Legebiltzarra

Otegi: “Igandeko hauteskundeetan hautatu beharko da, edo EH Bildu edo eskuin espainolak”

EH Bilduko koordinatzaile nagusiak azpimarratu du Altsasun koalizioa indarrez sartu dela kanpainaren azken txanpan, aukerarik eraginkorrena delako trifatxitoari aurre egiteko eta haren asmoak bertan behera uzteko.

| 2019-04-23 19:54:00

~~Kanpainak aurrera egin ahala gauzak gero eta argiago daude, Arnaldo Otegiren iritziz. Gaur arratsaldean Altsasun esan duenez, datorren igandean hautu argia da EAEn zein Nafarroan egin beharrekoa: “edo EH Bildu edo eskuin espainolak, horixe da jokoan dagoen partida”. Batetik, inboluzio demokratikoa eta oinarrizko eskubide eta askatasunak murriztea dakarren trifatxitoa; bestetik, aurrez aurre, ezkerreko subiranismoa, autodeterminazioaren eta justizia sozialaren bidean aurrera egitea proposatzen duena, hain zuzen ere. “Nafarroan, gainera, Bel Pozuetaren hautagaitza hautu politiko bat baino gehiago da, Bel Pozuetaren hautagaitza politikatik harago doa, injustiziaren aurkako borroka eta duintasuna ordezkatzen duelako. Belek Euskal Herriko gazte eta guraso guztiak ordezkatzen ditu; horregatik, boto bat ere ezin da alferrik galdu, EH Bilduk diputatua ateratzea trifatxitoari kentzea delako”.
EH Bildu indartsu sartu da kanpainaren azken txanpan, esan du koordinatzaile nagusiak. “Aberri Egunean argi geratu zen Iruñean, milaka lagun bat eginda, eta telebistako eztabaidan ere erdigunean kokatu gaituzte, gauzak ondo egiten ari garen eta gure diagnostiko politikoa zuzena den seinale”. Horren ildotik adierazi duenez, “EH Bilduk aliantza politikoak zabaltzeko gaitasuna izan du eta, hauteskunde hauetatik kanpo nahi gintuzten arren, gezur eta iseken gainetik proposamenak egiten ari gara eta benetako alternatiba bilakatu gara eskuin espainolen trifatxitoari aurre egiteko eta egungo egoera politikoa eraldatzeko. Gainerako alderdien aldetik inork ezin du aldaketarik espero, eroso daudelako egungo statu quo egoeran”.
Bel Pozueta: “Riveraren eskutik, UPNk nabarrismoa alde batera utzi du”
Otegik bezala, Kongresurako Nafarroako zerrendaburuak ere atzo gaueko eztabaida izan du hizpide, eta salatu du “nola berriz ere Altsasu iraintzeko erabili zuten Riverak eta Casadok eta nola emakumeak ahotsik gabe utzi gintuzten”. Horri jarraituz, Bel Pozuetak ohartarazi du Ciudadanoseko buruzagi eta UPNren aliatu Albert Rivera argi mintzatu zela autonomiak murriztearen eta birzentralizazioaren alde, eta ondorioztatu du UPNk, Ciudadanosekin bat eginik, nabarrismoa bazter utzi duela. “Eskuinek Nafarroako autogobernua bertan behera utzi eta gobernadore zibilen garaira itzuli nahi dute eta, horretarako, ez zaie axola Europako alderdirik ustelenarekin, eskuin muturrarekin eta betiko frankistekin bat egitea”. Mehatxu horren aurrean, Pozuetak bermatu du “Nafarroa nafarrok nahi duguna izango dela, guztion artean erabakitzen duguna”, eta horretarako eskatu du botoa, “aldaketak, feminismoak eta justizia aldarrikatu duen Nafarroak ahotsa izan dezan Kongresuan”.
 

