Legebiltzarra

Legebiltzarraren aginduari muzin eginez, Jaurlaritzak torturaren biktimak mespretxatu ditu berriro ere

Duela urtebete Legebiltzarrak Torturaren Biktimen Babeserako Egunarekin bat egiteko eskatu zion Urkulluren Gobernuari, baina honen isiltasuna erabatekoa da gaur, salatu du Julen Arzuagak. “Argi utzi du berriro ez dituela biktima guztiak berdin tratatzen”.

| 2020-06-26 14:15:00

“Duela urtebete Legebiltzarrak Torturaren Biktimen Babeserako Egunarekin bat egiteko eskatu zion Jaurlaritzari, baina gaur, egun hori munduan zehar ospatzen den egunean, Urkulluren Gobernuaren isiltasuna erabatekoa da. Ez du Legebiltzarraren agindua aintzat hartu, ez du Nazio Batuen egunarekin bat egin eta, azken batean, torturaren biktimak mespretxatu ditu berriro ere, existitu ez balira bezala”. Julen Arzuagak Torturaren Biktimen Babeserako Egunarekin bat ez egitea egotzi dio Jaurlaritzari, bai eta biktimen arteko mailaketa egitea ere. “Gaurko isiltasuna oso adierazgarria da. Beste biktima batzuk omentzeko eta gogoan izateko baliabide ugari bideratzen dituen eta ekitaldiak noiznahi antolatzen dituen gobernu bera ez da gai izan gaur torturaren biktimak oroitzeko; Urkulluk argi utzi du berriro ez dituela biktima guztiak berdin tratatzen, berarentzat torturaren biktimak, Estatu terrorismoaren biktimak bezala, bigarren mailakoak direla”.

EH Bilduren ekimenez, Legebiltzarrak bat egingo du bihar Torturaren Biktimei Laguntzeko Egunarekin

Legebiltzarrak torturaren aurkako kartela jarriko du lehen aldiz fatxadan, torturaren biktimak aitortu eta pairatu duten bidegabekeria salatzeko.

| 2020-06-25 11:47:00

EH Bilduren proposamen bati jarraituz, Legebiltzarrak Torturaren Biktimei Laguntzeko Nazioarteko Egunarekin bat egin eta, lehen aldiz, bihar fatxadan kartela (Torturarik ez. Torturaren Biktimei Laguntzeko Nazio Batuen Nazioarteko Eguna) ipini eta ate nagusi aurrean suontzia piztuko du, biktima horiek gizartearen aurrean aitortu eta giza eskubideen urraketa larri horrek eragindako bidegabekeriak salatzeko. Duela urtebete, Parlamentuak Nazio Batuen ekimen horrekin bat egiteko eskatu zien aho batez euskal erakundeei eta, bereziki, Jaurlaritzari, eta oraingoan EH Bilduk konpromiso hura gauzatzeko galdegin dio Legebiltzarreko Mahaiari. PP izan ezik, gainerako talde guztiak ados egon dira koalizioaren eskariarekin.

Torturaren Biktimei Laguntzeko Egunak esanahi sakon eta berezia du Euskal Herrian eta, hortaz, berebiziko garrantzia du Gasteizko Legebiltzarrak torturaren errealitate ezkutu hori argitara ateratzea, behin betiko desagerrarazteko borondate osoa agertzea eta torturatuei merezi duten aitortza eta elkartasuna adieraztea.

ALBISTEAK

EH Bilduren ekimenez, Legebiltzarrak bat egingo du bihar Torturaren Biktimei Laguntzeko Egunarekin

2020-06-25 11:47:00

Legebiltzarrak torturaren aurkako kartela jarriko du lehen aldiz fatxadan, torturaren biktimak aitortu eta pairatu duten bidegabekeria salatzeko.

Jaurlaritzak ebidentzia onartu eta atzera egin behar izan du enplegu erregulazio sariak osatzeko

2020-06-18 17:39:00

EH Bilduk gogora ekarri du osagarri hori proposatu zuela Legebiltzarrean eta EAJ eta PSE kontra agertu zirela. Denbora alferrik galdu dute horren ondorioz eta anbizio gutxiko neurria iragarri dute orain, aldi baterako enplegu erregulazioan egon diren eta dauden milaka langile kanpo utzita.

EAJ eta PSEk Legebiltzarra barik gobernatzea erabaki dute haientzat oztopo bat delakoan

2020-06-11 13:13:00

EH Bilduk oposizioaren proposamenak ia sistematikoki blokeatzea eta isilaraztea egotzi die EAJ eta PSEri. Ez dute Diputazio Iraunkorrak euren politiken gabeziak agerian uztea nahi eta gaur datorren ikasturtearen planifikazioaz eta Osakidetzako Lehen Arreta indartu beharraz eztabaidatu ahal izatea galarazi dute.

Montai auziak erakusten du EAJren karneta edukitzeak abantailak ematen dituela kontratu publikoak lortzeko orduan

2020-06-09 12:29:00

“Herri duin batean ezin da pentsatu normala dela, eta are gutxiago onargarria, gobernuan dagoen alderdikoa izateagatik erraztasunak izatea Administrazioarekin kontratatzeko”. EH Bilduk azalpenak eskatu ditu Legebiltzarrean Montai Taldeari esleitutako kontratuei buruz.