EH Bildu-k gasteiztar guztien eskura egongo diren bi EAG mantentzeko mozioa aurkeztuko du Santa Catalinako Osoko Bilkuran

Gasteizko EH Bilduko bozemailea den Miren Larrionek San Martingo eta Olagibelgo EAG-ak asteburuetan 24orduz irekita egon daitezen eskatu du, baita astean zehar Osasun Zentroak ixten duten ordutegian zabaltzea ere.

| 2019-11-12 11:12:00

Osakidetzaren Lehen Mailako Arretaren eredua krisi sakonean murgilduta dagoela salatu dute EH Bildu-ko Miren Larrionek eta Iñaki Ullibarrik Udaletxeko agerraldian. Izan ere, azaroaren 24an, igandean, ospatuko den Santa Catalinako osoko bilkuran Gasteizen Osakidetzak dauzkan Etengabeko Arreta Guneen funtzionamendu arazoei buruzko mozioa aurkeztuko du EH Bildu-k, Arabako hiriburuak protagonismo berezia duen bilkuran.

“Gero eta begi-bistakoagoak dira Osakidetzaren Lehen Arretaren gabeziak: medikuntza orokorreko sendagile eta pediatren eskasiak bajak eta hutsuneak sortzen ditu, egoera berdina gertatzen da anbulatorioetan diharduten beste kategoriekin ere -erizainak, administrariak…- eta hutsune larriak daude prebentzio politikei dagokienez”, salatu du Ullibarrik.

Horrenbestez, EH Bildu Batzarkide Taldeak hiru puntu izango dituen mozioa aurkeztuko du, Arabako Batzar Nagusiek eztabaidatu eta onartu dezaten. Bigarren puntuan, adibidez, Arabako Batzar Nagusiek Eusko Jaurlaritzari Gasteizen gutxienez herritar guztien eskura egongo diren bi EAG mantendu ditzala eskatuko da, horien ordutegiari dagokionez bi irizpideok betetzearekin batera: lan egunetan irekita egotea Osasun Zentroak itxita dauden orduetan eta asteburuetan 24 orduz jardutea.

Larrialdietako egoera, gero eta okerrago San Martingo EAG zentroa itxi ostean

Azaroaren 24ko Osoko Bilkuran protagonismo guztia Gasteizek izango duenez, Miren Larrion bozeramaileak ere hiriburuaren diagnostikoa egin du agerraldian. Txagorritxu eta Santiago ospitaleetako larrialdieta eskaerek gora egin dutela salatu du Larrionek, askotan, gaixotasun txikiengatik. Hau da, Etengabeko Arreta Guneak irekita egongo balira, pertsona hauek bertara
joango lirateke, baina ez da posible izan, besteak beste, San Martingo itxi dutelako.

EH Bildu Gasteizko bozeramailea den Miren Larrionek egun diren zerbitzuak mantendu eta kalitate eta asistentzian hobetzearen alde agertu da, “hain garrantzitsua den EAGaren zerbitzuazin zaie hiritarrei ukatu eta Gasteizen zentro bakar batera murriztu. Bi zentroen irekiera eskatzen dugu, osasun-zerbitzu egokia bermatzeko eta larrialdien saturazioa saihesteko”.

Zentzu honetan, udal-arlotik EH Bildu-k proposamen zehatza egin du: Olagibel eta San Martingo anbulategiak asteburu eta jai egunetan 24 orduko zerbitzua eskaini dezatela eta astean zehar irekita egon daitezela Osasun Zentroek ixten duten ordutegian.

