Kongresua-Senatua

Sanchezek ez du baztertu murrizketak ezartzea krisitik irteteko eta atea ireki dio austeritate neurriak aplikatzeari

Mertxe Aizpurua bozeramaileari emandako erantzunean, Espainiako Gobernuko presidenteak atea ireki dio gastu publikoan murrizketak egiteari BPGaren %10eko galerari aurre egiteko

| 2020-06-10 11:59:00

«Murrizketarik ez ezartzeko konpromisoa hartzen duzu?». Mertxe Aizpurua bozeramaileak gaur Kongresuan eginiko galderaren ostean, Espainiako Gobernuko presidente Pedro Sanchezek ez du alboratu murrizketarik ez ezartzea krisi sozial eta ekonomikotik irteteko, eta murrizketen aurka konpromiso zehatzik hartzea saihestu du. Sanchezek, gainera, atea ireki dio gastu publikoan murrizketak egiteari BPGaren %10eko galerari aurre egiteko, errezeta neoliberalen eskutik.

Aizpuruak nabarmendu du herritarrek «egia, argitasuna eta ziurtasunak» behar dituztela larrialdi momentu honetan, eta Sanchezi galdetu dio ea prest ote dagoen murrizketak eta 2008an gehiengo sozialarentzat kaltegarriak izan ziren neurri neoliberalak berriro aplikatzeko. Sanchezek ez dio atea itxi murrizketak ezartzeari, eta «krisiari erantzun positibo bat» ematera deitu du, bizitzeko gutxieneko errenta adibide bezala jarrita, nahiz eta esplizituki onartu duen BPGaren %10eko galerari gastu publikoarekin «aurre egin» beharko zaiola etorkizunean.

«Gaur gizartearen eta Kongresu honen aurrean erantzun argirik ematen ez baduzu eta konpromiso irmoa hartzen ez baduzu gehiengoarentzat kaltegarriak diren murrizketak ez ezartzeko, Espainiako Gobernuak murrizketak mahai gainean dituela ulertuko dugu», ohartarazi du Aizpuruak. Sanchezek zalantzekin erantzun dio: «Murrizketarik ezarriko ote dugun galdetzen badidazu, politika anti ziklikoen garaia dela esango dizut, ziklo bakoitzari unean-uneko erantzuna emateko».

Erretiro adina igotzeko eta Europaren oniritzia jasotzeko 'Doitze plana' ezartzearen arriskuaren aurrean, Aizpuruak Sanchezi ohartarazi dio herritarren eskubideak murriztu nahi baditu ez duela jasoko Kongresuko gehiengo aurrerakoiaren babesik, eta eskatu dio hauta dezala norekin egin nahi duen bidea: «Gutxi batzuen onura eta interesak, ala gehiengoaren ongizate eta eskubideak. Aukera ezazu». Bere erantzunean, horren inguruan aipamen zuzenik egitea saihestu du Sanchezek, eta argudiatu du gaur-gaurkoz eztabaida bestelakoa dela: «Aurreikusten genituen aldaketak bizkortu ditu krisi honek, hori da orain debatea».

Halaber, EH Bilduren Kongresuko bozeramaileak eskatu du Espainiako Gobernuak horrenbeste goratzen dituen neurri sozial eta ekonomikoak ez daitezela aldi baterakoak soilik izan, baizik eta jarraipena izan dezatela hurrengo hilabeteetan. «Orain arteko babesa zabaltzeko apustua egiten baduzue, bat egingo du. Ordea, murrizketen aldeko apustua egiten baduzue, parean izango gaituzte. Ez dugu onartuko krisi honen ondorioak berriz ere herritarrei ordainaraztea. Oraingoan bai, kapitalak, aberatsek eta fortuna handiek ordaindu behar dute krisi hau», adierazi du Aizpuruak.

