Gipuzkoa

EH Bilduk, EAJ-k eta Elkarrekin Gipuzkoak adinekoak diren eta gaixo dauden presoak espetxetik ateratzeko ebazpena onartu dute

| 2020-06-15 17:04:00

Gipuzkoako Batzar Nagusietako Giza Eskubideen Batzordean, EH Bilduren, EAJ-ren eta Elkarrekin Gipuzkoaren botoen bidez, adinekoak diren eta gaixo dauden presoak etxeratzeko ebazpena onartu da. Horrela, Gipuzkoako Batzar Nagusiek hurrengo konpromisoak hartzen dituzte:

- Gipuzkoako Batzar Nagusiek Espainiako Gobernuari eskatzen diote, bere ahalmenak erabiliz, ordenamendu juridikoaren barruan eta nazioarteko erakundeen gomendioei jarraituz, presoak espetxetik ateratzeko neurri egokiak har ditzala, bereziki COVID-19ren aurrean kalte-beratasun berezia dutenak, zehazki, pandemia kutsatzearen aurrean arrisku-taldeak osatzeagatik 65 urtetik gorako adinagatik aurretiko patologia serioak, kronikoak edo larriagotuak dituztenak.

- Gipuzkoako Batzar Nagusiek Espainiako Gobernuari eskatzen diote, neurriak har ditzala, delituaren tipologia edo larritasunetik eratorritako inolako salbuespenik gabe, zigorraren hiru laurdenak bete dituzten presoak espetxetik ateratzeko, berrerortzeko arrisku handirik ez dutenak edo/eta gizarteratzearen aldeko pronostikoa dutenak, familia-baliabideekin edo hurbileko gizarte-inguruneko baliabideekin, konfinamendua gizartearen baldintza berberetan egiteko.

- Gipuzkoako Batzar Nagusiek Espainiako Gobernuari eskatzen diote, Osasun, Justizia eta Herrizaingo sailen arteko koordinazioa bermatu dezala, babes-neurriak orokortzeko, prebentzio sintomak aztertzeko eta espetxean dauden pertsonen diagnostiko azkarra egiteko. Berehala sare publikoko ospitaleetara bideratuko dira COVID-19 gaixotasunagatik positibo ematen duten edo sintomak dituzten pertsonak.

- Gipuzkoako Batzar Nagusiek Espainiako Gobernuari eskatzen diote osasun-krisiak irauten duen bitartean berma dezala presoei informazioa emateko eskubidea, pandemiaren garapenari eta hartutako neurriei buruzko ezagutza eguneratua eta eskuragarria eskainiz, bereziki espetxeen barruan, birusaren hedapena prebenitzeko eta geldiarazteko. Era berean, presoen eta senideen arteko zeharkako komunikazioa hedatu behar da, telefono-deien doakotasunarekin, eta bideo-deien erabilera zabalduz gaixotasun edo familia-larrialdiagatik ezarritako egungo murrizketetatik harago.

- Gipuzkoako Batzar Nagusiek Espainiako Gobernuari eskatzen diote, Pandemia piztu aurreko normalizazioaren bila deseskalada hasten denean, kontuan har ditzala askatasunik gabe dauden pertsonak, eta arindu daitezela presoek beren familiekin eta abokatuekin zuzeneko komunikazioei berrekiteko erabakiak. Ildo horretan, beharrezko urratsak eman behar dira hala eskatzen duten presoak, euren etxeetatik gertu dauden espetxeetara hurbiltzeko. Ez bakarrik bere eskubidea delako, baizik eta presoen komunikazioak normalizatzeko eragozpen erantsi bat delako. Presoak beren familiengana geografikoki hurbiltzea; horretarako, beharrezkoa da beste garraio-mota batzuen antzeko higiene- eta segurtasun-neurriak dituzten garraiobideak berreskuratzea. Hurbilketa hasi beharko litzateke etxetik urrunen dauden presoekin eta seme-alaba adingabeen gurasoekin.

Ondorengo dokumentuan jatorrizko ebazpen-proposamena ikus dezakezu.