Ruiz de Pinedo: “Vox eta bere bazkideek egindako ilegalizazio mehatxuei erantzuteko aukera daukate euskal herritarrek igandean”

EH Bilduko Arabako zerrendaburuaren esanetan, “Vox ari da Espainiako eskuinen orkestra zuzentzen eta subiranisten batasunak bakarrik ken diezaioke batuta, Euskal Herriko eta Kataluniako herritarren esku uzteko”.

| 2019-11-08 17:26:00

“Faxismoari aurre egiteko beste aukera bat dauka euskal gizarteak igandean. Vox eta bere bazkideek alderdi independentistei egindako ilegalizazio mehatxuei erantzuteko aukera daukate euskal herritarrek, hautestontziak boto subiranistekin eta independentistekin beteta, EH Bilduren botoekin”. Hala mintzatu da gaur Iñaki Ruiz de Pinedo Gasteizen, atzo Madrilen trifatxitoak alderdi independentistak legez kanpo uzteko onartu zuten proposamena hizpide. EH Bilduren hautagaiak ohartarazi duenez, “Estatuan Vox da agenda politikoa zehazten duena, Abascalen batuta baita Espainiako eskuinen orkestra zuzentzen duena. Vox eta Abascalek jarritako musikarekin egiten dute dantza eta subiranisten batasunak eta elkarlanak bakarrik ken diezaiekete batuta Abascal eta Voxi, Euskal Herriko eta Kataluniako herritarren esku uzteko”.

Espainiako eskuinen orkestra zuzentzen duena. Vox eta Abascalek jarritako musikarekin egiten dute dantza eta subiranisten batasunak eta elkarlanak bakarrik ken diezaiekete batuta Abascal eta Voxi, Euskal Herriko eta Kataluniako herritarren esku uzteko”.
Arabako zerrendaburuak salatu du atzokoa “demokraziaren kontrako beste eraso bat dela, enegarrena, Estatu espainolean gero eta indar handiagoa duen kontrarreforma antidemokratikoaren beste adibide bat”. Horren ildotik, gogora ekarri du alderdi independentisten ilegalizazioa ez dela kontu berria Euskal Herrian, oraingo mehatxuak iraganean gauzatu baitzituzten “gaur EH Bilduren barruan dagoen kultura politiko bat legez kanpo utzita”.
Hain justu, EH Bilduk bere baitan bat egin duten kultura politiko ezberdinetako ordezkariak, Kongresuan eta Senatuan aritutakoak, elkartu ditu Gasteizen kanpainako azken egunean. Izan ere, Ruiz de Pinedok azpimarratu duenez, “Espainiako ultraeskuinari aurre egingo zaionaren bermea izan dira beti EH Bildu eta bere barruan dauden kultura politiko ezberdinak; edozein eremutan eta beti faxismoari aurre egin diogu eta hemen dauden gizon-emakumeak faxismoaren aurkako borroka horren eredu nagusiak dira. EH Bilduren ADNa beti izan da eta beti izango da antifaxista eta subiranista”.

Francisco Letamendia Ortzi: “Autodeterminazioa, aldarrikapen demokratikoa”
Ekitaldian parte hartu duten EH Bildu osatzen duten kultura politikoetako ordezkarien artean, Francisco Letamendia Ortzi–k hartu du hitza. Bera 1977tik aurrera izan zen diputatua Madrilen eta gaur “garai hartan egin zenaren eta egungo egoeraren artean dagoen loturaz” aritu da. “Autodeterminazio eskubidea ez dela eskubide nazionalista bat, demokratikoa baizik”, azaldu du, eta euskal borrokaren mugak zabaltzearen alde agertu da. Bere iritziz, “borroka hori izan behar da alderdi politiko aglutinatzaile bat, mugimendu sozial sendo bat eta eraikitze-mugimendu teoriko bat”.
Letamendia bezala, diputatu eta senatari ohi ugari izan dira EH Bilduren ekitaldian, koalizioaren kultura politiko ezberdinen ordezkari: Joseba Azkarraga, Rafa Diez, Esther Larrañaga, Jose Luis Elkoro, Marian Beitialarrangoitia, Rafa Larreina, Iñaki Antiguedad, Sabino Cuadra, Iñigo Iruin, Anjel Alkalde, Iñaki Aldekoa, Iñaki Goioaga, Alberto Unamunzaga eta Maite Aristegi.
Eta haiekin guztiekin eta Ruiz de Pinedorekin batera, bertan izan dira, baita ere, Oskar Matute eta Mertxe Aizpurua, Bizkaiko eta Gipuzkoako zerrendaburuak hurrenez hurren, Idurre Bideguren senataria, Garazi Dorronsoro Senaturako Arabako hautagaia eta Oihan Mendo Nafarroakoa.

