Gipuzkoa

Esan diezaiogun EZ Zaldunbordari

| 2020-06-02 18:16:00

Bertako komertzioak eta denda txikiak defendatzeko garaia da, benetan tokiko merkataritzaren aldeko politikak burutu nahi baditugu, Zaldunborda bezalako makroproiektuak bertan behera uztea aldarrikatu behar dugu. Izan ere, herrietako komertzioak krisian zeuden, egungo egoeran okerrera egin dute eta makroproiektu honek kinka larrian utziko dituzte.

Kontsumo eredua eraldatu beharra dago, eta horregatik, Zaldunbordako proiektua gelditzeko eskatuko dugu, beste behin, Gipuzkoako Batzar Nagusietan. Bihar egingo den plenoan, gaia landuko da eta Gipuzkoako Aldundiari argi esango diogu, guk merkatari eta dendari txikien alde egingo dugula. 

Ez dugu etsiko Zaldunborda ixteko helburuan.

Markel Olano ahaldun nagusiak udalekin foro iraunkor bat eratzeko asmoaren harira:

| 2020-05-28 12:17:00

Gaur Eudelen batzordea deitu du Markel Olano ahaldun nagusiak eta udalekin foro iraunkor bat eratzeko asmoa duela iragarri du, elkarlanean Covid19aren ondorioei aurre egiteko.

 

EH Bilduren iritziz, berandu dator, dagoeneko Aldundiak udal finantzaketaren erabakia aldebakarrez hartuta daukanean. Baina benetako elkarlanerako baldin bada, ongi-etorria. Badirudi behingoz udalen hitza entzun duela Aldundiak.

 

Hori bai, benetan elkarlanerako borondatea baldin badago eta horretan sinesten badu Aldundiak, aukera berri bat zabaltzen da udal finantzaketaren inguruan hartutako erabakiarekin atzera egin eta adostasunetara iristeko. Hala izatea eskatzen diogu Aldundiari.

ALBISTEAK

Maddalen Iriartek autokritika eskatu dio Urkulluri Osakidetzako langileen osasuna arriskuan jartzeagatik

2020-07-05 21:27:00

Lehendakarigaiak oso larritzat jo du Justizia Auzitegi Nagusiaren epaia, osasun larrialdian Osakidetzak bertako langileak arrisku larrian ipini zituela egiaztatu duelako. Hori urteetako murrizketen ondorio izan dela esan du Iriartek, eta salatu du Urkulluk are murrizketa gehiago egin nahi dituela hala eta guztiz ere.

Maddalen Iriarte: “Gure herria zutik jarri nahi duela dio Urkulluk, zutik Euskadin, belauniko Madrilen”

2020-06-30 21:36:00

Gipuzkoako ekitaldi nagusia Donostian izan da gaur, Arkaitz Rodriguez eta Mertxe Aizpuruarekin.

Iriarte: “Urkulluk Ibarretxe Plana alfonbra azpian ezkutatu du, erabakitzeko eskubidearen etsaiek belarriekin txalo egiten duten bitartean”

2020-06-30 13:32:00

Erabakitzeko eskubidea gauzatzeko oztopo izatea eta hitza ez betetzea egotzi dio Iriartek EAJko hautagaiari, eta burujabetzaren aldeko botoa eskatu du. “Norbaitek uste al du Urkullu eta Mendiaren gobernu batek gure etorkizuna erabakitzeko eskubidea defendatuko duela?”.

Nerea Kortajarena: “EH Bilduk 1.080 euroko gutxieneko pentsioak bermatzeko konpromisoa du”

2020-06-29 19:23:00

Gipuzkoako zerrendakideak euskal instituzioek eskura dituzten tresna guztiak erabiltzeko borondatea erakutsi du miseriazko pentsioak amaitzeko.