Araba

Barrundiako Udalak Eskola Txikiko behin behineko matrikulazio zerrenda eskatu dio Hezkuntza Sailari

Pasaden martxoaren 17an jakinarazi behar zitzaien gurasoei eta Barrundiako Udalari aipatutako zerrenda egin beharreko alegazioak egiteko aukerak emanez

| 2020-03-25 12:27:00

Barrundiako Udalak bertako Eskola Txikiko behin behineko matrikulazio zerrenda eskatu dio Hezkuntza Sailari. Izan ere, pasa den martxoaren 17an Hezkuntza Sailak Barrundiako Udalari zein gurasoei jakinarazi behar zien zerrenda hori, astebeteko epean, egin beharreko alegazioak egiteko aukera emanez. “Ez dugu inolako azalpen ofizialik jaso eta ez dugu ulertzen zergatik ez den behin betiko zerrenda publiko egin. Lehenbailehen jakinaraztea eskatu diogu Hezkuntza Sailari eta horrekin batera, azalpenak ere eskatu dizkiogu”, azaldu du Igor Medina Isasa Barrundiako Alkateak.

Horrela jasota dago Barrundiako Udalak Hezkuntza Sailari gaur igorri dion idazkian. Bertan, kezka azaltzeaz gain, alegazioak egiteko ezarriko den epe muga ere zehaztea eskatzen zaio Hezkuntza Sailari.

Matrikulazio kanpaina amaituta, 21 umek izena eman zuten hurrengo ikasturtean zabalduko den Barrundiako Eskola Txikian. Ia gehienak udalerrikoak dira eta horietako 15 umek Haur Hezkuntzan izena eman zuten eta beste 6k Lehen Hezkuntzan.

Urtetako lanaren ondorioz lortu du Barrundiak eskola txiki bat izatea. Ekinbide izeneko eraikinean egongo da eta eraikina bera egokitzeko Barrundiako Udalak 74.600 euro inbertituko ditu.

Barrundiako udalerriak 880 bizilagun inguru ditu, eta horietatik 85 dira 2 eta 12 urte bitarteko neska-mutikoak. Gaur egun, udalerria osatzen duten 13 herrietatik beste udalerrietara joan behar dira  3 urtetik gorako haurrak egunero ikastera; txikiagoek Haur Eskola dute Ozaetan.

EH Bildu-k Arabako erresidentzietako kudeaketa eta kontrola bere gain har dezala exijitu dio Foru Aldundiari

Kike Fdz de Pinedo: "Osasun eta gizarte krisi honek agerian utzi ditu gure lurraldeko etxez etxeko laguntza-zerbitzuek eta egoitza pribatuek urteetan zeramatzaten gabezia handiak, bai eta bertako langileen lan-baldintza txarrak eta adinekoei arreta emateko baldintza eskasak ere"

| 2020-03-24 10:41:00

EH Bildu-k hainbat proposamen aurkeztu ditu etxez etxeko laguntza-zerbitzua hobetzeko eta Arabako egoitza guztietan neurri zehatzak ezartzeko. Neurri hauek etxez etxeko laguntza-zerbitzuko eta egoitzetako langileekin eta baliabide horietan ordezkaritza duten sindikatu nagusiekin adostu dira.

Zehazki, Espainiako Gobernuak ezarritako neurri berrietan oinarrituta eta egungo euskal eskumen-esparruaren barruan, EH Bildu-k Foru Aldundiak bere gain har dezala lurraldeko egoitza pribatu guztien kontrola eta kudeaketa eskatu du. Gainera, kudeaketa, kontrola, jarduera-protokoloak eta NBEen hornidura Foru Aldundiaren ardura izatea ere exijitu du.

Kike Fdz de Pinedok gogorarazi duenez, "salbuespenezko egoera baten aurrean gaude eta egoera horrek agerian uzten ari ditu EH Bildu-k urteetan zehar salatu duen zaintza-krisia”. Ildo horretan, EH Bildu-k etxez etxeko laguntza-zerbitzua eta egoitzetako langileen eta egoiliarren arrisku larriko errealitatea  deitoratu du. Horretarako, zerbitzu horietan egin ahaleginak egin behar direla adierazi du, nagusiak eta zerbitzu eta zentro horietako langileak sufrimendu handienean egon ez daitezen.

