Araba

Zumarraundi bidearen konponketa, Plan Orokor berria eta klima aldaketaren aurkako borroka, lehentasunak Zalduondoko 2020rako aurrekontuan

Arabako Lautadako udalerriak 360.000 euroko aurrekontua onartuko du aste honetan.

| 2019-12-23 13:39:00

Zalduondoko Udalak 360.000 eurotik gorako aurrekontua onartzeko asmoa du datorren abenduaren 26an. Arabako Lautadako udalerri txiki horrek gastu gehienak ohiko funtzionamendua ziurtatzeko erabiltzen dituen arren, beste partida garrantzitsu batzuk ere aurreikusten ditu. Horien artean, hiru nabarmentzen dira: hiri Antolamenduko Plan Orokorra egitea –aurten onartuko da –; Udaleko Energia Jarduketarako Plana garatzea -udalerriko etxalde eta sakabanatutako gunetan eguzki-farolak jartzeko eta  ura sareak bereizteko lehen fasea. Baina inbertsio  guztien artean nabarmentzen da bat, Zumarraundiko bidearen konponketa, hain zuzen.

Gustavo Fernandez Villate Zalduondoko alkateak esandakoaren arabera, Aitzgorri-Aratz Parke Naturalerako sarbideari eta Urbiako larreei, orain inoiz baino gehiago, 'irtenbide duin eta iraunkorra emateko benetako aukerak daude'. "Hori dela eta, Zalduondok ere ekarpena egingo du; 11.000 euroko partida aurreikusten dugu, handitu daitekeena, eta beharrezkoa bada, ez dugu kreditu bat eskatzeko aukera baztertzen", berretsi du alkateak.

Zumarraundiko bidea itxita dago, uztailaz geroztik bere egoera tamalgarria dela eta. 185 biztanleko Zalduondo bezalako udalerri baten erabilera gainditzen duen bidea da. Izan ere, Arabako Foru Aldundiak 2017. urteari buruz emandako datuen arabera, 11.744 ibilgailu eta 36.406 pertsona ibili ziren bide horretan.

Zumarraundiko bidea da Urbia eta Oltza zelaietara ibilgailu motordunarekin sartzeko modu bakarra, eta Arabako eta Gipuzkoako artzainek erabiltzen dute modu erregularrean. Gainera, web orri ugaritan Aizkorri-Aratz Parke Naturalerako sarbide gisa argitaratzen da, bere egoera tamalgarria eta duen arriskua alde batera utziz. Done Jakue Bidea (Ondare der la Humanitatea), Inaziotar Bidea eta Posta Erret Bidea ere badira.

Gipuzkoako Aldundiak jada iragarri zuen bide hori konpontzeko 300.000 euro emateko asmoa, eta Arabako Foru Aldundiko Ingurumen Sailak 150.000 euroko partida aurreikusi du xede berarekin. Asparrengo Udalak, bidearen zatiak partekatzen dituenak, diru sail bat gorde du, eta Gipuzkoako eta Arabako Partzuergoek beren aurrekontuetan erabakitzen dutenaren zain daude. Horregatik, 2020a Zumarraundiko konponketaren urtea izatea espero du Zalduondok.

Samaniegok datorren 2020rako aurrekontuak onartu ditu

Gizarte zentroa handitzea izango da inbertsiorik handiena eta Obra eta Zerbitzuen Foru Planaren bidez finantzatuko da obra

| 2019-12-20 17:01:00

Samaniegoko Udalak atzo osoko bilkuran onartu zuen datorren 2020rako aurrekontua, 400.000 eurotik gorakoa izango den aurrekontua. Diru partida handienetako bat (37.000 euro) landa-bideak mantentzeko eta egokitzeko erabiliko da. Bestalde, 300 biztanletik gorako herri honetako haur-eskola eta eskola mantentzeak ere hainbat partida izango ditu.

 

Baina hurrengo urtean inbertsiorik altuena zentro soziala handitzea izango da, obra eta zerbitzuen planaren bidez finantzatuko dena eta 400.000 euro ingurukoa izango dena. Horrez gain, Arabako Errioxako herri horretan berdintasunezko politikak lantzeko partida bat eta euskara ikasteko laguntzak sartu dira lehen aldiz.

 

Samaniegok, hala, onartutako kontuekin ekingo dio legegintzaldiko lehen urteari. Aurrekontuak urtarrilaren 1ean sartuko dira indarrean, eta EH Bilduko hiru ordezkarien zein zinegotzi independente baten aldeko botoarekin eta EAJko hiru zinegotzien kontrako botoarekin aurrera atera ziren.

ALBISTEAK

Arabako Teknologia Parkeko zuzendaritzak herrialdeko erakundeei De Miguel auziaren ondorioei buruzko azalpenak ukatu dizkiela salatu du EH Bilduk

2020-01-24 11:29:00

Arabako Batzar Nagusietan eta Gasteizko Udalean agerraldia egiteari uko egin diote eta EH Bilduk euren agerraldia eskatu du Eusko Legebiltzarrean

Barrundiak eskola txikiko ateak zabalduko ditu irailean

2020-01-16 12:31:00

Haur eta Lehen Hezkuntzako bi gela izango ditu eta jantokia zein garraioa eskainiko du

EH Bildu-k CIAM San Prudentzio eraberritzeko proiektuari berriz ekiteko eskatu dio Aldundiari, plaza publiko berriak sortzea ahalbidetzeko

2020-01-14 09:32:00

Claudia Venceslao: "Egoitza-plaza publikorik sortu gabe pairatzen dugun hirugarren legealdia izan daiteke"