta kutsatutako suhiltzaileei eta haien lankideei aplikatutako neurriei buruz ere. 

 "Bilboko suhiltzaileak lan bikaina egiten ari dira kaleak, egoitzak, eraikin publikoak … desinfektatzen, eta eskura dituzten neurri guztiak hartzen ari dira Covid prebenitzeko, baina beharrezkoa da Bilboko Udal Gobernuak modu berean jardutea eta behar diren baliabide guztiak ezartzea haien osasuna bermatzeko. Ildo horretan, ezinbestekoa da suhiltzaileei alta ez ematea negatibo ematen duen aurretiko test bat egin barik, haien osasuna bermatzeko eta, era berean, kutsatzea saihesteko”, adierazi du udal taldeak.

 

Un pueblo en movimiento

| 2020-04-11 19:01:00

Vayan estas líneas dirigidas a todas las amantes de la danza: los y las compañeras de baile, profesoras, alumnas, profesionales y amateurs. El Día Internacional de la Danza será el próximo 29 de abril y no sabemos cómo vamos a poder celebrar ese día. Lo mismo ocurrió el 31 de marzo, que fue el día del teatro sin teatro.

Dicen que dijo el juglar, que también pudo ser filosofo, que el movimiento se demuestra andando. Y ese pisar sobre tierra, acompañado y acompasado, se tornó una vez en danza. Aquella danza primigenia fue un arma cargada de futuro, sanadora de almas y tejedora de lazos.

Y así pasaron mil lunas, y otras tantas romerías, y tuvo a bien venir el notario a certificar lo más mundano: que el nuestro es un pueblo que baila y canta a los dos lados del Pirineo. Aunque un salto no muy aéreo, sin acrobacias, nos permite ver que a las faldas del Atlas, del Ararat o de los Andes siguen los pueblos en constante movimiento.

Y sin embargo hoy, con las plazas vacías, los escenarios sin luz y las academias paradas, cuando parece que las fuerzas de la naturaleza nos tienen a todas atenazadas, como si el invierno no diese paso a la primavera, sin embargo, hoy nuestra pasión por la danza fluye.

Fluye la danza en múltiples modalidades: en la cocina de casa, en esa improvisada academia telefónica de Ballets Olaeta, en ese canal youtube de la comisión de fiestas, o en los balcones de Euskal Herria entera. Es como si el manantial hubiera cambiado su discurrir hacia todo recoveco, por la necesidad inherente que tenemos de fluir, de seguir activos los amantes de la danza, del ballet, del agarrao y del suelto.

La danza es disciplina, y la disciplina se está demostrando como actitud necesaria para hacer frente al envite del COVID19. La danza también es trabajo, trabajo en equipo; apoyarte en la compañera para poder hacer esa pirueta o ese paso a dos que para el público parece imposible. 
La danza es, por tanto, compañerismo, aprendizaje y esfuerzo; esfuerzo diario para avanzar. Son los ingredientes que ahora necesitamos más que nunca para no perder el paso y que este pueblo siga en movimiento.
No sabemos cuándo ni cómo podremos volver a disfrutar de la danza en comunidad, pero lo que sí sabemos es que lo haremos de nuevo. Por ello seguimos on-line, y seguimos preparándonos, repasando nuestras u otras coreografías e improvisando nuevos movimientos. Por placer y por necesidad vital, y la necesidad agudiza el ingenio.

Os proponemos un reto: bailemos desde casa superando el confinamiento, sacudiendo cuerpo y mente, para hacer realidad las palabras de Sidi Lordi Cherkaoui, “llevar adelante con la danza la interminable coreografía de la vida”.

