Araba

Mikel Otero: “Uztailaren 12an boto jasangarri eraginkor bakarra EH Bildurena da”

EH Bilduko Arabako zerrendaburuak gaur arratsaldean Salburuan aldarrikatuko du EH Bildu dela ezkerreko alternatiba sinesgarri baten buru izateko gai den indar bakarra, pertsonak politiken erdigunean jartzeko proposamen zehatzak dituena.

| 2020-07-02 10:56:00

Mikel Otero EH Bilduko Arabako zerrendaburuak Subillan egin du agerraldia gaur goizean, ingurumenari, larrialdi klimatikoari eta trantsizio energetikoari buruz hitz egiteko. "Hemen, urte luzez, PSEk eta EAJk Euskadin Frackingari hasiera eman nahi izan zioten, baina herritarren mobilizazioari esker proiektua bertan behera utzi behar izan zuten. Hala ere, oraindik lekua mehatxatuta dago, Gobernua gas fosil ez-konbentzionala hemendik ateratzen saiatzen ari delako", adierazi du Oterok.

Larrialdi klimatikoa errealitate ukaezina da, eta datozen urteetako erronka nagusietako bat, atzeraezina, gure ondorengoen biziraupena ahalbidetzeko baldintzak jokoan baitaude. EH Bildu norabide berri bati ekiteko prest dago, eta, horregatik, hurrengo legealdirako konpromisoak hartuko ditu: klimaren eta energiaren legea onartzea eta, honekin batera, "Euskadiko ZERO KARBONO 2040” plana abiatzea, 2040an karbonoaren neutraltasunerantz aurrera egiteko, eta erdibidean, 2030ean, CO2 isuriak erdira murriztuz.

Halaber, berriztagarrientzako 800 milioi euroko funts publiko bat sortzearen alde egin nahi du EH Bilduk, gas fosilaren bilaketarekin amaitzeko konpromisoarekin. Arabako hautagaiaren beste konpromisoetako bat energiaren euskal erakundea berriztagarrien erakunde bihurtzea eta merkaturatzaile elektriko publiko bat sortzea da, bai eta enplegu berdeari buruzko akordioa bultzatzea ere, gutxienez 10.000 zuzeneko enplegurekin legegintzaldian zehar.

EH Bilduk konpromiso horiek hartu ditu herritarrekin, eta, besteak beste, hauek dira konpromisoak: etxebizitzen birgaitze jasangarrirako plan integrala onartzea, azpiegitura erraldoien politika berrikustea – AHT eta HTSa geldituz –, Hondakinen Lurralde Plan Sektoriala egitea, zabortegi guztiak argitaratzeko prozesua abian jartzea eta fiskalitate jasangarria bultzatzea.

Mikel Oterok berehala jarduteko beharra azpimarratu du, "Gure aztarna ekologikoa ikaragarria da. Gure kontsumo maila mantentzeko, 2,65 planeta beharko lirateke eta bakarra daukagu. Eraldaketa handiak egin behar dira justizia soziala bermatuz eta guztientzako oinarrizko baliabideak bermatuz. Ezin dugu hutsik egin, ez dago b planetarik, eta, horregatik, EH Bildu da uztailaren 12ko alternatiba iraunkor bakarra ".

Gaur arratsaldean, Oterok agerraldia egingo du Salburuan, Bel Pozueta EH Bilduko diputatuarekin Kongresuan eta Maria Garde Arabako hautagaiarekin batera. Bertan, Oterok honako hau esango du: "EH Bilduk bakarrik bermatzen du herri honetan ezkerreko gobernu bat eratzea, egoera bideratzeko eta zain ditugun erronka sakonei aurre egiteko. EH Bilduk baino ezin du gidatu gobernu sinesgarriaren alternatiba, proposamen eta erantzun zehatzekin, pertsonak politiken erdigunean jartzeko. Ezkerreko botoa, aldaketaren botoa, herrialdea norabidea hartzeko aukera ematen duen boto bakarra EH Bilduren aldeko botoa da".

Gasteiz eta Araba automobilgintzaren sektorearen birmoldaketaren aitzindari izatea nahi du EH Bilduk

Gaur arratsaldean, Gasteizen, Mikel Otero Arabako hautagaiak "Euskadi ZERO KARBONO 2040" ekimena aurkeztuko du, datorren legegintzaldirako 800 milioi euroko inbertsioa jasotzen duen klimarekiko konpromisoa eta 2030erako CO2 isurketen % 50eko murrizketa.

| 2020-07-01 11:36:00

Mikel Otero EH Bilduren Arabako zerrendaburuak agerraldia egin du gaur goizean Gasteizko Mercedens-Benz lantegiaren alboan. Oterok adierazi duenez, EH Bilduk konpromisoa hartu du hurrengo legealdian gure industria berriro martxan jartzeko eta pandemiak sektorean izan dituen ondorioetatik berreskuratzeko, helburu estrategikoetatik abiatuta.

