Araba

Mikel Otero: “Gizarte Segurantzaren kudeaketaren transferentzia atsedenik gabe eskatzeko konpromezua hartzen dugu EH Bildun”

EH Bilduk Gorbeialdeako eskualdean etxebizitza eskuratzeko plana eskatuko du, baita Zuian osasun-zentro bat eraikitzeko eta egungo egoitza eta eguneko zentro publikoak indartzeko konpromezua hartu ere.

| 2020-06-29 11:09:00

Mikel Otero EH Bilduren Arabako bozeramaileak pentsiodun gasteiztarrekin bilera egin du gaur goizean, plaza berrian, astelehenetan egiten duten ohiko elkarretaratzea baino minutu batzuk lehenago. Hautagai arabarrak "konpromisoa" hartu du euskal pentsiodunekin, "1.080 euroko gutxieneko pentsioak bermatzeko, euskal pentsiodunei bizitza duinak bermatzeko eta Gizarte Segurantzaren kudeaketaren transferentzia atsedenik gabe eskatzeko".

Araban, Bizkaian eta Gipuzkoan 13.500 pentsiodunek osatu behar dute pentsioa DSBEarekin. DSBE jasotzen duten pertsonen % 25 pentsiodunak dira. Eta oso datu adierazgarria: DSBE jasotzen duten pentsiodunen 2/3 emakumeak dira. Gainera, legeak aitortzen diena baino 300 euro gutxiago jasotzen dute, Urkullu eta Mendiak pentsioen osagarria murriztu dietelako.

Oterok azaldu duenez, “hau da benetako argazkia. Hau da gurea bezalako herrialde batek onartu ezin duen argazkia. Ez du balio ustezko konpetentzi faltan ezkutatzea . Euskal pentsiodunei pentsio duinak bermatzeko eskumen eta ahalmen nahikoak ditugu. Euskal pentsiodunenei 1.080 euroko gutxieneko pentsioa bermatzeko aukera egon badago, Eusko Jaurlaritzatik pentsio txikienak osatuta. Hori da gure konpromisoa”. Halaber, adierazi du borondate politiko kontua delaa, eta EH Bilduk baduela.

Euskal herritarrei bizitza duinak bermatzea ekarriko duen gure herriarentzat tresna burujabe guztiak aldarrikatzen dituen alderdia da gurea, eta dagokiguna eskatzen jarraitu behar dugula uste dugu. Besteak beste, Gizarte Segurantzaren kudeaketa zuzenaren transferentzia osoa. Atsedenik gabe eskatuko duen gobernu bat behar du herri honek. Baina hori lortzen den bitartean, euskal pentsiodunen benetako arazoei irtenbidea bilatzeko borondatea izango duen gobernua ere behar dugu.

Bestalde, gaur arratsaldean Unai Fernandez de Betoño eta Itxaso Etxebarria eh bilduko Arabako hautagaiek agerraldia egingo dute Zigoitian, eta eskualdean etxebizitza eskuratzeko plan bat eskatuko dute. Halaber, Zuian osasun-zentro bat eraikitzeko konpromisoa hartu dute, uste baitute osasunak eta zainketek lehen lerroan egon behar dutela. Horregatik, egungo egoitzak eta eguneko zentro publikoak indartzeko konpromisoa hartu dute.

Prekarietatearekin amaitzeko eta etxebizitza eskubidea bermatzeko konpromisoa hartu du EH Bilduk

Judimendira hurbildu da gaur Arabako zerrendaburua etxebizitzaz eta prekarietateaz hitze egiteko. Izan ere, alokairuzko prezioa %25a igo da Gasteizen azken bost urteotan.

| 2020-06-26 10:25:00

Judimendi auzora hurbildu da gaur EH Bildu Araba eta ez da kasualitatea izan. Izan ere, 2016tik 2018 auzo honetan alokairuaren prezioa %11 igo da eta bataz bestekoa ia 600 eurokoa da. Gasteizen, 2019ko amaieran, 917 euro eskatzen ziren etxebizitza libre baten truke alokairuan, serie historikoan inoizko altuena izan zen. 2014-2019urteen artean, %25a igo da.

