Plentzia

🧩🔴⚠❗ Astillero plazako haur parkearen egoera tamalgarria

Astillero plazako haur-parkearen egoera tamalgarria da. Hala ere... ba al zenekien, momentu honetan, haurrentzako beste parke bat egon beharko litzatekeela Plentzian? Zer gertatu da? eta zergatik ez da egin?

Haur parkea,Plentzia amesten,Haurrak,Plentzia | 2020-11-04 19:06:00

Astillero plazako haur-parkearen egoera tamalgarria da. Kulunken egoera arriskutsuaren aurrean, EH Bildu Plentziak hurrengoa eskatu du udal erregistroz:

  1. Konpontzeko esku-hartze urgentea. 
  2. Erabilgarritasun segurua bermatu ezin bada, behin behineko itxiera. 
  3. Espazio alternatiboak bilatzea, esaterako, Plentzia Amesten prozesuan harturiko konpromisoak betetzea.   

Hala ere... ba al zenekien, momentu honetan, haurrentzako beste parke bat egon beharko litzatekeela Plentzian? Zer gertatu da? eta zergatik ez da egin?

 

2017an EH Bildu alkatetzan zegoenean, Plentzia Amesten prozesua martxan jarri zen: Plentziako haurren begiradatik amesteko prozesua da, lehen aldiz erabiltzaileei hitza eta erabakia emanez, parte-hartze prozesua abiatu zen. 

 

Urte hartan prozesuaren emaitza jaso genuen: Plentziako haurrek ur-parke bat egitea proposatu zuten. Azaroan umeek udeletxean aurkeztu zuten eta aho batez onartu zen (EH Bildu + PNV + IP).

2018an emaitza jasota, ideia zenbait enpresekin partekatu zen eta proposamen batzuk jaso ziren. 2019Ko Udal aurrekontuetan haur parke berria egiteko diru partida jaso zen, baina PNV-k eta IP-k aurrekontuak ez zituzten onartu.

 

2019ko maiatzean Alkatetza galdu genuen. Abuztuan bertan bilera eskatu genion Udal Gobernu berriari haur-parkearen inguruko informazio trasbasea egiteko. Euskara zinegotziak Hirigintza Zinegotziarekin berba egiteko erantzun zigun. 

 

Irailean bilera berriz eskatu genuen. Kasu honetan hirigintza zinegotziarekin, erantzunik jaso gabe. Urrian berriz, kasu honetan erantzuna jaso genuen bilera egun bat zehaztuz.

Bilera izan behar genuen egunean PNVk bilera bertan behera utzi zuen. Beste egun bat zehazteko eskatu genien... Oraindik erantzunaren zain gaude.

2020ko udal  aurrekontuetan Umeentzako parke berri baten eraikuntza (164.615,24€) proposatu genuen, umeei emandako hitza betetzea eskatuta. PNVk ez zuen onartu, harturiko konpromisoa BETE GABE UTZITA!

 

Ondorioz... GAUR EGUN EZ DUGU EZ PARKE BAT, EZ BI

 

📰📌 SAN ANTOLINEI BEGIRA. PRENTSA OHARRA

Zalantzarik gabe, gaur egungo osasun-egoera gure bizitza markatzen ari da eremu guztietan, eta, nola ez, hala izaten ari da gure herrietako jaietan ere bai. Plentzia ez da salbuespena.

| 2020-08-24 08:45:00

Sanantolineei dagokienez, eta uztaileko Madalenetan bizi izan genuena oso kontuan hartuta, EHBILDU Plentziak argi du lan zorrotza egin behar dela, ahal den neurrian, jaiegunak (ez jaiegun horiek) lasai-lasai igaroko direla bermatzeko.

Hori dela eta, 2020ko uztailaren 30ean ospaturiko osoko bilkuran Aspiunza zinegotzi ordezkariari, Sanantolinei begira eta segurtasuna bermatze aldera, talde biak batera prebentzio plan bat egiteko eta euste-neurriak ezartzeko proposamena luzatu genion.

Abuztuaren erdialdean geundela, zinegotzi horrek ez zigula bilera horretara deitu baieztaturik, eta, hainbat herritar zein ostalaritzako enpresaburuk eskatu zigutelako, datozen (ez) jaiegun horiei buruz eztabaidatzeko bilera eskatu genion Alkate andereari.

Abuztuaren 14an telefonoz eta 15ean idatziz eskatutako bilera hilaren 18an, asteartean, ospatu zen. Bertan, Gobernu Taldeak argi utzi zigun ez duela Sanantolenei begira aparteko neurririk planteatzen, Ertzaintzarekin bilera bat egiteaz gain eta Udaltzaingoari ordutegia 1:00ak arte luzatzea planteatzeaz gain.

Halaber, 2020ko Sanantolinak hasteko 13 egun falta zirelarik, Jaietako zinegotzi delegatua, bileran egon ez zena, ez zela oraindik Jai Batzordearekin bildu onartu zuten.