Iñaki Ruiz de Pinedo: “Batzen duen ezkerra gara; are gehiago, Araba ezagutzen dugu eta, gauden lekuan gaudela, herri honen eta pertsonen eskubideak defendatuko ditugu beti”

Mikel Otero parlamentariak Espainiako eskuin hirukoitza geldiarazteko beharra goraipatu du, berriro ere, igande honetan, horien eserleku kopurua hutsean utzita.

| 2019-11-07 17:33:00

Euskal Herria Bilduren Arabako ekitaldi nagusia Amurrion izan da gaur. Bertan, Maddi Isasi eta Garazi Dorronsoro EH Bilduren Arabako hautagaiak kongresura eta senatura, hurrenez hurren, eta Mikel Otero legebiltzarkidea, Arabako hautagai nagusia den Iñaki Ruiz de Pinedorekin batera izan dira. Ruiz de Pinedok gogora ekarri du, EH Bildu dela "Euskal Herrian batzen duen ezkerra, Espainiako Estatuko gainerako indar subiranisten eskutik biderkatzen den ezkerra". Gainera, Arabako hautagaiak adierazi du aukerarik onena dela EH Bildu, “ez soilik Araba ezagutzen dugulako, gauden lekuan gaudela gure herria eta jendearen eskubideak beti defendatuko ditugulako baizik".

Ruiz de Pinedok gogoratu du Euskal Herri mailan, udalerri gehien gobernatzen dituen indarra dela EH Bildu. “Araban hamaika udaletan gobernatzen dugu, eta beste lautan koalizioan dauden gobernuetako kide gara" adierazi du eta gaineratu du ere "Madrildik datorren gure eskubideen aurkako eraso etengabearen aurrean ere” euskal herritarrak defendatuko dituztela.

Aiaraldeko ekitaldian Mikel Otero legebiltzarkideak faxismoari eta harekin gobernatzeko irrikan daudenei mezua helarazi die: "Azken hauteskunde orokorretan, hemen Araban, Bizkaian eta Gipuzkoan bezala, PPk, Ciudadanosek eta Voxek osatutako hirukote erreakzionarioa ez zuen hautagairik lortu. Eta gaur berriro esaten diogu: Casado!, Rivera!, Abascal! Ez zarete pasatu … eta, berriro ere, ez zarete pasako!".

Bestalde, Maddi Isasi Kongresurako EH Bilduren Arabako zerrendako bigarrenak berriz ere azpimarratu du euskal emakume feministak Madrilen defendatuko dituen ahots indartsu baten beharra: "EH Bilduk Araban lortzen ez duen botoa Espainiako eskuinera joango da, eta euskal emakumeok badakigu guretzat pentsatuta dutena, eta ez zaigu batere gustatzen". Eta ahots indartsu horrek "bidegabekerien aurrean justizia, inboluzioaren aurrean demokrazia, errepresio politikoaren aurrean askatasuna eta murrizketa sozial eta ekonomikoen aurrean duintasuna aldarrikatu" behar dituela gogorarazi du. Eta, hautagaiaren esanetan, Iñaki Ruiz de Pinedo izan behar da ahots indartsu hori.

