Iñaki Ruiz de Pinedo: “Noiz utziko dute legez kanpo frankismoa Espainiako Estatuan, Alemanian nazismoarekin egiten duten moduan? Euskal Errepublikan frankismoa eta faxismoa legez kanpo egongo dira”

Maddi Isasi hautagaiak eskuinak irabazten badu emakume feministen eskubideetan atzera egiteko arriskua salatu du,, eta EH Bildurentzako botoa eskatu du, eskubide horien bermatzaile bakarra delakoan

| 2019-11-04 17:12:00

Iñaki Ruiz de Pinedo EH Bilduko Arabako hautagaia, Maddi Isasi bigarren zerrendaburuarekin eta Javier Argote Arabako batzarkidearekin batera izan da arratsaldean. Frankismoa erakundeetatik ateratzeko beharra nabarmendu dute han. “VOXeko frankistek Legez kanpo utziko gaituztenaren mehatxua ere egiten dute eta! Noiz utziko dute legez kanpo frankismoa Espainiako Estatuan, Alemanian nazismoarekin egiten duten moduan? Euskal Errepublikan frankismoa eta faxismoa legez kanpo egongo dira”, adierazi du Ruiz de Pinedok.

Hautagaiak berak adierazi duenez, hauteskunde hauetan asko dago jokoan eta demokraziaren edo inboluzioaren artean erabaki beharko da, "Hauteskunde hauek eskubideez eta demokraziaz doaz. Demokrazia vs inboluzioa, demokrazia vs autoritarismoa. PSOEk eta Podemosek beste aukera bat eman diote eskuinari, eta, horregatik, gure betebeharra da, berriz ere, eskuina hori geldiaraztea. Araban VOXen bazkideen eta EH Bilduren artean dago jokoa. Hori da alternatiba. Inkestek diote kinka larrian gaudela, baina guk Espainiako eskuina Araban berriz ere ordezkaririk gabe uzteko erronka gure gain hartzen dugu ".

Maddi Isasi EH Bilduren Arabako zerrendetan bigarrenak gogor salatu du emakume feministek eskubideak galtzeko duten arriskua, eskuinak irabaziz gero. "Euskal emakume feminista naizen heinean, ozen salatu nahi dut justiziarik ez datorrela Espainiako Estatutik euskal emakumeontzat. Justizia deitzen diote injustiziari. Araban jokoan daukagu gure ahotsa indartzea. EH Bilduk lortzen ez duen ordezkaria Espainiako eskuinera joango da. Eta dagoeneko ondo dakigu euskal emakumeok zer proposatzen duten guretzat Espainiako eskuinek.

Euskal herritarren eskubide eta askatasunen murrizketa haratago joan daiteke, eta Javier Argote Arabako Batzar Nagusietako prokuradoreak eman du beste adibide bat. Salatu duenez, AHT-a "Estatuaren inposizioa" da, "herritarren iritzia kontuan hartu gabe egin nahi dute". Eta galdera bat luzatu du: "Nora garamatza?". Ildo horretan, tren sozialaren aldeko apustuan berretsi da: "Posible da, oraindik denbora dago eta hala eskatzen dute kaltetutako herrietako bizilagunek".

Argotek Iñaki Ruiz de Pinedoren alde bozkatzera animatu ditu Iruña-Okako herritarrak, "Batzarretan, udaletan, parlamentuan … eta baita Madrilen ere: gure herriak eta kontzejuak defendatu behar ditugu, beharrezkoa den guztietan". Eta amaitzek, aurreko hauteskundeei begira jarri da: "Maiatzaren 26ko foru hauteskundeetan egin genuen, gure emaitzarik onenekin: berriro tokatzen zaigu".

Iñaki Ruiz de Pinedo: "Azaroaren 10ean boto subiranista eta ezkertiar bakar bat ere ezin da etxean geratu"

EH Bilduren Arabako hautagaiak galdera egin die gainerako euskal alderdiei eta, zehazki, erabakitzeko eskubidea defendatzen dutenei, "zalantzarik eta kalkulu alderdikoirik gabe" Euskal Herriari dagokion erabakitzeko eskubide demokratikoa defendatuko ote duten

| 2019-11-03 12:04:00

Iñaki Ruiz de Pinedo EH Bilduren Arabako hautagaia  Bastidan izan da gaur. Bertan, datorren igandean, azaroaren 10ean, arabar subiranista eta ezkertiar guztiek hautetsontziak Euskal Herria Bildurentzako bozkekin betetzera animatu ditu.