Ondorioz, EHBILDUk, Madalenetan bizi izandakoa kontutan izanik, eta hainbat auzotar zein merkatarik erakutsitako kezkaz jabe izanik, (ez) Antolin Deun Jai seguruak pasatzeko, neurri zehatzak hartzea beharrezko jotzen du, eta horixe planteatzen diogu planteatu genion EAJri:

-Sanantolineei dagozkien egunetan ekitaldiak egingo diren edo ez argitzea herritarrei.

-Herriko ostalaritza-sektorearekin batera lan egitea: jaien arduradunekin komunikazio-tresna bat eskaintzea, edozein alerta-kasuetan haiekin zuzeneko lotura izan dezaten; komunikazio-kanpaina bateratua zehaztea, Jai eta Koadrila Batzordea ere barne hartuko duena, eta, herritarren artean zabaltzeko; ixteko ordutegia adostera gonbidatzea; festetan parranda egitera bultzatzen duten kanpainak saihestea, etab.

-Metro Bilbao: informazio-kanpaina bat egitea hainbat baliabide eta euskarriren bitartez; segurtasuna eta higienea handitzea; mugikortasuna kontrolatzea, etab.

-Gorlizko Udala: konpartitzen ditugun eremuetarako elkarlana.

-Kale-garbiketa: errefortzua edo erretena jaiegunetan.

-Ostalaritzako enpresaburuen, koadrilen, elkarteen eta kluben, jai-batzordearen eta Udalaren arteko talde-lana.

Bilera bukatzear zegoela, EHBILDUk eskatuta, adierazpen bateratua ateratzea erabaki zen. Hala ere, argi utzi genion Udal Gobernuari ezinbestekoa dela herriko jaiekin zerikusia duten hainbat eragilerekin edozein neurri kontrastatzea. Gainera, adierazpenetik haratago doazen ekintzak egikaritzea ere eskatu genien, gure taldeak goiko lerroetan proposatu dituenak adibidea direlarik.

🏣🏦 Herriko zerbitzuetan MURRIZKETARIK EZ!

Azken hilabeteotan, gure herrietako hainbat zerbitzu publikoetan murrizketak edo zerbitzuen eteteak gertatu dira. Hain zuzen ere, Bankuen bulegoko zerbitzua mugatu dute, Correoseko bulegoa irailaren 13ra arte itxi dute edo gure anbulategiko zerbitzuak murriztuak izan dira. Honek eragin zuzenak dauka Plentziarron ongizatean eta bereziki egoera zaurgarrietan dauden jendarte tziarron ongizatean eta bereziki egoera zaurgarrietan dauden jendarte sektoretan. sektoretan.

plentzia,zerbitzuak,murrizketak | 2020-08-17 09:40:00

Horregatik, udaletxe moduan hurrengo eskaera egitea proposatu dugu:

  1. Kutxabank eta Laboral Kutxa:

Azken urteotan banku operazioak modu telematikoan egitea zabaltzen ari bada ere, batzuetan behar beharrezkoa izaten da bulegora bertaratzea. Azken hilabeteetan, gure herrietako hainbat banketxeko bulegoko zerbitzuak hainbat murrizketa jasan ditu. Kutxabankek goizeko ordutegiak bi egunetara mugatu du eta Laboral Kutxak bulegoa itxita izan du orain arte. Berriki, bulegoa ireki dute baina solik bi egunetan, Kutxabank bezala.

Plentziarrok zerbitzu hau jasotzera beste herri batzuetara mugitu behar dugu. Honek herri bezala kaltea eragiten digu, baina bereziki erasango ditu nagusiak eta erretiratuak; adineko askoren autonomiarentzako kolpe latza izan da.

Herriko ostalari, merkatari eta bestelako hainbat enpresarentzako ere kaltea esanguratsua izan ditu, telematikoki egin ezin daitezkeen operazioak egiteko beste herriren batera joan behar dute egunaren arabera. Gainera, uda garaian populazio bikoizten dela, zerbitzuan egondako murrizketak eragin zuzena izaten ari dira, ilarak luzeak eta hainbat kasutan beste herri batzuetara desplazatu behar izatea.

Arazo honen aurrean, Plentziako udalbatzak erabaki hauek hartu ditu:

- Kutxabanki eta Laboral Kutxari Plentziarron gaitzespena adieraztea.

- Kutxabanki eta Laboral Kutxari eskatzea atzera egin dezan, eta Plentziakoo bulegoan zerbitzua mantendu dezan.

- Udalak Kutxabanken zein Laboral Kutxaren zerbitzuen murrizketu ez dadin ahaleginak egiten jarraitzea.

- Hainbat komertzioetan bideratzen ari duten sinadura jasotzearekin bat egitea.

-Akordio hau bi finantza-erakundeei helaraztea: Kutxabank  eta Laboral Kutxa.

 

2. Posta-bidezko zerbitzua:

 

Berriki Plentziako Correoseko bulegoa uztailaren 11tik iraialaren 13ra arte itxiko zutenaren iragarpena jaso genuen. Hots, posta-kutxatilak eta jakinarazitako bidalketak jasotzeko Plentziarrok Gorlizko bulegora hurbiltzera behartuta ikusi gara.

