Legebiltzarra

Mahaia banatzeko EAJ, PSE eta Podemosen arteko akordioak interes alderdikoiak lehenetsi ditu, proportzionaltasuna baino

EH Bilduren iritziz, Legebiltzarreko lehen presidenteordetza PSEri ematea ez dator bat herritarrek bozkatu dutenarekin. “Gu ez gaude aulkiak banatzeko eduki politikorik gabeko estrategia huts batean eta ez gara horretan katramilatuko. Hori ezin da garrantzitsuena izan krisi larri bati aurre egin behar diogun honetan”.

| 2020-08-03 13:11:00

EH Bilduk desadostasuna adierazi du EAJ, PSE eta Podemosek Legebiltzarreko Mahaia banatzeko egin duten akordioarekin, ez diolako Araba, Bizkai eta Gipuzkoako herritarrek uztaileko hauteskundeetan esan zutenari erantzuten. Nerea Kortajarena EH Bildu taldeko koordinatzaileak azaldu duenez, Parlamentuko lehen, hirugarren eta laugarren indarrak akordio batera iritsi dira “ez eduki politikoen baitan, interes alderdikoien baitan baizik; aniztasuna eta proportzionaltasuna aldarrikatu dituzte egin dutena justifikatzeko, baina bistakoa da gaurko bozketaren emaitza ez dela printzipio horietan oinarritzen”. Izan ere, “ez da proportzionala lehen presidenteordetza PSEri ematea, PSE hirugarren indar politikoa denean, EH Bilduren botoen erdia baino gutxiagorekin”. Horren ondorioz, Eba Blanco bigarren presidenteorde atera da.
Kortajarenak gogora ekarri du hauteskundeetako emaitzak errespetatuz gero, EH Bilduri bi eserleku egokitzen zitzaizkiola Mahaian, baina, erantsi duenez, “gu Mahaia beste alderdiei ere irekitzeko prest egon gara hasieratik, betiere akordio politiko baten baitan; gu ez gaude, eta ez gara egongo, aulkiak banatzeko estrategia huts batean, eduki politikorik gabeko banaketa soil batean. Tamalez, adostasun politiko hori ezinezkoa izan da; horregatik ez dugu EAJ, PSE eta Podemosekin bat egin”.
EH Bilduko legebiltzarkideak azaldu du koalizioa ez dela “aulkiak banatzeko joko batean sartuko, ez eta horrelako eztabaidetan katramilatuko”. Haren esanetan, “ez da hori euskal gizarteak behar duena, egoera oso larria baita horrelako kontuekin denbora galtzeko, eta horregatik ez dugu hautagaitzarik aurkeztu idazkari posturako. Postu batzuen banaketa ezin da garrantzitsuena izan, are gutxiago krisi sanitario, ekonomiko eta sozial bati aurre egin behar diogunean. Egoera oso larria da eta eskatzen du guztiok gure interes partikularrak alde batera uztea eta irtenbide partekatuak bilatzea, elkarlanean. Horrekin koherentzian jokatu dugu gaur. Asmo horrekin helduko diogu legealdiari eta zentzu horretan lan egingo dugu gaurkoaren ostean ere”.
 

Urkulluk adostutako defizit muga ez da nahikoa murrizketak saihesteko, ohartarazi du EH Bilduk

%2,6ko muga oso urrun dago Lakuak planteatutako %3,5etik eta, zerga politika aldatu ezean, murrizketak ekarriko ditu. Ez da onargarria Madrili baimena eskatu behar izatea herri honek behar dituen neurriak hartu ahal izateko; menpekotasunetik burujabetzara salto egin beharra dugu.

| 2020-07-31 16:51:00

Duela egun batzuk Jaurlaritzak defizit muga %3,5era igotzea eskatu bazuen ere, ez da hori Urkulluk Pedro Sanchez presidente espainolarekin adostu duen igoera, %2,6koa baizik, Nafarroako baino hiru hamarren altuagoa bakarrik. EH Bilduren iritziz, bistakoa da Urkulluk adostutakoa oso urrun dagoela bere gobernuak berak planteatutako portzentajetik eta ez dela nahikoa izango pandemiak Araba, Bizkai eta Gipuzkoako ekonomiari emandako astindua konpentsatzeko.