Arabako hautagaiak EH Bildu fidatzekoa dela aldarrikatu du, esaten duena betetzen duelako eta euskal gizartearekin konpromisoa hartzen duelako Madrilen Euskal Herriari herri gisa dagokion erabakitzeko eskubide demokratikoa defendatu eta aldarrikatzen duelako. Ildo beretik, Ruiz de Pinedok gainerako alderdiei galdetu die ea interes alderdikoien gainetik ere berdina egingo duten, "Hemendik interpelazioa egin nahi diet gainerako euskal alderdiei eta, batez ere, erabakitzeko eskubidea defendatzen dutela diotenei: zalantzarik eta kalkulu alderdikoirik gabe defendatuko al duzue Euskal Herriari dagokion erabakitzeko eskubide demokratikoa? EH Bildun argi daukagu: bai, egingo dugu".

Mikel Otero EH Bilduko legebiltzarkidea Arabako hautagaiarekin batera izan da gaur goizean Bastidan, eta, bertan, EH Bilduren hautagaitzen balioak eta horiek defendatzeko beharrean sakondu du: "Azaroaren 10ean, pertsona bikain bat eta Arabatik irten daitekeen ordezkaririk onena Madrilen egotea egongo da jokoan. Iñaki Ruiz de Pinedo Madrilera eramatea lortu behar dugu. Eta lortuko dugu, ez daukat inolako zalantzarik. Baina, horretarako, boto independentista eta ezkertiar bat ere  ezin da etxean geratu. Arabako demokrata eta aurrerakoi guztiek jakin behar dute zer dagoen jokoan, eta horren arabera botoa erabakitzera animatzen ditut".

Oterok bezala, Ruiz de Pinedok ere defendatu du estatuko indar subiranistek baldintzatutako gobernu batek bakarrik ekar dezakeela berekin aldaketa. "Katalunian eta Euskal Herrian martxan jarritako prozesu subiranisten arteko batasunak bakarrik egin diezaioke aurre 78ko Erregimenari. Espainiako alderdi bakar bat ere ez da konponbidearen parte, arazoaren parte dira, Espainiaren batasuna demokraziaren aurretik jartzen dutelako. Horregatik ukatzen diete herritarrei hitza, eta horregatik uste dute delitua dela hautetsontziak jartzea. Horregatik, garrantzitsua da azaroaren 10ean bozkatzera joatea, inor ezin baita etxean geratu, gu ez bagoaz, haiek irabaziko dutelako ", adierazi du Arabako hautagaiak.

 

 

 

 

 

 

 

 

 

Iñaki Ruiz de Pinedo: “EH Bildu bozkatzeak balio bikoitza du, ez soilik min ematen dien botoa delako, baizik eta boto baliagarria delako eskuin hirukoitza ordezkaritzarik gabe uzteko Araban”

Arabako hautagaiaren esanetan, deriba antidemokratikoa geldiarazteko boto baliagarri bakarra subiranista da, Llotja de Mar-eko akordioak jasotzen duena eta duela egun batzuk Erorien Haranetik atera zuten horrek zioen “ondo lotua” harekin behin betiko hausten duena

| 2019-11-02 11:54:00

Iñaki Ruiz de Pinedo EH Bilduren Arabako zerrendaburuak agerraldia egin du gaur goizean Murgian (Zuia, Araba), eta Euskal Herria Bilduk Araban bozkatzeak duen balio bikoitza goraipatu du bertan, "min ematen dien botoa ez ezik, boto baliagarria ere bada eskuin hirukoitza ordezkaritzarik gabe uzteko Araban".

Ruiz de Pinedoren esanetan, boto baliagarri bakarra boto subiranista da, "Boto errepublikano eta subiranista da orainean eta etorkizunean demokrazia, berdintasuna, askatasuna eta eskubide guztien betetzea berma dezakeen bakarra, iraganeko garaietara itzularazi nahi gaituztenen aurrean".

Eh Bilduk indarrak batzearen alde agertu da eta, horrez gain, beste urrats bat eman nahi du alderdiaren helburu politikoak lortze aldera, hala nola, "erabakitzeko eskubidearen alde, politika sozialean alde… hitz bakar batean, letra larriz idatzitako demokraziaren alde", adierazi du Arabako hautagaiak.

Belen Arrondo, Arabako zerrendetako kidea dena ere, hautagaiarekin batera izan da gaur goizean, eta indarrak batzearen alde egin du, Euskal Herriaren eskubideen defentsarako berme gisa "askatasuna eta demokrazia aldarrikatzera etorri gara. Hitz biribilak dira baina hori da jokoan dagoena datorren azaroaren 10ean. Egungo Estatuak ez gaitu ulertzen eta, batez ere, ez gaitu errespetatzen. Horregatik ozen esan behar dugu inposizio eta bidegabekerien aurrean gure herriak eta gure herritarrak defendatu nahi ditugula. Eta horretarako gehiago izan behar dugu, indarrak batu behar ditugu ".