Zerbitzu publiko batean ematen den murrizketa izateaz gain, Plentziarrok zerbitzu hau jasotzera beste herri batzuetara mugitu behar dugu. Honek herri bezala kaltea eragiten digu, baina bereziki erasango ditu nagusiak eta erretiratuak; adineko askoren autonomiarentzako kolpe latza izan da. Haurren edo pertsona dependienteen zaintzaz arduratzen diren horientzat ere oztopo esanguratsua izan du.

Arazo honen aurrean, Plentziako udalbatzak erabaki hauek hartu ditu:

- Correoseri Plentziarron gaitzespena adieraztea.

- Correoseri eskatzea atzera egin dezan, eta Plentziako bulegoan zerbitzua mantendu dezan.

 

 

 

 

 

⚓⛵ Legarrondoko pantalanaren egoera konpontzeko eskatu diogu udal gobernuari

Informazioa atxikitutako PDFan

Legarrondo,itsasadarra,Plentzia | 2020-08-07 10:37:00

📃 Erribera kalearen peatonalizazioaren aurrean, Plentziako EH Bilduren irakurketa

Erribera partzialki oinezkoentzat egitea joan den asteburuan gauzatu zen, eta momentuz, polemika, presa eta zalantzaz beteriko salda beroa izan da, eta ez dakigu hirigintza arloan irregulartasunik dagoen.

erribera,peatonalizazioa,hirigintza,plentzia | 2020-07-30 10:38:00

Iragarkia uztailaren 23an iritsi zen, Alkatearen eskutik, Bando baten bidez. Bertan adierazten zen neurria 24 ordu baino gutxiagoan gauzatuko zela, baina gure herriko bi sarrera nagusietako baten eta merkataritza-arteriaren ibilgailuen trafikoa mozteko jarduketak maiatzaren 18an hasi ziren egiten.

Hala ere, neurri hori, Ekonomia Suspertzeko Neurrien Planean aurreikusita dagoena, “Covid-19” birusaren inpaktuaren aurrean,
aurreikuspen- eta partaidetza-falta larria izan arren inposatu da.

Eh Bildu Plentzian ohituta gaude guztiaren berri sare sozialetatik jasotzen, ostrazismora kondenatuak izan baikara legegintzaldiaren hasieratik (ziurrenik amaigabea), baina harrigarria da horrelako neurri garrantzitsu bat inplementatu izana herriari oro har eta kaltetuak bereziki kontuan hartu gabe.

Izan ere, Elixabetek berak ekainaren 3ko Ezohiko Osoko Bilkuran esan zuena, "Erriberako bizilagunekin eta merkataritza- eta ostalaritza-lokal guztiekin kontsultatu da", GEZURRA da.

Eh Bilduk, Erribera bezalako kale bat oinezkoentzat egitekotan, gutxienez honako hau kontutan izan beharko zela uste du:

  • Parte-hartze aktiboa merkataritzarekin, ostalaritzarekin eta herritarrekin.
  • Neurriei eta haren eraginari buruzko eztabaida tekniko-politikoa, ordezkaritza politiko orok parte hartu beharko lukeena.
  • Mugikortasunari, salmentei eta aparkalekuei buruzko aurretiazko azterketa. Udalak 16.335 euroko azterlan bat kontratatu zuen, eta horren kontua eskatu da, baina oraindik ez dira ondorioak ezagutzen.
  • Proposamenaren azterketa funtzionala: kale horretako trafikoaren gaineko eraginak, baita eragina izan dezaketen beste batzuenak ere, aparkatzeko aukerak, hondakinen bilketa, zamalanak, mugikortasuna errazteko neurrien ezarpena...
  • Egiten bada, udalaren hirigintza-araudia betetzen dela ziurtatzeko berme juridikoak.
  • Baterako lana beste administrazio publiko batzuekin: Bizkaiko Foru Aldundiarekin eta Gorlizko Udalarekin.

Guzti horretatik, egungo Gobernu Taldeak, mugikortasunaren azterketa baino ez du eskatu, eta ez dio oposizioari eman.

Kudeaketaren emaitza? Itxiera orduetan zirkulatzen ari diren ibilgailuak, eragin negatiboa izan duten dendak eta tabernak, informaziorik jaso ez duten auzotarrak, minirrotonda arriskutsu bat eta ezinezko maniobrak Plazatxoan, opozisioak herritarren ahoetatik jasotzen du itxieraren berri, etab.

 

Laburbilduz:
Gaia, jokoan dagoenagatik, serioegia da denok mahai batean eseri eta eztabaidatzeko.
 

ALBISTEAK

🚧 📬Txipio bidean egindako obren inguruan informazioa eskatu diogu udaletxeari

2020-07-17 17:00:00

URAk babestutako inguruan egindako obren harira PDFan atxikita doan informazio eskaera luzatu diogu udal gobernuari.

🏥✂ Gure herrietan osasun arloan emandako murrizketen aurrean Plentziako alkatesari egindako proposamena

2020-06-25 07:00:00

#Plentzia eta #Gorliz|ko anbulategietan emandako murrizketak ikusita, Plentziako alkateari bere eskuhartzea eskatu diogu, egoera ahalik eta lasterren konpondu dadin.