Mondragon taldeko presidenteak Kongresuko Berreraikuntza Batzordean parte hartuko du EH Bilduren ekimenez

Mertxe Aizpurua: "Ezinbestekotzat jotzen dugu munduko lehen talde kooperatiboaren ahotsa batzorde honetan presente egotea eta aintzat hartzea"

| 2020-05-14 16:28:00

EH Bilduren ekimenez, Mondragon korporazioko presidente Iñigo Uzinek Kongresuko Berreraikuntza Sozial eta Ekonomikorako batzordean parte hartuko du, ekonomia berpizteko neurrien inguruko azpi-taldean, hain justu ere. Euskal Herriko indar subiranistaren proposamenak batzordea osatzen duten diputatuen gehiengoaren babesa jaso du. Batzordearen helburu nagusia COVID-19ari lotutako krisi sanitario, ekonomiko eta sozialaren aurrean irtenbideak adostea da.

EH Bilduren Kongresuko bozeramaile Mertxe Aizpuruak balioan jarri du kooperatiben eginkizuna, eta gauzak beste modu batera egiteko erakutsi duten gaitasuna nabarmendu du, enpresa eredu tradizionaletatik at«Munduko lehen talde kooperatiboa, EAEko lehen enpresa taldea eta Espainiako Estatuko hamargarrena da Mondragon korporazioa. Krisialdi honen aurrean bestelako neurriak har daitezkeela erakutsi du. Kooperatiben baloreak garrantzitsuak dira krisi honen ondorioz hartu beharreko jarreraren aurrean ikuspegi ezberdinak kontuan hartzeko». Honela azaldu du Aizpuruak Uzinen agerraldiaren egokitasuna: «Ezinbestekotzat jotzen dugu munduko lehen talde kooperatiboaren ahotsa batzorde honetan presente egotea. Mondragon taldearen esperientziak aintza hartua izatea merezi du».

Uzinen agerraldi eskaeraz gain, Euskal Herria Bildu Talde Parlamentarioak beste hainbat agerraldi ere eskatu ditu gaur: Patxi Olabarria (Konfekoop Euskadiko kooperatiben konfederazio presidentea), Carlos Askunze (REAS ekonomia alternatibo eta solidarioaren sareko presidentea), Mitxel Lakuntza (ELA sindikatuko idazkari nagusia) eta Garbiñe Aranburu (LAB sindikatuko idazkari nagusia). «Espainiako Estatuan nagusi diren sindikatuak ez dira gehiengo gure lurraldean. Euskal Herria ere ezberdina eta anitza da zentzu horretan, eta uste dugu hemen ere iritzi eta ikuspegi horiek entzun egin behar direla, aintzat hartuak izan daitezen», adierazi du Aizpurua diputatuak. Proposamenak, dena dela, atzera bota dituzte Kongresuko Berreraikuntza Ekonomiko eta Sozialerako batzordea osatzen duten ordezkariek.

ALBISTEAK

EH Bilduk Felipe Gonzalezen agerraldia galdegin du Kongresuan, CIAk GALi buruz desklasifikatutako dokumentuak argitaratu ostean

2020-06-15 15:13:00

Ezker subiranistak Ikerketa Batzorde bana sortzea bultzatuko du bai Kongresuan eta baita Senatuan ere, Estatu Terrorismoaren inguruko erantzukizun politikoak argitzeko eta CIAko dokumentuek berriki baieztatutako egitateen inguruan xehetasun gehiago jasotzeko

Sanchezek ez du baztertu murrizketak ezartzea krisitik irteteko eta atea ireki dio austeritate neurriak aplikatzeari

2020-06-10 11:59:00

Mertxe Aizpurua bozeramaileari emandako erantzunean, Espainiako Gobernuko presidenteak atea ireki dio gastu publikoan murrizketak egiteari BPGaren %10eko galerari aurre egiteko

Mondragon taldeko presidenteak Kongresuko Berreraikuntza Batzordean parte hartuko du EH Bilduren ekimenez

2020-05-14 16:28:00

Mertxe Aizpurua: "Ezinbestekotzat jotzen dugu munduko lehen talde kooperatiboaren ahotsa batzorde honetan presente egotea eta aintzat hartzea"

«Fronte aurrerakoi» bat eskatu dio EH Bilduk Pedro Sanchezi aberastasunaren gaineko zerga sortzeko eta krisitik irteteko

2020-05-13 11:12:00

Oskar Matute diputatuak egungo eredu sozial eta ekonomikoa eraldatzeko «eta ez berreraikitzeko» deia egin dio Espainiako gobernuburuari, eta eskuin neoliberal eta birzentralizatzailearekin akordioak egitearen ondorioez ohartarazi dio