EH Bilduren ustez, beharrezkoa da industriak BPGan % 28ko pisua izatea eta 2007an euskal industriak zituen 250.000 langileak berreskuratzea, egun dituen 205.000en aurrean, horietatik 10.000 enplegu berdearen esparruan.

Era berean, EH Bilduk ikerketa eta garapenean BPGren % 3 inbertitzearen eta akordio batera iristearen alde egin du, baita eskualdeetan ondo inplementatutako eta dibertsifikatutako industria eredu berritu, sozial, ekologiko eta teknologikoa sustatzearen alde ere.

COVIDek eta derrigorrezko geldialdiak arazoak eragin dituzte gure ekoizpen-sarean. Baina ez da kontu berria. Industriak, oro har, eta automobilgintzak, bereziki, erronka handiei eta eraldatzeko premiei egin behar diete aurre. Aro digitalean sartzeak eta energia- eta klima-erronkek aurrea hartzera eta egokitzera behartzen gaituzte. Automobilgintzan, motorizazio berriekin eta mugitzeko modu berriekin iritsiko da etorkizun hurbila.

Arazo horiei aurrea hartzeko asmoz, automobilgintzaren sektorearen etorkizunari buruzko ponentzia jarri zuen martxan EH Bilduk. "EH Bilduk sektorearen birmoldaketa bultzatuko du Eusko Jaurlaritzatik; Gasteiz eta Araba aitzindari izan daitezen automobilgintzaren, motorizazio alternatiboen, elektrifikazioaren eta baterien garapenean. Erronka horri erabakitasunez heltzea bermea izango da enpleguaren balantzea positiboa izan dadin" adierazi du Mikel Otero EH Bilduko Arabako zerrendaburuak.

Bestalde, arratsaldean bertan, EH Bilduko Arabako zerrendaburuak agerraldia egingo du "Euskadi Zero KARBONO 2040" ekimenarekiko konpromisoa agertzeko. Klimarekin konprometitutako ekimena da, datorren legegintzaldian 800 milioi euroko inbertsioa jasotzen duena eta 2030erako CO2 isurketak % 50 murriztea aurreikusten duena. Era berean, EH Bilduk berriztagarrien hedapenarekin, hondakinen tratamendurako azpiegituren publifikazio estrategia garatzearekin eta fiskalitate berdea sartzearekin duen konpromisoa azalduko du. Gaurko agerraldia Santa Barbara plazan izango da, eta hautagaiak konexio telematikoak egingo ditu Kopenhageko Ulrik Kohl eta Gorm Anker Gunnarsen ingurumen adituekin.


 

 

 

ALBISTEAK

EH Bildu-k Arabako upategi familiarrak babestuko dituen eredu bat garatzeko edozein ahaleginen aurrean Errioxako Kontseilu Arautzaileak duen itxikeria salatu du.

2020-07-30 09:44:00

Arabako ekoizpen-eredu koherentea eta familiarra babesten duen ekimen eta alternatiba oro babestuko du EH Bildu-k, Errioxa jatorri-deituraren barruan edo kanpoan.

EH Bildu-k Arratzua-Ubarrundiako Udalari eskatu dio Iberdrolari eska diezaiola linea elektriko berria osorik lurperatzea

2020-07-28 21:13:00

Arantza Arranz: "Eusko Jaurlaritzaren erabakiak ingurumenean eragin larriak dituen aireko zati bat mantentzea proposatzen du, nahiz eta tarte hori lurperatzeko aukera ere badagoen. Azken aukera horrek hobekuntza estetikoak dakartza paisaia naturalean, segurtasun handiagoa herritarrentzat eta ingurunearentzat, baita mantentze lana hobetzea ere".

EH Bildu-k Aldundiaren izaera "deshumanizatzailea" salatu du, egoitzetako bisitak mugatzeko edo eguneko zentro publikoak ixteko hartu duen erabakiaren aurrean

2020-07-24 08:52:00

Claudia Venceslao: “Jakina, segurtasun- eta osasun-neurrien alde egiten dugu, baina ez gizarte-baliabideen deshumanizazioaren kontura, hain ahulak diren pertsonak eta adinekoak artatzen baitituzte".

EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek egia, memoria, justizia eta erreparazioa eskatuko dute frankismoko biktimentzako uztailaren 18an

2020-07-16 11:40:00

Estatu kolpearen 84. urteurrenarekin bat eginez, omenaldia eta elkarretaratzea antolatu dituzte.