Araba

Erakunde adierazpena proposatu du EH Bildu-k azken egunetako lan heriotzak gaitzesteko eta neurriak eskatzeko

| 2020-01-09 10:17:00

2020.urtea hasi denetik, sei langile hil dira Euskal Herrian, haietako hiru Araban. Urtarrilaren 2ko lan-heriotzaren ostean Gasteizko udalean onartu zen erakunde adierazpenetik tiraka, EH Bildu batzarkide taldeak ere erakunde adierazpen bat aurkeztu du bozeramaile batzordean onartua izan dadin. 

Aurkeztutako erakunde adierazpen proposamena:

1.-  Arabako Batzar Nagusiek atsekabea adierazten dute, 2020ko urtarrilean  Arabako hiru enpresetako (55 urteko gizona Olarizun, 25 urteko Mercedeseko gaztea, 52 urteko gizona Lantaronen) langileek izandako lan-istripuetan izandako heriotzengatik. Doluminak helarazi nahi dizkiete hildakoen langileen familiei, lagunei eta lankideei. Era berean, lan-istripuen salaketa publikoa egiten dute, eta Eusko Jaurlaritzaren Segurtasun Sailak eta Osalanek heriotzaren inguruabarrak argitu ditzatela eskatzen dute, familia eta senitartekoei informazioa eman ahal izateko.

2.- Arabako Batzar Nagusiek agerian utzi nahi dute lan-prekarietateari aurre egin behar zaiola, lan istripuak ekidin egin behar direla, gauza guztien gainetik eta kosta ala kosta, lan-segurtasunak lehentasunezkoa izan behar baitu edozein lanetan. Ezinbestekoa da laneko osasunari eta laneko segurtasunari buruzko kanpainak bultzatzen jarraitzea, baita laneko arriskuen prebentziorako arauak bete daitezen eskatzea ere, bereziki lan-prekarietate argiko egoeretan.

3.- Horregatik guztiagatik, Arabako Batzar Nagusiek erakunde guztiei eskatzen diete lan-arriskuen prebentziorako jardunbide egokiei buruzko proiektuak gauzatzen laguntzeko -lan-administrazio, sindikatu eta patronal-erakundeekin koordinatuta-, laneko segurtasunaren eta osasunaren aurkako delituen kontra aritzeko, eta ikuskapen-zereginak areagotu eta hobetzeko.

4.- Halaber, Arabako Batzar Nagusiek bat egiten dute heriotza hau salatzea eta hildakoaren familiari babesa eta elkartasuna adieraztea xede duten ekimenekin, eta horietan parte hartzera dei egiten diete herritar guztiei.

EH Bildu-k Arabako Aldundiak Herrizaingo Sailarekin duen hitzarmena betetzea exijitu du, Batzar Nagusiek normaltasunez funtzionatzeko

Iñaki Ullibarri: "Foru Aldundiak Hitzarmena salatu nahi badu, horretarako ezarritako prozedura jarraitu dezake; bitartean, hau bete behar dute"

| 2020-01-08 10:27:00

Arabako Batzar Nagusiak datozen egunetan sei orduz itxita egongo direla jakin ostean, EH Bildu-k hitzarmena betetzeko eskatu dio Foru Gobernuari, erakunde horrek normaltasun osoz funtziona dezan. "Ez da normala Batzar Nagusietako garatxoa hutsik egotea egun osoan, miñoien auto bat metro gutxira dagoen bitartean. Gainera, Batzar Nagusietako eraikina 07:00etatik 15:00etara baino ez da egongo irekita astelehenetik ostiralera ", salatu du Iñaki Ullibarri batzarkideak.

Lehenik eta behin, EH Bildu-k defendatu duenez, batzarren funtzionamendu normala ohiko ordutegian bermatu behar da, “salbuespenik gabe". Gainera, aurreratu duenez, "puntu horiek betetzen ez dituzten planteamendu guztiak babestu ez ezik, publikoki salatu ere egingo ditugu".

Bigarrenik, EH Bildu-k gogorarazi du Batzar Nagusiek hitzarmen bat dutela Arabako Foru Aldundiarekin, eta, horren bidez, hasiera batean, Batzar Nagusien eraikineko segurtasun-lanak miñoien kidegoari dagozkiola. Eta, gaur egun, miñoien agintari nagusia Ramiro Gonzalez Ahaldun Nagusia denez, ulertezina iruditzen zaio EH Bildu-ri Aldundiak hitzarmen horretan ezarritakoa betetzeari uko egitea, eta horrek eragotzi egiten du ohiko funtzionamendua.

'Nolanahi ere, Foru Aldundiak Hitzarmena salatu nahi badu, horretarako ezarritako prozedurari jarraituz egin dezake, baina bitartean, bete egin behar du ', adierazi du Ullibarrik.

ALBISTEAK

Arabako Teknologia Parkeko zuzendaritzak herrialdeko erakundeei De Miguel auziaren ondorioei buruzko azalpenak ukatu dizkiela salatu du EH Bilduk

2020-01-24 11:29:00

Arabako Batzar Nagusietan eta Gasteizko Udalean agerraldia egiteari uko egin diote eta EH Bilduk euren agerraldia eskatu du Eusko Legebiltzarrean

Barrundiak eskola txikiko ateak zabalduko ditu irailean

2020-01-16 12:31:00

Haur eta Lehen Hezkuntzako bi gela izango ditu eta jantokia zein garraioa eskainiko du

EH Bildu-k CIAM San Prudentzio eraberritzeko proiektuari berriz ekiteko eskatu dio Aldundiari, plaza publiko berriak sortzea ahalbidetzeko

2020-01-14 09:32:00

Claudia Venceslao: "Egoitza-plaza publikorik sortu gabe pairatzen dugun hirugarren legealdia izan daiteke"