Legebiltzarra

EH Bilduk proposatu eta Legebiltzarra Glovo, Uber eta Deliveroo bezalako enpresen kontra agertu da, prekarizazioa areagotzeagatik

Josu Estarrona legebiltzarkideak salatu ditu ekonomiaren ‘uberizazioak’ eragiten dituen lan prekarizazioa eta iruzur formak, eta adierazi du “herri duin batean ezin dugula onartu XXI. mendeko esklabutza formak”

| 2019-12-12 15:14:00

EH Bilduren proposamen bat aintzat hartuta, Legebiltzarrak –EH Bildu, EAJ, PSE eta Elkarrekin Podemosen aldeko botoekin -  bere aurkakotasuna adierazi dio delivery sektoreko banaketa-enpresei (Glovo, Deliveroo, Uber…), “langileak prekarizatuz, lan-arloko enpresa-betebeharrak saihestera bideratutako iruzurrezko moduak” erabiltzen dituztelako.
Josu Estarrona legebiltzarkideak ekimenen horren garrantzia azpimarratu du, lehen aldia baita euskal gizarteak mota honetako enpresek duten eragin kaltegarria aitortzen duela. Hala eta guztiz ere, oraindik aurrera pauso gehiago eman behar direla azpimarratu du, “legearen margenetan mugitzen diren enpresa horiei mugak jartzeko” eta “langileen oinarrizko eskubideak errespetatzeko”.
EH Bilduko ordezkariak salatu duenez, “prekarietatearen eredu honek baditu bere biktima perfektuak, kolektibo zaurgarrienak eta, horien artean, gazteak. Akademikoki hobekien prestatutako belaunaldia izanagatik ere, merkatuak irauteko behar duten bekadunak dira”. Ez dira biktima bakarrak. Estarronak iraupen luzeko langabetuak eta migranteak ere aipatu ditu. “Herri duin batean, ezin dugu onartu XXI. mendeko esklabutza forma hauek”.
Enpresa eredu horiei aurkakotasuna adierazteaz gain, Legebiltzarrak Lan Ikuskaritzari eskatu dio Gizarte Segurantzako alten, bajen edo iruzurren kontrola egitea, eta “langile autonomo faltsu gisa kontratatzen dituzten plataforma digital deiturikoak jazartzea eta zigortzea”. Era berean, ekonomiaren “uberizazioaren” kelteei gaineko ikerketak eta kanpainak eskatu ditu.
 

EH Bilduk soldata igoera sustatu du ikertzaile bekadunentzat, aurrekontu-akordioan jasotakoa baino askoz handiagoa

EH Bilduren ekimenez, Legebiltzarrak 2020an 2013ko soldata maila berreskuratzeko eskatu dio Jaurlaritzari, %7-9ko igoerak, eta kasu batzuetan %40koa, ekarriko dituena. Gobernu eta Podemosen arteko akordioak ez du inolako igoerarik aurreikusten datorren urterako.

| 2019-12-12 15:02:00

EH Bilduren proposamen bat aintzat hartuta, Legebiltzarrak agindu zehatza eman dio Jaurlaritzari, alegia, EHUko doktoratu aurreko programako soldatak ezartzen dituen Hezkuntza Sailaren agindua berehala aldatu dezala, ikertzaile bekadunek “2013tik indarrean dauden murrizketen ondorioz galdutako eroste-ahalmena berreskura dezaten”. Praktikan, horrek esan nahi du 2020an ikertzaile horien soldata %7tik 9ra igoko dela eta kasu batzuetan, atzerrian aritzen diren ikertzaileen kasuan zehazki, igoera %40raino iritsiko dela. EH Bilduren proposamena atzo arratsaldean, azken orduan, onartu zen Enplegu, Gizarte Politika eta Gazteria Batzordean Podemos eta PPren botoekin. EAJ eta PSE, aldiz, kontra agertu ziren.
Nerea Kortajarenak azpimarratu duenez, EH Bilduk EHUko ikertzaile bekadunentzat sustatutako soldata igoera Gobernuaren eta Podemosen arteko aurrekontu-akordioan aurreikusitakoa baino askoz handiagoa da. Izan ere, euren negoziazioan ez dute inolako igoerarik planteatu 2020rako, eta 2021erako aurreikusten dutena %5ekoa baino ez da.
Kortajarenak gogora ekarri du Lanbidek argitaratu berri duela txosten bat, non ohartarazten duen tituludun berrien soldatak oraindik krisiaren aurretiko soldaten azpitik daudela. Horren haritik, EH Bilduko legebiltzarkideak “neurri batean egoera horren erruduna izatea” egotzi dio Jaurlaritzari, “EHUko ikertzaile bekadun gehien-gehienak tituludun berriak direlako” eta, horri jarraituz, 2013ko murrizketak bertan behera uzteak duen garrantzia azpimarratu du, “Gobernuaren menpeko pertsonal ikertzailearen soldatak hobetzeak EHU, Deustu eta Mondragon Unibertsitatearen deialdietan berdin egitea ekarriko duelako halabeharrez”.
 

ALBISTEAK

EH Bilduk Diputazio Iraunkorra deitzea galdegin du Mozal Digitalaren aurka jotzeko epeak premiaz aritzea eskatzen duelako

2020-01-10 14:31:00

Josu Estarronak gogorarazi du otsailaren 5ean amaituko dela epea Lakuak Gobernu espainolaren lege-dekretuaren aurkako bide legala jorratzeko. “Ezinbestekoa da, beraz, Legebiltzarra premiaz biltzea, dekretu horrek era onartezinean jotzen duelako funtsezko askatasun eta eskubideen kontra”.

EH Bilduk adituen agerraldiak publikoak izan daitezela eskatu du Autogobernuari buruzko Ponentzian

2020-01-10 14:29:00

Jokoan dagoena Araba, Bizkai eta Gipuzkoako herritar guztien etorkizuna da eta horrek gardentasuna eskatzen du. Ez du zentzurik Estatus Politiko Berriaren lanketan aritu diren adituek Legebiltzarrean eman beharreko azalpenak ia sekretuak izatea.

EAJ eta PSEk uko egin diote ustelkeriaren kontrako neurriak Diputazio Iraunkorrean eztabaidatzeari premia ez duelakoan

2019-12-27 15:51:00

EH Bilduk Legebiltzarreko Diputazio Iraunkorra deitzeko eskatu du De Miguel auziak azaleratu dituen sistema eta ustelkeriaren kontrako neurriak berehala hartzeko, baina EAJ eta PSEk eskari hori blokeatu dute.

Alokairuen prezioa mugatzeari ezezkoa emanda, Lakuak ontzat jo du espekulazioa etxebizitza merkatuan

2019-12-26 16:00:00

Espekulatzaileei mugak jarri beharrean, Jaurlaritza alokairuen prezioa mugatzeko EH Bilduren lege proposamena tramitatzearen aurka agertu da gaur. Euskal Zuzenbide Zibilaren garapenaren bidez etxebizitzen alokairuaren gaia arautzeari uko egin dio.