Legebiltzarra

EH Bilduk 65 urtetik gorakoei eta arrisku taldeei maskarak doan banatzea proposatu dio Nekane Murgari

Rebeka Uberak proposamena helarazi dio Osasun sailburuari gaurko bileran, kolektibo horiei lehentasuna emateak berebiziko garrantzia duelakoan.

| 2020-05-06 11:41:00

EH Bilduk proposamen sorta helarazi dio gaur berriz ere Nekane Murga Osasun sailburuari alderdietako ordezkariekin izan duen bileran. Besteak beste, Rebeka Uberak 65 urtetik gorakoei eta arrisku taldeei maskarak doan banatzea proposatu dio, kolektibo horiei lehentasuna ematea premiazkoa delakoan, “Covid-19ari aurre egiterakoan, eta are gehiago behin konfinamendutik aterata, maskara horiek ahalbidetzen dituzten neurri higienikoak funtsezkoak baitira kutsatze maila kontrolpean mantentzeko”.

EH Bilduko legebiltzarkideak gogora ekarri du beste zenbait erkidegotan 65 urtetik gorakoei eta arrisku taldeei maskarak doan banatzea erabaki dutela, “eta hemen ere berebiziko garrantzia du pertsona horiei une honetan funtsezkoa den produktu hori eskuratzea erraztea”. Azaldu duenez, Osasun Sailak errezeten sistema bera erabil dezake maskarak banatzeko, farmaziekin elkarlanean.

Sekulako axolagabekeria da Larrialdietako buruari espedientea ere ez irekitzea konfinamendua apurtzeagatik

Castro Urdialeseko udaltzaingoak isuna ipini dio konfinamendua ez errespetatzeagatik. EH Bilduren iritziz, “kasua larria da eta Osasun Sailak espedientea ireki behar dio berehala, horren emaitzaren araberako neurriak hartzeko”.

| 2020-05-05 16:13:00

Ulertezina da, sekulako arduragabekeria, Osasun Sailak neurri bat bera ere hartu ez izana jakin duenean Jon Sanchez Ibarluzea Osakidetzako Larrialdietako buruak alarma egoeran ezarritako konfinamendua apurtu zuela eta Castro Urdialeseko udaltzaingoak isuna jarri zuela horregatik”. Rebeka Ubera EH Bilduko legebiltzarkidearen iritziz, Jaurlaritzak espedientea ireki behar dio ezinbestean Sanchez Ibarluzeari. “Larria eta onartezina da horrelako kargu batek konfinatzeko agindua ez errespetatzea, arduradun politikoek, are gehiago osasun arloko arduradunek, eredugarriak izan behar dutelako salbuespen egoera honetan”. Izan ere, alarma egoeran debekaturik badago ere, Osakidetzako Larrialdietako zuzendaria Castro Urdialeseko bigarren etxebizitzara joan zen apirilaren 20an, eta biharamunean bertako udaltzaingoak isuna ipini zion konfinamendua apurtzeagatik.

Nekane Murga Osasun sailburuak hala izan zela eta bera jakinaren gainean zegoela aitortu behar izan du gaur goizean, baina, hala eta guztiz ere, azaldu du bere departamentuak ez duela inolako neurririk hartu, ez eta Sanchez Ibarluzeari espedientea ireki ere. Uberak “axolagabekeriaz eta utzikeriaz aritzea” egotzi dio sailburuari horregatik, “jazotarikoa ezagutu bezain laster espedientea ireki eta Larrialdietako buruari azalpenak eskatu izan behar zizkiolako”. EH Bilduko legebiltzarkideak horixe egiteko eskatu dio beraz, “espedientea berehala irekitzeko eta neurriak lehenbailehen hartzeko, espediente horren emaitzaren araberakoak, aldez aurretik bat bera ere baztertu gabe”.

Uberak gogora ekarri du pasa den astean San Eloy Ospitaleko gerentearen kasua ere argitara atera zela, alarma egoeran kirofanoak kasu arinentzat itxita egon arren, berari faborezko tratua eman eta ebakuntza egin ziotelako. “Gaur Larrialdietako buruaren kasua ezagutu dugu, baina legea eta arauak berdinak dira guztiontzat eta ez dago goi karguei tratu berezi bat ematea; alderantziz, haiei eredu ematea tokatzen zaie”.

ALBISTEAK

Urkulluk adostutako defizit muga ez da nahikoa murrizketak saihesteko, ohartarazi du EH Bilduk

2020-07-31 16:51:00

%2,6ko muga oso urrun dago Lakuak planteatutako %3,5etik eta, zerga politika aldatu ezean, murrizketak ekarriko ditu. Ez da onargarria Madrili baimena eskatu behar izatea herri honek behar dituen neurriak hartu ahal izateko; menpekotasunetik burujabetzara salto egin beharra dugu.

Ratioak 15 ikaslera jaistea eta 10.000 irakasle gehiago kontratatzea, EH Bilduren proposamena ikasturte berrirako

2020-07-29 15:21:00

EH Bilduren iritziz, salbuespen neurriak behar dira ikastetxeetan osasun eta segurtasun baldintzak bermatzeko. Proposamen irekia da, Hezkuntza Sailak eta sektoreko eragileek negoziatu beharrekoa. Arduragabekeria da ikasturtea ohi legez hastea, Uriarte sailburuak planteatu bezala.

Estatuaren indarkeriaren biktimak diskriminatu ditu berriro ere Jaurlaritzak

2020-07-28 21:20:00

AVT, Covite eta Vitepaz elkarteetan bildutako ETAren biktimek laguntzak jasoko dituzte pandemiak eragindako arazoak arintzeko; ez, ordea, Estatu terrorismoaren biktimek. “Koronabirusak gehiago eragin die ETAren biktimei GALen biktimei baino, ala?”, galdetu du Julen Arzuagak.

Murrizketa gehiago prestatzen ari den EAJ-PSE aliantzaren aurrean EH Bilduk ezkerretik alternatiba egon badagoela dio

2020-07-27 12:54:00

EH Bildu talde parlamentarioa akreditatu da gaur Legebiltzarrean. Eskuinak lan eta bizi baldintzak murriztea aukera bakarra dela sinestarazi nahi duela ohartarazi du Maddalen Iriartek. Koalizioaren lehentasuna zehaztu du: “Krisia ezin dute betikoek ordaindu, krisialditik inor atzean utzi gabe atera behar dugu”