“Euskal presoak etxera ekartzeko ere bagoaz Madrilera”, diote Olanok eta Etxeandiak

ETAk bere jarduna bukatutzat eman zuenetik ia zortzi urte joan direnean mendekuan oinarritutako espetxe politika mantentzea anomalia demokratikotzat jo dute Martutenen Olano eta Etxeandia hautagaiek.

| 2019-04-23 17:54:00

EH Bilduk Martuteneko kartzelako ateetaraino eraman du gaur goizean hauteskunde kanpaina, “mendekuan oinarritutako espetxe politika” salatzeko eta Madrilera “euskal presoak etxera ekartzeko ere” joango dela azpimarratzeko, Juan Mari Olano Kongresurako Gipuzkoako hautagaiak eta Txusa Etxeandia Bizkaikoak adierazi dutenez. Biek azaldu dute Estatu espainoleko ezkerreko subiranistekin lotutako akordioaren baitan zehaztutako helburuen artean “preso politikorik gabeko euskal jendartea eraikitzea” dagoela, eta ziur agertu dira hurrengo legealdian EH Bilduk Madrilen izango duen izaera erabakigarriak aukera emango duela norabide horretan urrats tinkoak emateko, “euskal presoak etxera ekartzeko ere bagoazelako Madrilera”, erantsi dutenez.

Kongresurako hautagaiek nabarmendu dute ETAren jarduna duela ia zortzi urte desagertu zela eta, horri jarraiki, “anomalia demokratikotzat” jo dute oraindik “preso politikoak izatea eta mendekuan oinarritutako espetxe politika mantentzea”. Salatu dutenez, “presoei salbuespeneko neurriak ezartzen dizkiete eta presoen senideei eta lagunei zigor bikoitza ezarri eta urtean milaka kilometro egitera behartzen dituzte”, Olanok zein Etxeandiak “lehen eskutik ezagutzen duten errealitate krudela”. Euren iritziz, “inboluzio antidemokratikoaren haizeak gogor jotzen ari dira Espainiako Estatuan, baina espetxe politikak erakusten du Estatu espainola anomalia demokratikoan bizi dela etengabean”.

<span style="font-family:; font-size: 10pt;" mso-ansi-language:es;mso-fareast-language:es;mso-bidi-language:ar-sa"="" roman";="" new="" calibri;mso-fareast-theme-font:minor-latin;mso-bidi-font-family:"times="">Hauteskundeetatik EH Bildu indartsu ateratzearen garrantzia azpimarratu dute hautagaiek, koalizioa erabakigarria izateak “preso politikorik gabeko Euskal Herria eraikitzeko bidean aurrera egitea” ahalbidetuko duelakoan. Izan ere, “gure herriko gehiengo politikoak eta sozialak makina bat aldiz adierazi du elkarbizitza demokratikoan bidea egiteko nahia”, nahiz eta “Estatuak oztopoak baino ez dizkion jarri herri honen gehiengoaren borondate horri eta mendekuan oinarritutako espetxe politikarekin jarraitzea nahiago izan duen”.

ALBISTEAK

Larria eta onartezina da EITB EAJ eta Confebasken interes partikularren zerbitzura jartzea

2020-03-31 19:15:00

Hedabide publikoek beti bermatu behar dituzten neutraltasun ideologikoa eta objektibotasuna urratzea egotzi die EH Bilduk EITBko arduradunei. EAJri ez zaio EITBren irudia kaltetzea axola, haren instrumentalizazioari etekin politikoa ateratzen badio.

Larrialdi egoera honetan Legebiltzarrak bere izaera berreskuratu behar du proposamenak bideratu eta Jaurlaritzaren gaineko kontrola bermatzeko

2020-03-27 19:19:00

EH Bilduk salatu duenez, “EAJ eta PSE demokrazia batean ezinbestekoa den kontrol parlamentarioa ekidin nahian dabiltza oposizioaren ekimen politikoa galarazteko eta Urkulluren Gobernua blindatzeko”.

EH Bilduk ohartarazi du Zaldibarren kutsatzaile arriskutsuak isurtzen ari direla uretara, urtean batez beste onartutakoa baino askoz gehiago

2020-02-26 15:07:00

Uraren Euskal Agentziak eginiko analisiek erakusten dute beruna, kadmioa eta zianuroa bezalako gai toxikoen isurketen parametroak benetan txarrak direla. “Datuak ikusita, lehentasunezkoa da Deba ibaiaren arro osoan neurriak hartzea kutsadura saihesteko”, azpimarratu du Mikel Oterok.

EAJk nahita blokeatu du euskara doan ikasteko legea eta orain propaganda eta elektoralismoari ekin dio

2020-02-12 14:00:00

“Guztiz lotsagarria da EAJ ateratzea euskara doan ikasteko eskubidearen berme gisa, 2018az geroztik EH Bilduren lege proposamena etengabe oztopatu ostean. EAJk ez ditu helburu ez euskara ez gizartea, gainetik bere interes alderdikoiak jartzen ditu beti”.