EH Bildu Bilbo udal taldea

EH Bilduk herritarrekin duen konpromisoari eutsi dio eta Osasun krisiaren ostean hiria suspertzeko plan bat proposatzen du

Erreskate sozialerako eta ekonomia suspertzeko proposamena egiten ari da, ekonomia, kultura, gizarte eta hezkuntza arloko eragileekin batera

| 2020-04-09 12:19:00

Bilboko EH Bildu udal taldeak herritarrei zerbitzu emateko konpromisoarekin jarraitzen du, are gehiago, une honetan. Ildo horretan, astero proposamen ugari aurkeztu ditu, hiria osasun-premiara egokitzeko: etxez etxeko laguntza-zerbitzuko profesionalak babesteko neurriak, azpikontratatutako langileen lanpostuak eta lan-eskubideak bermatzeko txosten juridiko bat eskatzea. Baita bakardade-egoeran dauden adinekoentzako neurriak eta auzo-sareen eta udal-laguntzako zerbitzuen ezinbesteko lana koordinatzeko proposamenak ere. 

Udal taldeak adierazi duenez, lan hori "etengabea da eta ez du amaierarik, ez baitakigu noiz gutxituko den kutsatuen kopurua, Bilbon eta metropoliaren inguruan oso garrantzitsua dena". Beraz, "kaltetutako herritarrei gure elkartasuna adierazten diegu, eta horrek proposamenak lantzen jarraitzea dakar". 

EH Bilduk azaldu duenez, COVID19ren ondorioak gainditu ostean, "inori ez zaio ihes egiten bigarren seihilekoa oso berezia izango dela, poltsiko askotan kalte ekonomiko handia eragingo duela". Hori dela eta, "erreskate sozioekonomikorako plan bat prestatzen ari gara, eta Bilboko Udalak, herritarrengandik gertuen dagoen botere publikoa den heinean, inplementatu beharko luke". Proposamen honek hainbat neurri biltzen ditu hainbat esparrutan: 

• Gizarte-politiken eremuak aldaketa sakona beharko du: gizarte-larrialdietarako laguntzen hartzaile kopurua eta laguntza kopurua handitzea, alokairuen salbuespena, oinarrizko erosketa-bonuak, gizarte-zerbitzuetako plantilla indartzea, etab. 

• Zerga-politika berri bat beharko da, askoz ere progresiboagoa, eta familia-unitateei zein merkataritzako, ostalaritzako edo autonomoetako langileei lagunduko diena, krisia ezin baitute berriz ere eurek ordaindu (itxialdian tasak kentzea, lokalen alokairua jaistea, eta abar). 

• Era berean, orain arte genuenaz bestelako estimulazio ekonomikoko plan bat bultzatu beharko da: saltoki txikiei zuzeneko laguntzak ematea eta enplegu-planak zabaltzea, adibidez. 

• Kulturaren esparruan ere kolpea oso gogorra izan da, Bilbon kultur agenda aberatsa gelditu egin baita. Horregatik, espazioak eta azpiegitura alokatzeko erraztasunak eskaini beharko dira, eta atzeratutako ekitaldiak lehenetsi. Gainera, konpromisoa hartu behar da lehenik Bilboko eta herri honetako kultur eragileekin, euskarazko antzerkiarekin eta musikarekin, eta auzoetako jaiekin ere bai, kaltetuak izango direlako baita ere.

Beharrezkoa da udal aurrekontuaren egiturazko aldaketa 

EH Bildu Bilbok adierazi duenez, "agerikoa da gastuaren birplanteamendu honek udal aurrekontuaren egiturazko aldaketa eskatzen duela, pertsonak aurretik jarriz eta hirigintza proiektu handiak atzeratuz". 

Udal taldeak proposamen hau Bilboko ekonomia, kultura, gizarte eta hezkuntza alorretako hogei bat pertsona eta eragileri helarazi die, "aztertu eta aberastu dezaten, bilbotarren larrialdi eta beharrak sakon ezagutzen baitituzte". 

"Horretan dago Bilboko EH Bildu, beti espiritu proposatzailearekin, bai erakundeetan bai kalean, osasun larrialdiari aurre egiteko irtenbideak eskainiz eta epe labur eta ertainean neurri politikoak aurreikusiz", esan dute alderdi subiranistatik.

