Legebiltzarra

EH Bilduren presioa Jaurlaritza mugiarazten ari da eta EAJ eta PSEk atea ireki diote Euskaltelen akzioak erosteari

Iker Casanovak aurrerapausotzat jo du Legebiltzarrak Lakua Euskaltelen sartzeko operazioa babestea. Ezinbestekoa da euskal instituzioek akzioen gutxieneko portzentaje bat eskuratzea euskal gizartearentzat kaltegarriak izango liratekeen erabakiak Administrazio Kontseiluan blokeatzeko.

| 2019-11-14 14:13:00

EH Bilduk aurrerapausotzat jo du Legebiltzarrak gaur Euskaltelen hartu beharreko neurriei buruz onartu duen mozioa, atea ireki baitio Jaurlaritzak enpresa horren akzioak erosteari, haren errotzea bermatzeko eta haren telekomunikazio sarea sal ez dadin saiatzeko. Iker Casanovak ekarri du gaia Osoko Bilkurara eta, azpimarratu duenez, “emaitzak frogatzen du EH Bilduren presioa Gobernua mugiarazten ari dela, zeren eta EAJ eta PSE, bai eta Jaurlaritza bera ere, pasatu baitira Euskaltelen ezer egiteko aukerarik ez zegoela esatetik akzioak erostearen bidea aztertu beharrekoa dela onartzera”.
Euskaltelen kontrola Zegona inbertsio-funtsaren eskuetan geratuz geroztik, euskal gizartearentzat estrategikoa den enpresa horren errotzea arriskuan dago, haren etorkizunari buruzko erabakiak, hemen eta hemengo interesen arabera hartu beharrean, Zegonak Londresen dituen bulegoetan hartzen ari direlako. Hori dela eta, Euskaltel diru publikoarekin sortu zela gogorarazi ostean, Casanovak berretsi du behar-beharrezkoa dela “Euskaltelek herri honekiko atxikimenduari eta lidergo teknologikoari eustea”, eta azaldu du bide bakarra dagoela horretarako; alegia, “Jaurlaritzak, Kutxabank eta haren banku fundazioekin batera, konpainiaren akzioak erostea, %25a kontrolatzeraino, hori baita gutxieneko portzentajea herri honentzat kaltegarriak izan daitezkeen neurriak blokeatzeko, hala nola, enpresaren egoitza lekuz aldatzea eta telekomunikazio sarea saltzea. Jaurlaritzak, Kutxabankek eta banku fundazioek elkarlanean aritu eta euren partizipazioak baliatu behar dituzte Euskaltelen kontrola berreskuratzeko eta  Zegonaren planak neutralizatzeko”.
Izan ere, EH Bilduko legebiltzarkideak argitu duenez, “Euskaltelen estatutuen arabera, akzioen %75eko gehiengoa behar da erabaki nagusiak hartzeko; hau da, %25 behar da edozein erabaki blokeatzeko, baina gaur egun portzentaje hori ez dago bermatuta, Kutxabankek %19 baino ez duelako. Falta den %6a erostea proposatzen dugu, 96 milioi euro inguru, euskal instituzioek euskal gizartearen interesen aurkako erabakiak Euskalteleko Administrazio Kontseiluan blokeatu ahal ditzaten”.  

2020ko Aurrekontua zuzendu behar da eta Gobernuak argitu behar du zer aldatzeko prest dagoen

Maddalen Iriartek azpimarratu du ez dagoela politika feministak garatzeko eta krisi klimatikoari aurre egiteko neurri berririk: “Aurten aurrekontuari beste zelofan bat ipini diote, baina edukiak bere horretan jarraitzen du”

| 2019-11-14 13:57:00

EH Bilduk kezka adierazi du 2020ko Aurrekontu Proiektuan Gobernuak “gauza bat esan, eta beste bat egin” duelako. Aurrekontu Proiektuaren Zuzentarauak aurkeztu zituztenean, berdintasuna, aldaketa klimatikoaren kontrako neurriak edota kalitatezko enplegua aipatu zituzten, besteak beste. “Hitzak oso erraz esaten dira, baina gero benetako finantziaziorik ez baldin badaukate, hutsean geratzen dira. Behin zenbakiak aztertuta, sailburuen azalpenak entzunda, uste dugu horixe egin duela Jaurlaritzak: Diskurtsoa aldatu du, beste zelofan bat ipini dio eta zenbakiak beste modu batez ordenatu ditu, baina aurrekontuen mamiak, edukiak, bere horretan jarraitzen du, aldaezin, iaz bezala”, adierazi du Maddalen Iriartek.