Agerikoa da, EH Bilduren aburuz, etxebizitza arloan, Gasteizen etxebizitza politika baten faltak alokairu prezioa etengabe garestitzea eragin duela. Alokairu librea arautzeko eta mugatzeko lege bat onartu behar da, eta horrekin batera parke publiko indartsua eratu behar da. Bitartean, Vitalquilerrek babes ofizialeko 500 etxebizitza Suediako inbertsio funts bati saldu dizkio.

“Urkulluk eta Mendiak onartzen duten babes ofizialeko etxebizitzen pribatizazioaren aurrean, horrelako funtsen boterea mugatzeko, kontrolatzeko eta eragina leuntzeko neurriak martxan jarriko ditugu. Zahartuta dugun etxebizitza parkea birgaitzeko apustu publiko irmoa egingo dugu. Arabari dagokionez, landa eremurako alokairua proposatzen du EH Bilduk, baita birgaitzeko politikak berezituak ere”, azaldu du Arabako zerrendaburua Mikel Oterok.

Egoera zaila, eta are zailagoa gazteentzako haiek pairatzen dutelako lehen pertsonan prekarietatea. “Horregatik, egoera zaila bada, Uztailaren 12an, euskal herritarrek bi aukeraren artean aukeratu beharko dute: prekarietatera kondenatzen gaituena eta herritar gehienei segurtasuna eta ziurtasunak ematen dizkiena. Merezi dugun herria eraikiko duen gobernua osatzeko konrpomisoa hartzen dugu”, gaineratu du.

Horretarako honako neurriak aurkeztu ditu: 33.000 lanpostu berri sortzeko eta arriskuan dauden 100.000 lanpostuei eusteko konpromisoa, 1.200 euroko gutxieneko soldata ezartzeko konpromisoa, lan-erreforma ez aplikatzeko konpromisoa, 35 orduko lan-astea enplegua banatzeko….

“Ideiak ditugu, plan bat dugu. Borondate politikoa dugu prekarietatearekin amaitzeko, etxebizitza eta euskal herritarren eskubideak bermatzeko”, laburbildu du Oterok

ALBISTEAK

EH Bildu-k Arabako upategi familiarrak babestuko dituen eredu bat garatzeko edozein ahaleginen aurrean Errioxako Kontseilu Arautzaileak duen itxikeria salatu du.

2020-07-30 09:44:00

Arabako ekoizpen-eredu koherentea eta familiarra babesten duen ekimen eta alternatiba oro babestuko du EH Bildu-k, Errioxa jatorri-deituraren barruan edo kanpoan.

EH Bildu-k Arratzua-Ubarrundiako Udalari eskatu dio Iberdrolari eska diezaiola linea elektriko berria osorik lurperatzea

2020-07-28 21:13:00

Arantza Arranz: "Eusko Jaurlaritzaren erabakiak ingurumenean eragin larriak dituen aireko zati bat mantentzea proposatzen du, nahiz eta tarte hori lurperatzeko aukera ere badagoen. Azken aukera horrek hobekuntza estetikoak dakartza paisaia naturalean, segurtasun handiagoa herritarrentzat eta ingurunearentzat, baita mantentze lana hobetzea ere".

EH Bildu-k Aldundiaren izaera "deshumanizatzailea" salatu du, egoitzetako bisitak mugatzeko edo eguneko zentro publikoak ixteko hartu duen erabakiaren aurrean

2020-07-24 08:52:00

Claudia Venceslao: “Jakina, segurtasun- eta osasun-neurrien alde egiten dugu, baina ez gizarte-baliabideen deshumanizazioaren kontura, hain ahulak diren pertsonak eta adinekoak artatzen baitituzte".

EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek egia, memoria, justizia eta erreparazioa eskatuko dute frankismoko biktimentzako uztailaren 18an

2020-07-16 11:40:00

Estatu kolpearen 84. urteurrenarekin bat eginez, omenaldia eta elkarretaratzea antolatu dituzte.