EH Bildu Bilbok egoitzetan eta etxeetan dauden pertsona nagusien egoeraren aurrean kezka agertu du

Udal taldeak bakarrik bizi diren eta oinarrizko beharrak asetzeko zailtasunak dituzten adinekoak detektatzeko 'Begirada Aktiboa' programa auzoetako elkartasun sareen laguntzaz indartzeko eskatu dio Bilboko Udalari

| 2020-04-06 16:17:00

EH Bildu-Bilbo udal taldeak Bilboko egoitzetan dauden adinekoen egoeraren aurrean kezka agertu du. Horregatik, Bilboko Udal Gobernuari Bizkaiko Aldundiarekin koordinatzeko eskatu dio, “ahalik eta presarik handienaz jokatzeko eta beharrezko neurri guztiak jartzeko, kontuan hartuta dagoeneko 50 pertsonatik gora izan daitezkeela Bizkaiko egoitzetan hil direnak”. Era berean, Bilboko egoitzetako adineko pertsonen egoerari buruzko informazio “ofiziala eta egiazkoa” emateko eskatu dio Udal Gobernuari, “prentsaren bidez jasotzen dugulako informazioa, berandu eta gaizki”.

EH Bilduk gogorarazi duenez, Bilbon 3.000 plaza baino gehiago daude hiriburuko 41 nagusien egoitzatan banatuta; horietatik 37 itunpekoak dira, hau da, enpresa pribatuek kudeatutakoak. "Atzo bertan prentsaren bidez jakin genuen pertsona bat hil zela eta Bilboko egoitza batean beste pertsona batzuk zeudela kutsatuta", adierazi du. Ildo horretan, gaineratu duenez, “ezinbestekoa da Udal Gobernua Bizkaiko Aldundiarekin koordinatzea eta neurriak indartzea exijitzea, argi baitago orain arte hartutakoak ez direla nahikoak izan”.

Horrela, EH Bildu Bilbok Udalari eskatu dio foru erakundeari eska diezaiola "babes eta material neurriak har ditzala, osasun-langileentzat, zaintzakoentzat, zerbitzu osagarrientzat, egoiliarrentzat, (NBE); berariazko protokoloak aplika ditzala; egoitza publikoetan zein pribatuetan ikuskapenak areagotu ditzala; eta gela bakoitzeko aldizkako zaintza egin dezala, nahitaezko konfinamenduaren ondorioz arriskua handitzen delako", besteak beste.

"Beharrezkoa da erakunde publikoek koordinazio bakarra izatea gizarte-zerbitzuen jarduera guztietan, izan arlo publikoan edo pribatuan", gaineratu du.

EH Bilduk aipatu duenez, egoiliarrek uneotan etenda dituzte bisitak, eta horrek isolamendua eta babesgabetasun-sentimendua sortzen die. Gainera, senideek jasotako tratua eta emandako zerbitzuaren kalitatea ez dute kontrolatzen. "Erakunde guztientzat lehentasuna izan behar du ahultasun egoera batean dauden pertsona horiek guztiak babesteko baliabide guztiak jartzea, eta hala eskatzen ari gara", nabarmendu du.

 ‘Begirada aktiboa’

Bestalde, EH Bildu Bilbok gogoratu duenez, Bilbon biztanleriaren %24a 65 urtetik gorakoa da, eta Bilboko Udalak bakarrik bizi diren eta oinarrizko beharrak asetzeko zailtasunak dituzten edota familia edo gizarte laguntza sarerik ez duten adinekoak detektatzeko 'Begirada aktiboa' programa du.

"Bizi dugun osasun alarma eta konfinamendu egoeran, inoiz baino beharrezkoagoa da programa hori indartzea eta dauden kasuak identifikatzeko bitarteko gehiago ezartzea, udaleko gizarte zerbitzuetatik beharrezko prebentzio lanak garatzeko asmoz, eta hala jakinarazi diogu gobernu taldeari", adierazi du udal taldeak.

Horretarako, auzoz auzo adineko pertsonei laguntzeko lanak egiteko sortu diren Bilboko Elkartasun Sareak laguntza handikoak izan daitezke. Hori dela eta, Bilboko Udalak beraiekin lankidetza estuan jarraitzeko eskatu du EH Bilduk.