EH Bilduko bozeramaileak azpimarratu du, adibidez, ez dagoela dirurik Legebiltzarrak onartutako Jasangarritasun Energetikoaren Legea betetzeko. “Legeak 100 milioi euroko funtsa aurreikusten zuen, eta derrigorrez bete behar da. Non daude aldaketa klimatikoari aurre egiteko 100 milioiak? 2020ko Aurrekontu Proiektuan ez daude”.

Bestetik, Gobernuak behin eta berriro saldu du proiektua genero ikuspegiarekin egin dela, baina zenbakiak begiratuta, ez dago diru gehiago berdintasunerako. Era berean, ez dira aurreikusten pentsionisten beharrei erantzuteko neurri berriak, ezta kalitatezko enplegua bermatzeko ere.

Beraz, aurrekontuetan hitzak aldatu dituzte, baina zifrak ez. Etiketa aldatu nahi izan diote, salmenta hobea izateko, baina produktua bere horretan mantendu dute. Horregatik, Iriartek Azpiazuri galdetu dio: “Zer egiteko prest dago Gobernu hau? Zer aldatzeko prest dago aurrekontuak adosteko?”. EH Bilduko bozeramaileak iragarri du proposamen bat prestatzen ari dela aurrekontuak aldatzeko, eta adierazi du eskua luzatuta daukala Gobernuarekin akordio bat bilatzeko. “Hori bai, Gobernua aurrekontua aldatzeko prest ez badago, iaz gertatu zen bezala, ez da akordiorik egongo”.

ALBISTEAK

Urkulluk adostutako defizit muga ez da nahikoa murrizketak saihesteko, ohartarazi du EH Bilduk

2020-07-31 16:51:00

%2,6ko muga oso urrun dago Lakuak planteatutako %3,5etik eta, zerga politika aldatu ezean, murrizketak ekarriko ditu. Ez da onargarria Madrili baimena eskatu behar izatea herri honek behar dituen neurriak hartu ahal izateko; menpekotasunetik burujabetzara salto egin beharra dugu.

Ratioak 15 ikaslera jaistea eta 10.000 irakasle gehiago kontratatzea, EH Bilduren proposamena ikasturte berrirako

2020-07-29 15:21:00

EH Bilduren iritziz, salbuespen neurriak behar dira ikastetxeetan osasun eta segurtasun baldintzak bermatzeko. Proposamen irekia da, Hezkuntza Sailak eta sektoreko eragileek negoziatu beharrekoa. Arduragabekeria da ikasturtea ohi legez hastea, Uriarte sailburuak planteatu bezala.

Estatuaren indarkeriaren biktimak diskriminatu ditu berriro ere Jaurlaritzak

2020-07-28 21:20:00

AVT, Covite eta Vitepaz elkarteetan bildutako ETAren biktimek laguntzak jasoko dituzte pandemiak eragindako arazoak arintzeko; ez, ordea, Estatu terrorismoaren biktimek. “Koronabirusak gehiago eragin die ETAren biktimei GALen biktimei baino, ala?”, galdetu du Julen Arzuagak.

Murrizketa gehiago prestatzen ari den EAJ-PSE aliantzaren aurrean EH Bilduk ezkerretik alternatiba egon badagoela dio

2020-07-27 12:54:00

EH Bildu talde parlamentarioa akreditatu da gaur Legebiltzarrean. Eskuinak lan eta bizi baldintzak murriztea aukera bakarra dela sinestarazi nahi duela ohartarazi du Maddalen Iriartek. Koalizioaren lehentasuna zehaztu du: “Krisia ezin dute betikoek ordaindu, krisialditik inor atzean utzi gabe atera behar dugu”