Garazi Dorronsoro Arabako senaturako hautagaiak igande honetan bozkatzera joateko deia egin die herritarrei: "Igandean bozkatzera joan behar dugu, Madrilen eta beharrezkoa den leku guztietan justizia exijituko baitugu". Bidegabekerien zerrenda oso luzea dela salatu du, baina duela gutxi bizitako bati erreparatu nahi izan dio "agintari politikoak hautetsontzi batzuk jartzeagatik kartzelara eraman dituen bidegabekeria". "Botoa ematea ez da delitua, botoa ematea ez da sedizioa eta are gutxiago altxamendua. Bozkatzea demokrazia da, eta demokrazia herriari ahotsa ematea da, baina hori, haiei, ez zaie gustatzen " adierazi du Dorronsorok.

Iñaki Ruiz de Pinedo: “PPk ez du oraindik argitu VOXekin akordioetara iritsiko den edo ez”

Arabako hautagaiak defenedatu du, Sanchezek demokrazia defendatzea erabakitzen badu, EH Bildu entzuteko prest egongo dela, baina VOXen kideen bidea aukeratzen badu, "aurrean” izango dituela.

| 2019-11-06 17:45:00

Agurainek hartu du gaur Arabako ekitaldi nagusia, eta Eva Lopez de Arroyabe prokuradoreak EH Bilduren kongresurako hautagaia den Iñaki Ruiz de Pinedo babesten egon da bertan. Arabako hedabideetako batean gaur goizean izandako eztabaidaren harira, hautagaiak salatu du Alderdi Popularrak "argitu gabe"
jarraitzen duela "Voxekin akordioetara iritsiko den ala ez". Eta gaineratu du "alternatiba PP eta EH Bilduren artean" dagoela, eta hala aitortu duela ere Casadok ezarritako hautagaia den Mari Mar Blancok.

Ruiz de Pinedoren esanetan, euskaldunak eta katalanak izango dira Moncloan nor egongo den erabakiko dutenak, "subiranistak gara presidenteak jarri eta kenduko
ditugunak. Sanchezek demokrazia defendatzea erabakitzen badu, hari entzuteko prest egongo gara. Aitzitik, Voxen kideen bidea aukeratzen badu, parean izango
gaitu”.

Hautagaiak erantzukizunez beteriko mezua bota du: "Ez diogu inori iruzur egingo, hitzezkoak garelako". Ruiz de Pinedoren esanetan, EH Bildu "ezker fidagarria, batzen duen ezkerra eta eskuin hirukoitzari irmotasunez eta erantzukizunez aurre egingo dion ezkerra da". Era berean, "1080 euroko gutxieneko pentsio baten, 1.200 euroko
gutxieneko soldata baten eta lan-harremanen euskal esparru baten alde borrokatzea" du helburu Arabako hautagaiak. Gaineratu duenez, "gure seme-alabentzako etorkizuna bermatuko duen trantsizio ekologikoaren alde egingo dugu. Larrialdi klimatikoak ez baitu itxaroten. Orain izango da edo ez da izango".

Eva Lopez de Arroyabe batzarkideak eskerrak eman ditu gaur arratsaldean Agurainenegindako ekitaldian, arabarrek EH Bildurekin duten konpromisoagatik: "Eskerrik asko apirileko hauteskundeetan EH Bildurengan konfiantza jarri zenuten guztiei, eta eskerrik asko, halaber, Iñaki Ruiz de Pinedorengan konfiantza berriro izatea erabaki duzuenoi". Gainera, Iñaki Ruiz de Pinedoren hautagaitza arabarrentzat alternatiba erabilgarri bakarra dela defendatu du, "hautagairik onena dugu, ez bakarrik Madrilgo alderdiek ezarritako hautagaiak ez bezala, iparraldetik hegoaldera eta ekialdetik mendebaldera lurraldea ezagutzen duen Arabako hautagaia delako, baita guztion artean aukeratu dugun hautagaia delako ere".