Ruiz de Pinedoren ziurtatu du, "herri hau martxan dago, konprometituta dago, baloreak eta borroka ditu". Herri gisa, bidegabekeriei erantzuteko hamaika alditan kalera irten izan dela defendatu du, duela egun gutxi procés-aren epaiaren aurka, edo Altsasuko epaiaren aurka, preso eta iheslariak etxera ekartzeko eta gaixo dauden presoak aske uzteko aldarrikatzeko ere.

Azken kasu horretan, Ruiz de Pinedok gogoan izan du, Jose Angel Otsoa de Eribe espetxe-politika kriminalaren ondorioz hil berri den kidea, "mendekuan oinarritutako espetxe-politika kriminalak bizitza berri bat eraman du. Urteak dira Jose Angelek kartzela atzean utzi behar zuela, baina duela hilabete gutxi batzuk bakarrik onartu zuten aske uztea. Jose Angelena izan dadila mendeku politika honek eragindako azken heriotza!". Arabako hautagaiak iragarri du Sarek deitutako manifestaziora joango dela arratsaldean, eta gonbitea luzatu die bertaratutakoei. Ondoren, Kanpezun egingo den hauteskunde ekitaldian parte hartuko du hautagaiak.

Iñaki Ruiz de Pinedo: "Aldea txikia da, baina PP ordezkaririk gabe gera daiteke berriro Araban; eta, horretarako, boto erabilgarri bakarra eh Bildu da"

Oskar Matute Bizkaiko hautagaiaren esanetan, subiranistek baldintzatutako gobernu batek bakarrik egingo du ezinezko eskuinaren eta Estatuko botereen nahiak eta desioak gauzatzea

| 2019-11-01 11:44:00

Euskal Herria Bilduk Laudion (Araba) egin du bere ekitaldi nazionala, eta bertan Iñaki Ruiz de Pinedo eta Oskar Matute Arabako eta Bizkaiko hautagaiek, hurrenez hurren, Espainiako eskuin hirukoitzari soilik mesede egiten dion kanpaina baten aurrean daudela salatu dute. Hala ere, EH Bildu dela Euskal Herrian trifatxoa geldiarazteko alternatiba bakarra argi adierazi dute.

Are gehiago, Iñaki Ruiz de Pinedo Arabako diputatuen Kongresurako hautagaiak urrats bat harago egin du, eta Madrilen euskal herritarren ordezkari izateko beharra defendatu du, Casadoren PPk darabilen inboluzio antidemokratikoaren aurrean: "PPko presidentea Araban ari da gaur bere hautagaia babesten. Eta hala da, BERE hautagaia delako, Casadoren hautagaia, Euskadiko PPren hautagaia ez dena. PPk, inboluzio antidemokratiko horretan, eskuinera begiratzea erabaki du. Ez dago alde handirik jada, Kolongo argazki triste hartan ukondoa sartzen zutenen artean ".

Gainera, Ruiz de Pinedok, azken hauteskundeetako emaitzak errepikatzeko aukeraren jakitun, euskal gizartea eta, zehazki, Arabakoa gonbidatu ditu apirilekoa errepikatzera, "Araban ere asko daukagu jokoan hurrengo hauteskundeetan. Asko dago jokoan. Eta aukerak argiak dira: EH Bilduk lortzen du ordezkaritza edo, bestela, PPk lortuko du. Demokrazia edo inboluzio antidemokratikoa. Eskubideak edo murrizketak. Hori da jokoan dagoena. Horregatik, aurrerakoiak eta ezkerrekoak sentitzen diren arabarrek, balio demokratikoetan sinesten duten arabarrek, argi izan behar dute EH Bildu delaaukerarik onena eta ondoen ordezkatuko dituena eta, gainera, PP eta Espainiako eskuina ordezkaririk gabe utziko duena”.

Oskar Matute EH Bilduren Bizkaiko hautagaiak ohartarazi duenez, hauteskunde hauetan partida bat dago jokoan autoritarismoaren eta demokraziaren artean, “euskal gizarteak, konbikzio demokratiko indartsua duten euskal herritarrek argi izan behar dute gauza bat: subiranisten elkarlanak eta indar metaketak bakarrik ekidin dezake Sanchez eskuinaren besoetara erortzea, kontraerreforma autoritarioan sakontzeko. Subiranistek baldintzatutako gobernu batek bakarrik egingo du ezinezko eskuinaren eta Estatuko botereen nahiak eta desioak gauzatzea “.