Koronabirusak eragindako beherakada ekonomikoaren ostean defizit muga %2,6ra igota Jaurlaritzak eskuratuko dituen baliabide ekonomikoak ez dira berez nahiko izango diru-sarrerak orekatzeko eta argi dago zein izango den ondorioa: murrizketa gehiago. Egoerak diru-sarrerei buruzko eztabaida integrala eskatzen du. Lehenik eta behin, zerga politika berri bat, baliabideen nahikotasuna bermatzeko eta, hala, murrizketen arriskua desaktibatzeko; gero, zorpetze politika eta Europako funtsen erabilera adostea, bai eta AHT bezalako azpiegitura handien luzapen bat ere.

EH Bilduren ustez, defizit mugaren negoziazioak ezin hobeto islatu du Estatu espainolarekiko menpekotasun harremana, aldebikotasun faltsua, eta agerian utzi du berriz ere herri honek menpekotasunetik burujabetzara salto egin beharra duela. Ezinbestekoa da alternatiba politikoa eraikitzea norabide horretan, herri honek gaitasuna eta heldutasuna duelako defizit mugarena bezalako erabakiak baimena inori eskatu gabe hartzeko, bere baldintza eta baliabide ekonomikoen arabera. Hori hala egiten ez dugun bitartean, ezinezkoa izango da herritarren beharrei ahalik eta erantzunik onena ematea, horren gainetik Madrilek inposatutako mugak egongo direlako.

ALBISTEAK

Urkulluk adostutako defizit muga ez da nahikoa murrizketak saihesteko, ohartarazi du EH Bilduk

2020-07-31 16:51:00

%2,6ko muga oso urrun dago Lakuak planteatutako %3,5etik eta, zerga politika aldatu ezean, murrizketak ekarriko ditu. Ez da onargarria Madrili baimena eskatu behar izatea herri honek behar dituen neurriak hartu ahal izateko; menpekotasunetik burujabetzara salto egin beharra dugu.

Ratioak 15 ikaslera jaistea eta 10.000 irakasle gehiago kontratatzea, EH Bilduren proposamena ikasturte berrirako

2020-07-29 15:21:00

EH Bilduren iritziz, salbuespen neurriak behar dira ikastetxeetan osasun eta segurtasun baldintzak bermatzeko. Proposamen irekia da, Hezkuntza Sailak eta sektoreko eragileek negoziatu beharrekoa. Arduragabekeria da ikasturtea ohi legez hastea, Uriarte sailburuak planteatu bezala.

Estatuaren indarkeriaren biktimak diskriminatu ditu berriro ere Jaurlaritzak

2020-07-28 21:20:00

AVT, Covite eta Vitepaz elkarteetan bildutako ETAren biktimek laguntzak jasoko dituzte pandemiak eragindako arazoak arintzeko; ez, ordea, Estatu terrorismoaren biktimek. “Koronabirusak gehiago eragin die ETAren biktimei GALen biktimei baino, ala?”, galdetu du Julen Arzuagak.

Murrizketa gehiago prestatzen ari den EAJ-PSE aliantzaren aurrean EH Bilduk ezkerretik alternatiba egon badagoela dio

2020-07-27 12:54:00

EH Bildu talde parlamentarioa akreditatu da gaur Legebiltzarrean. Eskuinak lan eta bizi baldintzak murriztea aukera bakarra dela sinestarazi nahi duela ohartarazi du Maddalen Iriartek. Koalizioaren lehentasuna zehaztu du: “Krisia ezin dute betikoek ordaindu, krisialditik inor atzean utzi gabe atera behar dugu”