 

EAEko Auzitegi Nagusiaren sententzia berri batek baliorik gabe utzi du Zaldunbordako megaoutleta egin ahal izateko Hondarribiko Udalak egindako hirigintza plana

| 2020-06-12 18:03:00

Hondarribiko Hiri Antolamenduko Plan Orokorra baliorik gabe utzi du EAEko Auzitegi Nagusiak. Plan Orokor hori Zaldunbordako megaoutleta egin ahal izateko aldatu zuen Hondarribiko Udalak preseski.


EH Bilduren iritziz, albiste ona da sententzia hori, batez ere, eskualde horretako merkatari eta dendari txikien biziraupenerako. Horregatik, Hondarribian eta gainerako erakundeetan ardura politikoa duten guztiei eskatzen diegu Zaldunbordako obsesio hori behingoz alboratzeko eta sententzia ez errekurritzeko.


EH Bilduk sarri eskatu du Zaldunbordako proiektua gelditzeko. Azken aldiz pasa den astean bertan, Batzar Nagusietako Osoko Bilkuran, eta eskaerarekin bat egin zuten Elkarrekin Gipuzkoak eta PP alderdiak ere. Gasteizko legebiltzarreko aho batez onartutako legeari burla egin izana salatu zuen Juan Karlos Izagirre bozeramaileak, gogora ekarriz legea onartu bezperan eman ziola Hondarribiako alkateak hasierako onespena proiektuari, legetik salbuetsita gera zedin. “Hasita gaude erabakiak hartzen, epe motzean laguntzeko: autonomoak, dendariak, komertzio eta tailer txikiak, bertako komertzioaren aldeko kanpainak, bono-dendak, diru-laguntzak, ordainketa fiskala egiteko atzerapenak… Baina zertarako balio du honek guztiak, aldi berean, kalte neurtezina
egingo dien Zaldunborda bezalako proiektu bat onartzen badugu?”, adierazi zuen.


Gainera pandemiak iraun duen bitartean, proiektuak aurrera egin du. Zuhaitz-mozketak eta lurmugimenduak egin dira baimenik gabe, Udalak albo batera begiratzen zuen bitartean.

ALBISTEAK

Maddalen Iriartek autokritika eskatu dio Urkulluri Osakidetzako langileen osasuna arriskuan jartzeagatik

2020-07-05 21:27:00

Lehendakarigaiak oso larritzat jo du Justizia Auzitegi Nagusiaren epaia, osasun larrialdian Osakidetzak bertako langileak arrisku larrian ipini zituela egiaztatu duelako. Hori urteetako murrizketen ondorio izan dela esan du Iriartek, eta salatu du Urkulluk are murrizketa gehiago egin nahi dituela hala eta guztiz ere.

Maddalen Iriarte: “Gure herria zutik jarri nahi duela dio Urkulluk, zutik Euskadin, belauniko Madrilen”

2020-06-30 21:36:00

Gipuzkoako ekitaldi nagusia Donostian izan da gaur, Arkaitz Rodriguez eta Mertxe Aizpuruarekin.

Iriarte: “Urkulluk Ibarretxe Plana alfonbra azpian ezkutatu du, erabakitzeko eskubidearen etsaiek belarriekin txalo egiten duten bitartean”

2020-06-30 13:32:00

Erabakitzeko eskubidea gauzatzeko oztopo izatea eta hitza ez betetzea egotzi dio Iriartek EAJko hautagaiari, eta burujabetzaren aldeko botoa eskatu du. “Norbaitek uste al du Urkullu eta Mendiaren gobernu batek gure etorkizuna erabakitzeko eskubidea defendatuko duela?”.

Nerea Kortajarena: “EH Bilduk 1.080 euroko gutxieneko pentsioak bermatzeko konpromisoa du”

2020-06-29 19:23:00

Gipuzkoako zerrendakideak euskal instituzioek eskura dituzten tresna guztiak erabiltzeko borondatea erakutsi du miseriazko pentsioak amaitzeko.