Matutek salatu du, gainera, Sanchezek eta Estatuko botereek iraganera bidaiatzeko eta neurri antidemokratikoak aplikatzeko duten borondatearen aurrean, Estatuko herri eta nazioek aurrera egitea eta autodeterminazio eskubide demokratikoa praktikan jartzea eragozteko, Herrialde Katalanetako, Euskal Herriko eta Galizako subiranisten elkarlana dagoela, oinarrizko balio demokratikoen defentsarako indar metaketa dagoela. Horrez gain, hauteskunde hauetan "autoritarismoaren eta demokraziaren arteko partida bat" jokoan dagoela ziurtatu du.

 

Arabako Errioxa marka berreskuratzearen aldeko mozioa aurrera ateratzea eragotzi dute PPk, EAJk eta PSEk

| 2019-10-30 14:27:00

"Lotsagarria da Arabako Errioxarekin gertatu dena. Lapurreta bat da, benetako usurpazioa", esan du Kike Fernandez de Pinedo bozeramaileak asteazkeneko osoko bilkuran, Arabako Errioxa sor-marka berreskuratzearen aldeko mozioa defendatzeko oruda iritsi denean. EH Bilduk aurkeztu du mozioa, baina PPk, EAJk eta PSEk aurrera egitea saihestu dute.

EH Bilduk gogorarazi duenez, 2017an, Errioxako Kontseilu Arautzaileak Euipo marka Europako marken erregistroan erregistratzeko eskaera aurkeztu zuen, Arabako Errioxa izenekoa; 2018an, Guardia-Arabako Errioxako Kuadrillak eskaera horren aurkako errekurtsoa aurkeztu zuen; eta 2019ko maiatzean, Euippok jakinarazi zuen ez zuela onartu Kuadrillak aurkeztutako errekurtsoa. Azkenik, 2019ko abuztuaren 28an, EUIPOK Rioja enpresak ofizialki erregistratu du Arabako Errioxa marka, 16., 30., 32. eta 33. sailkapenetan erabili ahal izateko -ardoa, edariak, poltsak, etiketak, artelanak, ontziratzeko edo paketatzeko gaiak... -.

"Non egon dira denbora honetan Eusko Jaurlaritza eta Foru Aldundia? Non dago PPren alabesismoa? Erabat despistatuta daude, ez dira gai esateko gaizki iruditzen zaiela Arabako Errioxa marka lapurtu izana ", salatu du Fernandez de Pinedok. "Non dago Arabako defentsa?"

EAJ-ren koherentzia falta

EH Bilduk ere salatu du EAJ desagertuta egon dela gaur arte, eta bere koherentziarik eza aurpegiratu dio: "Adierazpenak bai, baina aurrerapausorik eman gabe eta ekintza zehatzik gabe".

"Arantxa Tapiak eta Ramiro Gonzalezek onartu behar izan dute ez dela onargarria Kontseilu Arautzailearen jarrera. Egin dezagun aurrera, eta egin dezagun sektorearekin herri akordio bat. Mugitzeko garaia da". Mugimendu horiek gorabehera, Foru Gobernuak ez du benetako neurririk hartu nahi izan, urriko azken osoko bilkuran ikusi den bezala.

Azkenik, hau da aurrera atera ez den mozioa: Arabako Batzar Nagusiek Foru Aldundiari eskatzen diote, Guardia-Errioxako Kuadrillarekin eta Eusko Jaurlaritzarekin elkarlanean eta bere zerbitzu tekniko eta juridikoen bidez, Arabako Errioxa/Arabako Errioxa marka berreskura dezala.

ALBISTEAK

Argantzongo Udalak osoko bilkuran adierazi du ez dagoela ados Zaragozatik Jundizera tentsio handiko linea bat eraikitzeko proiektuarekin

2021-11-27 10:21:00

Udalerrian zehar, 44 eta 70 metro bitarteko 12 dorre proiektatu dira.

Urkabustaizek ukatu egin du Eusko Jaurlaritzak udalei ingurumen-proiektuak inposatzeko asmoa

2021-11-25 09:58:00

Ingurumen Administrazioari buruzko Legearen artikuluetan sartu nahi diren aldaketen aurkako mozio bat onartu du; ekimen horren bidez, Eusko Jaurlaritzak Goi Mailako Interes Publikoko Proiektu deklaratu ahal izango du, udal-araudiaren gainetik.

Bastidako Udalak osoko bilkuran adierazi du Zaragozatik Jundizera tentsio handiko linea bat eraikitzeko proiektuaren aurka dagoela

2021-11-23 09:30:00

Lautadako Kuadrillak ere baztertu egin du Arabako Lautada zeharkatzen duen goi-tentsioko linea eskualdean inpaktu larriak dituelako.