Araba

Gizarte Zerbitzuetako langileei ere ostatu seguruak eskaintzea eskatu du EH Bilduk

EH Bilduren alkatetzetan jabetza pribatu eta publikoko aukerak aztertzen ari dira dagoeneko

| 2020-04-01 12:36:00

Etxekoak babesteko asmoz, Osasungintzako langileek aukera dute ostatu seguruak izateko. Gasteizen adibidez, apartamentuak eta bestelako ostatuak eskaini zaizkie kanpotik datozen langileei edota etxekoak kutsatzeko beldur direnei. Orain, Gizarte Zerbitzuen arloko profesionalei aukera berdina eskaintzea proposatu du EH Bilduk. Eskaera Arabako Gizarte Politikako Foru Diputatuari igorri dio EH Bilduk eta, besteak beste, Etxez Etxeko Laguntza Zerbitzuan, Egoitzetako egoitzetan edota aniztasun funtzionala duten pertsonentzako egoitzetan lanean aritzen diren pertsonei zuzenduta dago.

 

Dagoeneko, EH Bilduk gobernatzen dituen hamaika alkatetzetan aukerak atertzen ari dira eta eskuragarri egon daitezkeen jabetza publiko edo pribatuetako etxebizitza libre, hotel eta bestelako ostatu zerbitzuen errolda bat osatzen ari da, beti ere, ostatu hauen jabeekin elkarlanean. Baina horrez gain, Gasteizen, Laudion, Amurrion eta Agurainen proposamen bera egingo du EH Bilduk.

 

Izan ere, langileek behin baino gehiagotan euren “kezka” adierazi dute COVID 19k sortutako krisian lehen lerroan daudelako lanean. Gutxi balitz, askotan, bere lana egiten ari dira babeserako ekiporik gabe eta, ondorioz, kutsatzeko arriskua biderkatzen da. “Asko eta asko, etxera itzultzen direnean senideak kutsatzeko arriskuan daude eta hainbat kasutan egoera oso kezkagarria da horietako batzuk arrisku taldeko pertsonak dira, hau da, pertsona nagusiak edo bestelako gaixotasunak dituzten pertsona. Langilek horiek guztiek euren eskubidea dute ez soilik euren lana segurtasunezko berme guztiekin egiteko, baizik eta etxekoak zaintzeko ere”, azaldu du Claudia Venceslao EH Bilduko batzarkideak.

 

 

 

 

 

Urkabustaizko Udalak babesik gabeko familiei laguntzeko partida aktibatu du COVID-19aren ondorio ekonomikoei aurre egiteko

Beharrak dituzten pertsonei laguntzeko sortu den herritarren sarearekin lankidetzan ari da Udala

| 2020-03-31 11:14:00

Urkabustaizko Udalak babesik gabeko familiei laguntzeko diru saila aktibatu du, Coronavirusak sortutako osasun pandemiaren ondorioz udalerrian gertatu diren zaurgarritasun kasuei aurre egiteko. Hala eskatu dute Gorbeialdeko Kuadrillako gizarte-zerbitzuek; azken horiek modu telematikoan lan egiten baitute alarma-egoera deklaratu zutenetik.

 

3.000 euroko partida da, baina behar izanez gero, handitu daiteke. Duela hiru urte sortu zen, eta ez da beti erabiltzen. "Bestelako laguntzak eskuratzeko aukerarik ez duten eta muturreko behar egoera duten pertsonei erantzun arina eman nahi diegu, beti ere gizarte langilearen iradokizun eta txostenei jarraituz", azaldu du Xabi Alavarez de Arcaya Urkabustaizko alkateak.

 

Bestalde, Urkabustaizko Udalak lankidetza estua du beharra duten pertsonentzako laguntzeko udalerrian sortu den herritarren sarearekin. Alvarez de Arcayak azaldu duenez, whatsapp talde bat sortu da, eta bertan, saltokien bidez, adineko pertsonei edo mugikortasun arazoak dituztenei erosketak egiten laguntzen zaie. Murgian dagoen Eguneko Arretarako Landa Zentroko sei erabiltzaileei bereziki eskaintzen zaie, zentro horrek ateak itxi zituen eta.

 

Gainerakoan, Urkabustaizek modu telematikoan edo telefonoz artatzen ditu bertako bizilagunak martxoaren hamahiruaz geroztik. Gainera, bere instalazioak itxita mantentzen ditu, hala nola Kultur Etxea, Jubilatuen lokala edota frontoia.

 

Urkabustaizko baserritar askok etxe ondoan edo mendian abereak dituztenez, Urkabustaizko Udaletik gogorarazi dute Aldundiak ematen duen animalien erregistroa, kartilla berdea edo abeltzain txartela eraman behar dela beti. Animaliak zaintzeko autoz edo traktorez joan behar izanez gero, pertsona bakarra joan daiteke, eta ezin dela egon behar baino denbora gehiago.

 

Azkenik, Urkabustaizko alkateak herritarrei gogorarazi die etxean egon behar dela, eta dei egin die auzokideei adineko pertsonak bereziki zaintzera, koronabirusaren aurrean ahulenak baitira.

 

ALBISTEAK

Donemiliagak adinekoei laguntzeko programa konfinamendura egokitu du

2020-04-03 12:27:00

Udalak, boluntarioekin batera, desinfekzio lanak egiten ditu udalerriko 15 herrietan

EH Bildu-k hala eskatuta, Arabako Batzar Nagusietako Bozeramaileen Batzordeak talde guztien parte-hartzea ahalbidetuko duen akordioa eztabaidatuko du

2020-04-03 09:29:00

Kike Fdz de Pinedo: “Egungo impasse egoerak larriki hondatzen ari ditu Foru Gobernuaren gaineko jarraipen, kontrol eta fiskalizazio funtzio legitimoa egiteko ditugun gutxieneko baliabideak. EH Bildu-tik beste parte-hartze eta kontrol mota bat posible dela uste dugu, non denok lekua izango dugun"

Zalduondok konfinamenduari buruzko argazki lehiaketa antolatu du

2020-04-02 10:45:00

Bidalitako materialarekin erakusketa bat antolatuko da alarma egoeraren ostean