Horretarako, EH Bildu-k zentro horietako langile guztiei EPI egokiak emango zaizkiela “berehala” berma dadila exijitu du: galtzerdiak, betaurrekoak, maskarak, eskularruak, gelak... Horretaz gain, 24-48 orduko epean COVID-19ko testa adinekoen egoitzetako egoiliar guztiei egin behar zaiela adierazi du, publiko zein pribatuei, moduluetan edo logeletan positibo ematen duten pertsonak isolatu ahal izateko. Fdz de Pinedok, halaber, langile soziosanitario gehiago dituzten egoitza horietako plantilla handitzeko eta indartzeko eskatu dio Aldundiari: "IFBS-ak bere lan-poltsetako pertsonak deitzen hasi behar ditu, eta, horiek agortuz gero, beste edozein kontratazio-modalitatetara jo behar du, besteak beste, Lanbidera".

Jarraipena eta diagnostikoa egiteko talde baten beharra

Azkenik, Etxez Etxeko Laguntza Zerbitzuari dagokionez, EH Bildu-k azpimarratu du Gizarte Ongizaterako Foru Erakundeak, beharrezkoa bada, zuzenean bermatu behar duela langileen ekipamendu egokia lanaldiaren hasieran eta lanaldiaren amaieran, nahiz eta horrek Etxez Etxeko Laguntza Zerbitzuaren ohiko funtzionamendua aldatzea ekarri. EH Bildu-ren proposamenean, osasun-alertak irauten duen bitartean, etxez etxeko laguntza-zerbitzuak oinarrizkoak izango dira (etxeko oinarrizko garbiketa, elikagaien eta sendagaien erosketa, artatutako pertsonen garbiketa …), eta etxez etxeko laguntza-zerbitzuko profesional bakoitzak protokolo argiak izango ditu idatziz, norberaren edo artatutako pertsonen kutsadura-sintomak daudenean bete beharreko jarraibideekin. Eta horri guztiari eguneko zentroen eta zentro okupazionalen itxiera gehitu behar diogu, zentro horien erabiltzaileen zaintza zaildu baitute.

Bere proposamena posible egiteko, EH Bildu-k kasuen jarraipena eta diagnostikoa egiteko talde bat GOFEren egituraren barruan sortzea proposatu du, telefono bat gaitzeko dagoen eskariari erantzuteko, artatutako pertsonen osasun-egoeraren eguneroko jarraipena egiteko eta, beharrezkoa bada, zerbitzu hori erabiltzaileei indartzeko.

Horri guztiari aurre egiteko, EH Bildu-k Ramiro Gonzalezi proposatu dio berehala gaitzea 500.000 euroko partida bat ezohiko gastu horiei aurre egiteko, sortutako egoera ikusita nekez betearaziko diren partidetatik kenduz diru hori.

ALBISTEAK

EH Bildu-k Arabako upategi familiarrak babestuko dituen eredu bat garatzeko edozein ahaleginen aurrean Errioxako Kontseilu Arautzaileak duen itxikeria salatu du.

2020-07-30 09:44:00

Arabako ekoizpen-eredu koherentea eta familiarra babesten duen ekimen eta alternatiba oro babestuko du EH Bildu-k, Errioxa jatorri-deituraren barruan edo kanpoan.

EH Bildu-k Arratzua-Ubarrundiako Udalari eskatu dio Iberdrolari eska diezaiola linea elektriko berria osorik lurperatzea

2020-07-28 21:13:00

Arantza Arranz: "Eusko Jaurlaritzaren erabakiak ingurumenean eragin larriak dituen aireko zati bat mantentzea proposatzen du, nahiz eta tarte hori lurperatzeko aukera ere badagoen. Azken aukera horrek hobekuntza estetikoak dakartza paisaia naturalean, segurtasun handiagoa herritarrentzat eta ingurunearentzat, baita mantentze lana hobetzea ere".

EH Bildu-k Aldundiaren izaera "deshumanizatzailea" salatu du, egoitzetako bisitak mugatzeko edo eguneko zentro publikoak ixteko hartu duen erabakiaren aurrean

2020-07-24 08:52:00

Claudia Venceslao: “Jakina, segurtasun- eta osasun-neurrien alde egiten dugu, baina ez gizarte-baliabideen deshumanizazioaren kontura, hain ahulak diren pertsonak eta adinekoak artatzen baitituzte".

EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek egia, memoria, justizia eta erreparazioa eskatuko dute frankismoko biktimentzako uztailaren 18an

2020-07-16 11:40:00

Estatu kolpearen 84. urteurrenarekin bat eginez, omenaldia eta elkarretaratzea antolatu dituzte.