Legebiltzarra

EH Bilduk saltoki handiak zergapetzeko legea proposatu du, ingurumenean duten inpaktuagatik

Iker Casanovak merkataritza txikiaren aldeko estrategiaren baitan kokatu du proposamena. Azaldu duenez, saltoki handiek okupatzen dituzten metro karratuen arabera ordainduko lukete eta, hala, Administrazioak 12 milioi euro inguru jasoko lituzke urtero zerga berri horren bitartez.

| 2020-01-29 15:55:00

EH Bilduk saltoki handien gaineko zerga sortzea proposatu du gaur Legebiltzarrean lege proposamen baten bitartez, merkataritza-gune handiek ingurumenean egiten duten inpaktua konpentsatze aldera. Iker Casanovak azaldu duenez, saltoki handiek nabarmen eragiten dute ingurumenean zein lurralde antolaketan; batetik, lurzoru handiak okupatzen dituztelako, bestelako erabilera posibleak eragotziz; bestetik, trafikoa (auto pribatua nagusiki) areagotzen dutelako eta, horrela, aldaketa klimatikoa larriagotzen duten karbono isuriak ere bai. EH Bilduko legebiltzarkidearen iritziz, “bistakoa da fiskalitate berdean urrats bat eman behar dela”.
Zehazki, EH Bilduk proposatzen duen zergarekin saltoki handiek gehiago edo gutxiago ordaindu beharko lukete okupatzen duten superfiziearen arabera, 15 euro metro karratuko, hain justu. Hala, Jaurlaritzaren datuen arabera, saltoki handiek Araba, Bizkaia eta Gipuzkoan 800.000 metro karratu okupatzen dituztenez, Administrazioak 12 milioi euro inguru jasoko lituzke urtean, oso kopuru esanguratsua, asko hurbiltzen delako Jaurlaritzak merkataritza txikia sustatzera bideratzen dituen 17 milioietara.
Zerga hori sortzeko lege proposamenak berme juridiko guztiak dituela azpimarratu du Casanovak, horrelako zerga bat indarrean baitago jada Nafarroan, Katalunian eta Asturiasen. “Beraz, hemen ere aplikatzeko borondate politikoa baino ez da behar”.
Legebiltzarkideak merkataritza txikiaren aldeko EH Bilduren estrategia orokorraren baitan kokatu du gaur aurkeztutako proposamena, merkataritzak berez duen garrantzia eta merkataritza txikiaren balio erantsia aintzat hartuta. Helburua, labur esanda, saltoki handiekin lehiatzerakoan dendari txikiek dituzten desabantailak desagerraraztea. Izan ere, “merkatari txikiek zerga pilo bati egin behar diete aurre eta saltoki handien gaineko zama ez da hain handia; abantaila hori ez da bidezkoa eta ezabatu behar da merkataritza txikiaren, elektronikoaren eta saltoki handien arteko bizikidetza berdintasun baldintzetan eman dadin”.
 

Euskarari eraso eginez, Euskal Herriaren aurka jotzen ari direla ondo dakite Vox eta PPk

EH Bilduk azpimarratu du euskararen erabilera arautzen duen dekretuak euskaldunen zein erdaldunen hizkuntza eskubideak bermatzen dituela.

| 2020-01-22 18:55:00

EH Bilduk gogor kritikatu ditu Vox eta PP alderdiek udal eta tokiko erakundeetan barne eta kanpo harremanetan bi hizkuntza ofizialen erabilera arautzen duen Jaurlaritzaren dekretuaren aurka iragarritako helegiteak. Rebeka Uberak gogora ekarri du dekretua EAJ eta EH Bilduk adostutako Udal Legearen garapena dela eta, azpimarratu duenez, “herritar ororen hizkuntza eskubideak, euskaldunenak zein erdaldunenak, bermatzera eta, are gehiago, segurtasun juridikoa ematera dator”.
Uberak “euskararen aurkako eraso zuzen” gisa hartu ditu Vox eta PPren helegiteak eta, horren ildotik, erantsi du “batak zein besteak oso argi dutela non jo Euskal Herriaren aurka, alegia, hizkuntzan, kulturan eta gure burua gobernatzeko dugun eskumenetan”. Oinarrian, salatu du, “euskararen kontrako eraso hau gizarte eta herri bezala gure burua gobernatzeko eta gure erakundeak antolatzeko dugun gaitasunaren eta eskumenen kontrako erasoa ere bada, beste bat, eta horren atzean funtsean dagoena birzentralizazio prozesuan sakontzeko alderdi horien asmoa baino ez da”.
 

ALBISTEAK

Larria eta onartezina da EITB EAJ eta Confebasken interes partikularren zerbitzura jartzea

2020-03-31 19:15:00

Hedabide publikoek beti bermatu behar dituzten neutraltasun ideologikoa eta objektibotasuna urratzea egotzi die EH Bilduk EITBko arduradunei. EAJri ez zaio EITBren irudia kaltetzea axola, haren instrumentalizazioari etekin politikoa ateratzen badio.

Larrialdi egoera honetan Legebiltzarrak bere izaera berreskuratu behar du proposamenak bideratu eta Jaurlaritzaren gaineko kontrola bermatzeko

2020-03-27 19:19:00

EH Bilduk salatu duenez, “EAJ eta PSE demokrazia batean ezinbestekoa den kontrol parlamentarioa ekidin nahian dabiltza oposizioaren ekimen politikoa galarazteko eta Urkulluren Gobernua blindatzeko”.

EH Bilduk ohartarazi du Zaldibarren kutsatzaile arriskutsuak isurtzen ari direla uretara, urtean batez beste onartutakoa baino askoz gehiago

2020-02-26 15:07:00

Uraren Euskal Agentziak eginiko analisiek erakusten dute beruna, kadmioa eta zianuroa bezalako gai toxikoen isurketen parametroak benetan txarrak direla. “Datuak ikusita, lehentasunezkoa da Deba ibaiaren arro osoan neurriak hartzea kutsadura saihesteko”, azpimarratu du Mikel Oterok.

EAJk nahita blokeatu du euskara doan ikasteko legea eta orain propaganda eta elektoralismoari ekin dio

2020-02-12 14:00:00

“Guztiz lotsagarria da EAJ ateratzea euskara doan ikasteko eskubidearen berme gisa, 2018az geroztik EH Bilduren lege proposamena etengabe oztopatu ostean. EAJk ez ditu helburu ez euskara ez gizartea, gainetik bere interes alderdikoiak jartzen ditu beti”.