Gipuzkoa

Hondartzak dituzten udalei baliabideak indartzeko eskaera irailera atzeratu dute EAJk eta PSEk

Ekaineko azken plenorako gaia urgentziaz lantzeko EH Bilduren eskaera atzera bota dute.

| 2020-06-12 13:15:00

2020ko hondartza denboraldiak hastear dela, Gipuzkoako udalek neurri bereziak hartu behar dituzte Covid 19aren aurkako babesa indartzeko. Aldundiak udalei emandako baliabideak indartzeko eskaera, ordea, irailera arte atzeratu dute gobernuan dauden bi alderdiek, Batzar Nagusietako azken plenoan sartzeko urgentziarik ez baitiote onartu.


EH Bilduren ustez, onartezina da eztabaida sahiestu nahi izatea eta bitartean kostako udalak baliabide eta babesik gabe uztea. Are gehiago, udal horiei foru funtsetik %20ko murrizketa aplikatu dietenean, eurekin ezer adostu gabe. Beharrezko segurtasun neurriak hartzeko baliabide ekonomiko, material eta pertsonal gehiago behar dituzte udalek, baina horretarako ez dute ekarpen gehigarririk jaso Foru Aldunditik, eta hori lehenbailehen bermatzea ezinbestekoa ikusten du EH Bilduk, hondartza denboraldia gain-gainean egonda bertaratzen diren herritarren segurtasuna bermatzea ezinbestekoa delako.


EH Bilduk bere ebazpen-proposamenean eskatzen du indartu ditzala 2020ko Gipuzkoako hondartza denboraldirako udalen esku jarri beharreko baliabide ekonomiko, material eta pertsonalak, udal horiek Covid 19ari aurre egiteko neurri bereziak martxan jartzeko modua izan dezaten. Aurtengo denboraldian nahiz datozenetan Gipuzkoako Hondartzen Lurralde Mahaian sortu daitezkeen kudeaketa arazoei irtenbide adostua eman diezaiela, eta beharrezko lantaldeak atondu ditzala alor horiekin lotutako auziak jorratzeko. Eta azkenik, hemendik aurrera sortuko diren behar berriei erantzuteko zerbitzuak eta bereziki sorospen zerbitzua amankomunatzea aztertuko duen lantaldea abian jar dezala, aukerak aztertu eta proposamenak landu ditzan, etorkizun hurbilean helburu hori lortzeko.


Gaiaren urgentzia ikusita, Osoko bilkuran ez bada ere, modu batera edo bestera gaiari heltzeko eskatzen dio EH Bilduk Aldundiari, uda hasi aurretik.

Gipuzkoan #PREST gaude!

| 2020-06-12 10:08:00

Erronka izugarria daukagu datorren uztailaren 12an. Pandemia egoeran hauteskundeak egingo dira, egoera zaila bada ere, aukera bikaina dugu iraganeko politikak atzean utzi eta herri hau eraldatzeko. Erantzuteko eta erantzukizunak hartzeko garaia da. Ez gaude politikan aldatu ezin diren gauzak onartzeko, politikan onartu ezin diren gauzak aldatzeko gaude.


Herri hau berriz ere ezker subiranistaren balioetatik zume indartsuenekin altxatzeko, indarra erakutsi behar dugu. Aukera paregabea dugu herri honen eraldaketan pertsonak eta haien beharrak erdigunean jartzeko

 

Konfinamendu garaiko 20:00etako txaloak jende guztia zainduko duen politika publiko sendoetan bilakatu behar ditugu, inor atzean utzi gabe.


Lasteketa hau irabaztera goaz, eta noski, gure askatasuna dela aldarrikatzen jarraituko dugu! 


Gipuzkoan #PREST gaude!
 

ALBISTEAK

Maddalen Iriartek autokritika eskatu dio Urkulluri Osakidetzako langileen osasuna arriskuan jartzeagatik

2020-07-05 21:27:00

Lehendakarigaiak oso larritzat jo du Justizia Auzitegi Nagusiaren epaia, osasun larrialdian Osakidetzak bertako langileak arrisku larrian ipini zituela egiaztatu duelako. Hori urteetako murrizketen ondorio izan dela esan du Iriartek, eta salatu du Urkulluk are murrizketa gehiago egin nahi dituela hala eta guztiz ere.

Maddalen Iriarte: “Gure herria zutik jarri nahi duela dio Urkulluk, zutik Euskadin, belauniko Madrilen”

2020-06-30 21:36:00

Gipuzkoako ekitaldi nagusia Donostian izan da gaur, Arkaitz Rodriguez eta Mertxe Aizpuruarekin.

Iriarte: “Urkulluk Ibarretxe Plana alfonbra azpian ezkutatu du, erabakitzeko eskubidearen etsaiek belarriekin txalo egiten duten bitartean”

2020-06-30 13:32:00

Erabakitzeko eskubidea gauzatzeko oztopo izatea eta hitza ez betetzea egotzi dio Iriartek EAJko hautagaiari, eta burujabetzaren aldeko botoa eskatu du. “Norbaitek uste al du Urkullu eta Mendiaren gobernu batek gure etorkizuna erabakitzeko eskubidea defendatuko duela?”.

Nerea Kortajarena: “EH Bilduk 1.080 euroko gutxieneko pentsioak bermatzeko konpromisoa du”

2020-06-29 19:23:00

Gipuzkoako zerrendakideak euskal instituzioek eskura dituzten tresna guztiak erabiltzeko borondatea erakutsi du miseriazko pentsioak amaitzeko.