Osasun programa

Bestalde, adierazi duenez, Bilboko Udaleko Osasun-arloak osasun-programa bat du, eta “une honetan eguneratu egin beharko litzateke, eta mota guztietako neurriak hartu beharko lirateke bizitzen ari garen osasun-alertako egoerari aurre egiteko”. "Lehentasunezko helburua osasuna eta bizitza kalitatez luzatzea izanik, osasun baliabide guztiak jarri behar dira helburu horren esku", ondorioztatu du.

EH Bildu Bilbok Udal Gobernuari dei egin dio Bilboko Elkartasun Sareak aintzat hartzera eta eurekin harreman zuzena ezartzera

EH Bildu Bilbok auzoetako elkartasun sareek bilbotarren alde egiten ari diren berebiziko lana goraipatu du eta guztiontzat eredu direla azpimarratu du.

| 2020-03-30 14:44:00

Osasun krisia sortu zenetik, hainbat izan dira bere bizilagunak laguntzeko prest agertu diren pertsonak. Horrela, elkartasun sareak sortu dira Bilboko auzo ezberdinetan. Ondokoei babesa eta laguntza emateko sare horiek egiten duten lana goraipatu du EH Bildu Bilbo Udal taldeak eta Bilboko Udal Gobernuari elkartasun sare horiek aintzat hartzea eta horiekin harreman zuzena ezartzea eskatu dio, auzo batzuetan jada oinarrizko gizarte zerbitzuetatik egiten ari diren moduan. 

Ildo horretan, EH Bildu Bilbo Udal taldeak zehaztu duenez, elkartasun sare hauetan lan egiten ari diren pertsonek behin baino gehiagotan arazoak izan dituzte kaleetan euren presentzia justifikatzeko. “Horregatik, udal gobernuari behin eta berriz eskatu diogu elkartasun sareetako ordezkariekin harremanetan jartzeko, horrelako egoerak saihesteko xedearekin. Ezinbestekoa da boluntario lanak egiten ari diren pertsonek euren zeregina bete ahal izateko oztoporik ez izatea, eta horretarako Udal Gobernuak ibiltzeko baimenak eskaini behar dizkie”, adierazi du EH Bildu Bilbok. 

Udal taldeak gogoratu duenez, elkartasun sareek une honetan bizilagun askoren bizitzetarako berebizikoak diren lanak egiten dituztela gogoratu du: Arrisku taldeko pertsonei erosketetan,  errekaduetan, maskoten zaintzan, osasun zentrora lagunduz edota zakarra jaisten lagunduz; familiei haurren zaintzan lagunduz; ingresurik gabe gelditu direnei  laguntza emanez; edota langileei babesa eta informazio legala emanez, besteak beste. “Osasun krisi honek pertsona eta familia askotan sortu dituen beharrizanei berehalako erantzuna ematen ari dira elkartasun sareetako kideak. Euren lana ezinbestekoa da egoera honetan eta Udal Gobernuak, beharrezkoak diren baliabide guztiak eskaini behar ditu euren zeregina errazteko”, esan du. 

EH Bildu Bilbok jakinarazi duenez, egoera “surrealista” bat ematen ari da; izan ere, “Udal Gobernuak ez ditu aitortzen 1.200 pertsona baino gehiagok osatzen dituzten elkartasun sareak, baina, era berean, herritarren beharrak asetzeko erabiltzen ditu, eraginkorrenak direlako”. Hortaz, Udal Gobernuari eskatzen diogu behingoz sareen aitorpena egin dezala eta eurekin lan harreman zuzena ezar dezala. “Ezinbestekoa da”, azpimarratu du. 

Azkenez, elkartasun sareetan lan egiten ari diren pertsona guztiei eskerrak eman dizkie EH Bildu Bilbok, “bilbotarrei laguntzeko egiten ari diren lana berebizikoa da eta erakusten ari diren erantzukizuna eta elkartasuna txalogarriak dira” . “Guretzat eredu bat zarete. Eskerrik asko eta animo. Elkarri lagunduz osatuko gara, herri gisa ere bai”, azpimarratu du EH Bildu Bilbok.