Iñaki Ruiz de Pinedo: “Gure helburua da modu legal, aske eta demokratikoan bozkatzea gure etorkizuna aukeratzeko, baina, hori Espainian kartzelarekin eta errepresioarekin ordaintzen da”

Arnaldo Otegi EH Bilduko koordinatzaile nagusiak adierazi du Frankismoarekin amaitzeko gai den bakarra subiranisten arteko elkarlana dela

| 2019-11-05 20:01:00

. Iñaki Ruiz de Pinedo EH Bilduko Arabako hautagaiak Gasteizko Artium museoan egindako ekitaldi nagusian parte hartu du. Han, Vox noraezean dabilela salatu du, "autonomia estatutuak bertan behera utzi eta telebista publikoak itxi ez ezik, orain alderdi subiranistak ere legez kanpo utzi nahi ditu". Arabako hautagaiak esan duenez, horrela izanez gero, aurrean izango dituztela defendatu du, “Espainiako Estatuan frankismoa besterik ez baita legez kanpo utzi behar, eta duela egun gutxi telebistan ikusi genituen irudi lotsagarriak saihestu behar ditugu".

Ruiz de Pinedoren esanetan, EH Bilduk ez dio inori huts egingo, "hitzezkoak gara, ezker fidagarria gara, batzen duen ezkerra gara eta eskuin hirukoitzari aurre egingo dion ezkerra gara". Arabako hautagaiak berretsi du EH Bilduk lan egingo duela bai murrizketen aurka  baita “lan, gizarte eta politika eskubideen alde” ere. Horrez gain,  Ruiz de Pinedok adierazi du EH Bildun "arduratsuak” direla eta “arduraz” jokatzen dutela.

Berarekin EH Bilduko koordinatzaile nagusia Arnaldo Otegi egon da. Bere esanetan, atzoko debatean agerian geratu zen Espainiako Estatuak hartutako inboluzio antidemokratikoaren aurrean, Euskal Herriko gizon emakumeek gauza bat izan behar dutela argi: “soberanisten arteko elkarlana da frankismoarekin amaitzeko gai den bakarra, gure ideia eta proposamena argia da: demokrazia, inboluzio antodemokratikoaren aurrean; askatasuna, errepresio politikoaren aurrean; duintasuna, murrizketa sozial eta ekonomikoen aurrean”.

Otegiren esanetan, “subiranistak gara balantzak alde batera edo bestera egin erabakitzen dugunak. Sanchezek ondo daki euskaldunak eta katalanak garela presidenteak jarri eta kentzen ditugunak. Eta jar ditzakegun bezala, ken ditzakegula”. Azken datuak eta inkestak ikusita, subiranistekin bakarrik egin daitekeela gobernua adierazi du koordinatzaile nagusiak “edo eskuinarekin, edo subiranistekin”.

 

 

 

ALBISTEAK

Argantzongo Udalak osoko bilkuran adierazi du ez dagoela ados Zaragozatik Jundizera tentsio handiko linea bat eraikitzeko proiektuarekin

2021-11-27 10:21:00

Udalerrian zehar, 44 eta 70 metro bitarteko 12 dorre proiektatu dira.

Urkabustaizek ukatu egin du Eusko Jaurlaritzak udalei ingurumen-proiektuak inposatzeko asmoa

2021-11-25 09:58:00

Ingurumen Administrazioari buruzko Legearen artikuluetan sartu nahi diren aldaketen aurkako mozio bat onartu du; ekimen horren bidez, Eusko Jaurlaritzak Goi Mailako Interes Publikoko Proiektu deklaratu ahal izango du, udal-araudiaren gainetik.

Bastidako Udalak osoko bilkuran adierazi du Zaragozatik Jundizera tentsio handiko linea bat eraikitzeko proiektuaren aurka dagoela

2021-11-23 09:30:00

Lautadako Kuadrillak ere baztertu egin du Arabako Lautada zeharkatzen duen goi-tentsioko linea eskualdean inpaktu larriak dituelako.