Araba

EH Bildu-k Arabako Haranak ureztatzeko alternatibak bilatzeko, berregituratzeko eta eguneratzeko eskatu du

ACUAES enpresa publikoak Barrongo urtegia eraikitzeari uko egin ostean, beste aukera batzuk aztertzeko eskatu du EH Bilduk, hala nola baltsak eraikitzea.

| 2020-02-19 09:16:00

ACUAES enpresa publikoak Barrongo urtegia eraikitzeari uko egin ostean, EH Bildu-k mozio bat aurkeztu du Arabako haranak ureztatzeko proiektua "eguneratu, berreraiki eta alternatibak bilatzeko" eskatuz.

Mozio horren bidez, beste aukera batzuk aztertzeko ere eskatu du EH Bildu-k, hala nola, baltsak eraikitzea, beharrezkoa balitz, eremu horretako ureztatze beharrak bermatzeko. "Lehen sektorea eta eskualdea biziberritzeko Uraren Kultura Berria Fundazioak egindako txostenaren ondorioak kontutan hartu behar ditu Foru Aldundiak, haren garapen sozioekonomikoa eta populazioaren finkapena indartzeko helburuarekin", adierazi du Kike Fernandez de Pinedok.

EH Bildu-k Batzar Nagusietan duen bozeramaileak gogoratu duenez, ureztatzeko eremuetako bat -IV. Eremua- amaituta dago eta martxan dauden hainbat putzu ditu. Are gehiago, Uraren Kultura Berria Fundazioaren txostenean islatzen den bezala, gune horren esperientziak erakusten du ureztatze sarean sartutako azalera hasieran planifikatutakoaren erdia izan dela. "Horrek beharrezko egiten du Arabako haran eremu osorako eguneratzea ureztatze eskaera errealak".

Azkenik, eta zonaldearen etorkizuneko behar eta alternatiba agronomiko, sozial eta ekonomikoak aztertu ondoren, EH Bildu-k uste du beharrezkoa dela egiteke dagoen zatia berregituratzea, bai eta tarteko putzuen eraikuntza edo beharrak estaliko dituzten beste neurri batzuk baloratzea ere.

 

 

EH Bilduk Europako eta Ipar Euskal Herriko esperientziak aztertuko ditu Araban lehen sektorea bultzatzeko

Araban bakarrik, 13 urtean 1.400 nekazaritza ustiategi eta 370 abeltzaintza ustiategi desagertu dira. Nekazaritza-politika berrien ondorioz, lehen sektoreak trantsizio agroekologikoak bultzatu beharko ditu. José Bovek eta Mixel Berhokoirigoinek sektorearekin dituzten esperientziak elkarbanatuko dituzte datozen egunetan Gasteizen.

| 2020-02-17 10:51:00

Arabako lurraldearen %32a nekazaritzara bideratuta dago  eta, ordea, landa-eremua krisi egoeran da, sektorearen batez besteko adina 55 urtekoa izanik. Urtetik urtera, nekazaritzako eta abeltzaintzako ustiategiak, baserriak eta upeltegiak desagertzen ari dira, eta lurra gero eta esku gutxiagoren menpe dago. Hori dela eta, EH Bildu-k sektorearen etorkizunari buruzko eztabaida sakona bultzatu nahi du, eta, horretarako, Europako eta Ipar Euskal Herriko beste esperientzia batzuei begiratzea erabaki du. Izan ere, leku horietan uzteak bertan behera gelditzea lortu dute, eta, aldi berean, duintasuna itzuli diote sektoreari.

"Funtsezkoa da administrazioak inplikatzea, baina gizarteak ere kontzientzia hartu behar du ohiturak aldatzearen, tokian tokikoaren alde egitearen eta larrialdi klimatikoari eta eredu industrialari aurre egitearen garrantziaz", nabarmendu dute Kike Fdez de Pinedok eta Eva Lopez de Arroyabek. Are gehiago, EUATAT-en datuen arabera, Araban bakarrik, 13 urtean 1.400 nekazaritza ustiategi eta 370 abeltzaintza ustiategi desagertu dira. Bide horretan, proiektu ekonomiko, sozial eta ekologiko zabalago baten eskutik joan behar duen nekazaritza iraunkorra martxan jartzeko beharra nabarmendu dute.

Hain zuzen ere, Ipar Euskal Herrian Euskal Herriko Laborantza Ganbara abian jartzea lortu dute, non nekazaritza, ekonomia eta gizarte arloko eragileak batu dituzten, tokian tokiko eta elikadura politika ezberdin bat sortu eta elkarrekin garatzeko. Bitartean, Europako Parlamentuan Nekazaritza Politika Bateratu berria eztabaidatzen ari dira, eta murrizketak aurreikusten dituzte orain sektorera bideratzen diren laguntzei dagokienez. Hori dela eta, EH Bilduren ustez, beharrezkoa da lehen sektoreko eta landa-inguruneko pertsonekin egoeraz hausnartzea, baita ideia eta proposamen berriak mahaiaren gainean jartzea eragile sozial eta politikoen premiak eta mehatxuak aztertuz.

Helburu horrekin, Jose Bovek eta Mixel Berhokoirigoinek lan jardunaldiak egingo dituzte datozen egunetan Gasteizen. Lehena europarlamentaria eta nekazaritza sindikalista da, eta lehen eskutik ezagutzen du Europako nekazaritza politika. Bigarrena Euskal Herriko Laborarien Batasunaren eta Euskal Herriko Laborantza Ganbararen bultzatzaileetako bat da.

ALBISTEAK

EH Bildu-k Arabako upategi familiarrak babestuko dituen eredu bat garatzeko edozein ahaleginen aurrean Errioxako Kontseilu Arautzaileak duen itxikeria salatu du.

2020-07-30 09:44:00

Arabako ekoizpen-eredu koherentea eta familiarra babesten duen ekimen eta alternatiba oro babestuko du EH Bildu-k, Errioxa jatorri-deituraren barruan edo kanpoan.

EH Bildu-k Arratzua-Ubarrundiako Udalari eskatu dio Iberdrolari eska diezaiola linea elektriko berria osorik lurperatzea

2020-07-28 21:13:00

Arantza Arranz: "Eusko Jaurlaritzaren erabakiak ingurumenean eragin larriak dituen aireko zati bat mantentzea proposatzen du, nahiz eta tarte hori lurperatzeko aukera ere badagoen. Azken aukera horrek hobekuntza estetikoak dakartza paisaia naturalean, segurtasun handiagoa herritarrentzat eta ingurunearentzat, baita mantentze lana hobetzea ere".

EH Bildu-k Aldundiaren izaera "deshumanizatzailea" salatu du, egoitzetako bisitak mugatzeko edo eguneko zentro publikoak ixteko hartu duen erabakiaren aurrean

2020-07-24 08:52:00

Claudia Venceslao: “Jakina, segurtasun- eta osasun-neurrien alde egiten dugu, baina ez gizarte-baliabideen deshumanizazioaren kontura, hain ahulak diren pertsonak eta adinekoak artatzen baitituzte".

EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek egia, memoria, justizia eta erreparazioa eskatuko dute frankismoko biktimentzako uztailaren 18an

2020-07-16 11:40:00

Estatu kolpearen 84. urteurrenarekin bat eginez, omenaldia eta elkarretaratzea antolatu dituzte.