Araba

EH Bildu-k eta Elkarrekin Araba-k Pobeseko adinekoen egoitzari buruzko azalpenak eskatu dizkiote AFA-ri

| 2020-02-14 08:56:00

Erriberagoitiko Udalaren eta enpresa esleipendunaren artean Pobeseko adinekoentzako egoitza-zentroa eraikitzeko, ekipatzeko eta martxan jartzeko kontratua eten dela jakin ondoren, EH Bildu eta Elkarrekin Araba taldeek Gizarte Politiketako Foru Diputatua den Emilio Solaren eta herri honetako alkate Jesus Berlinen agerraldia eskatu dute.

Proiektu horrek 396.000 euroko finantzaketa izan du, 2012, 2013 eta 2014. urteetan banatuta. Hori dela eta, Erriberagoitia adinekoen egoitzarik eta eguneko zentrorik gabe uzten duen etete horren xehetasunak eta arrazoiak ezagutu nahi dituzte EH Bildu-k eta Elkarrekin Arabak.

Arabako Foru Aldundiak proiektu honetan egingo duen inbertsioa 400.000 euro ingurukoa izango dela kontutan hartuta, bi batzarkide taldeek Emilio Sola Gizarte Gaietarako Departamentuko arduradun nagusiari eta Jesús BERLA Erriberagoitiko alkateari eraikin honen etorkizunaz eta, hala badagokio, eraikin horretarako kontutaan hartzen diren erabilera-aukerez galdetuko diete.

Zentzu honetan, eta betiere foru-inbertsio horri erreparatuz, zentroaren titulartasuna Erriberagoitiari badagokio ere, EH Bildu-k eta Elkarrekin Arabak jakin nahi dute zer eginkizun izango duen AFA-k gatazka hau konpontzeko eta etorkizunean hura erabiltzeko hartuko den erabakian.

21 umek hasiko dute hurrengo ikasturtea Barrundiako eskola txikian

Horietako 15 Haur Hezkuntzan egongo dira eta beste 6ak Lehen Hezkuntzan

| 2020-02-13 12:28:00

Matrikulazio kanpaina amaituta, 21 umek izena eman dute hurrengo ikasturtean zabalduko den Barrundiako Eskola Txikian. Ia gehienak udalerrikoak dira eta horietako 15 Haur Hezkuntzan egongo dira eta beste 6ak Lehen Hezkuntzan. Hurrengo otsailaren 25ean zerrendak argitaratuko dira.

Ekinbide izeneko eraikinean egongo da eta eraikina bera egokitzeko Barrundiako Udalak 74.600 euro inbertituko ditu. Hurrengo ikasturtean ateak zabaldu ahal izateko daorren astean proiektu teknikoa esleitu nahi du Barrundiako Udalak. Ondoren, hilabeteko epean aurkeztu beharko dute proiektua lanak esleitu eta gauzatzeko.

Urteetako lanaren ondorioz lortu du Barrundian eskola txiki bat izatea. Igor Medina Isasa alkateak askotan esan duenez, “herri biziak nahi baditugu, gure geroa zaindu behar dugu ezinbestean eta umeak hemen hazteko aukera izan behar dugu; horregatik guretzako funtsezko proiekta zen herri eskola bat zabaltzea”.

Barrundiako udalerriak 880 bizilagun inguru ditu, eta horietatik 85 dira 2 eta 12 urte bitarteko neska-mutikoak. Gaur egun, udalerria osatzen duten 13 herrietatik beste udalerrietara joan behar dira  3 urtetik gorako haurrak egunero ikastera; txikiagoek Haur Eskola dute Ozaetan. Baina bertako gurasoek Etxeako elkartea sortu eta Oazetan eskola txiki bat zabaltzeko lanean ibili dira azken urteotan.

Beste eskoletan bezala, eskolatik 2 kilometrotik gorako distantzian bizi direnek garraioa izateko aukera izango dute. Bertako jantokia, aldiz, guraso elkartearen esku geldituko da. Tartean, Hezkuntza Sailaren ardura izango da irakasleen plazak deitzea.

ALBISTEAK

EH Bildu-k Arabako upategi familiarrak babestuko dituen eredu bat garatzeko edozein ahaleginen aurrean Errioxako Kontseilu Arautzaileak duen itxikeria salatu du.

2020-07-30 09:44:00

Arabako ekoizpen-eredu koherentea eta familiarra babesten duen ekimen eta alternatiba oro babestuko du EH Bildu-k, Errioxa jatorri-deituraren barruan edo kanpoan.

EH Bildu-k Arratzua-Ubarrundiako Udalari eskatu dio Iberdrolari eska diezaiola linea elektriko berria osorik lurperatzea

2020-07-28 21:13:00

Arantza Arranz: "Eusko Jaurlaritzaren erabakiak ingurumenean eragin larriak dituen aireko zati bat mantentzea proposatzen du, nahiz eta tarte hori lurperatzeko aukera ere badagoen. Azken aukera horrek hobekuntza estetikoak dakartza paisaia naturalean, segurtasun handiagoa herritarrentzat eta ingurunearentzat, baita mantentze lana hobetzea ere".

EH Bildu-k Aldundiaren izaera "deshumanizatzailea" salatu du, egoitzetako bisitak mugatzeko edo eguneko zentro publikoak ixteko hartu duen erabakiaren aurrean

2020-07-24 08:52:00

Claudia Venceslao: “Jakina, segurtasun- eta osasun-neurrien alde egiten dugu, baina ez gizarte-baliabideen deshumanizazioaren kontura, hain ahulak diren pertsonak eta adinekoak artatzen baitituzte".

EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek egia, memoria, justizia eta erreparazioa eskatuko dute frankismoko biktimentzako uztailaren 18an

2020-07-16 11:40:00

Estatu kolpearen 84. urteurrenarekin bat eginez, omenaldia eta elkarretaratzea antolatu dituzte.