Araba

Asparrenak elkartasunezko 40 kit banatu dizkie etxez etxeko laguntza-zerbitzuaren erabiltzaileei babesa bermatzeko

Herritarrek latexezko eta binilozko eskularruak eta maskarak eman dituzte, baita 3D pantailak ere, etxez etxeko laguntza-zerbitzua zein baldintza eskasetan ematen zen jakin ondoren.

| 2020-04-07 11:26:00

. Joan den astean, Txelo Auzmendi Asparrenako alkateak ohartarazi zuen etxez etxeko laguntza zerbitzua segurtasun eta prebentzio ekipamendurik gabe ematen ari zela. Hala salatu zuten langileek eta erabiltzaileek. Egoera ezagutu bezain laster, Asparrenako herritarrek prebentzio-materiala jaso eta eman dute: latexezko eta binilozko eskularruak, maskarak eta baita bizilagun batek bere inprimagailuarekin etxean egiten ari den 3D pantailak ere.

Bildutako material guztiarekin 40 kit egin eta banatu dira zerbitzuaren erabiltzaileen artean. Osasun zentroan ere materiala utzi dute osasun langileen eskura. "Erabiltzaileek beraiek ohartarazi zioten Udalari segurtasun falta sentitzen zutela, jakinda langileak egunean bost etxebizitzatatik pasa daitekeela eta ez zutela eskularru, maskara edo amantala nahikorik kutsadurarik ez izateko", zehaztu du Txelo Auzmendi Asparrenako alkateak.

Adierazi duenez, ekimen honekin "materiala eskaintzeaz gain, bakarrik ez daudela sentiarazi nahi diegu, eta zerbitzu horiek kudeatzen dituzten enpresek hori egiten ez duten bitartean, herrikoak pertsona ahulenak babesteko prest daudela".

Asparrengo alkateak nabarmendu nahi izan du gizarteak erakutsi duela zaintzaren aldeko zeregin horretan aurretik joaten dakiela, eta sare naturala dela, hurbilena, gabeziak ikusten direnean aktibatzen eta funtzionatzen duena. "Beste behin ere agerian geratu da oinarrizko gizarte-zerbitzu bat, etxez etxeko laguntza-zerbitzua, funtsezkoa dela zaintzan, eta, beste behin ere, agerian geratu da ahaztuta dagoen eta behar adina hornitu ez den handietako bat dela. Udal txikiak handiak izan gaitezkeela ere erakutsi dugu, hurbiltasun horrengatik eta inguruko errealitatea ezagutzeagatik erantzuten jakin badakigulako", gaineratu du.

 

 

 

Aramaioko Udala zaintzen herritarren sarearekin elkarlanean dago

Zapi gorrien kanpaina abian jarri da herrian elkartasuna adierazteko

| 2020-04-05 11:38:00

Aramaioko Udala herritarren sarearekin elkarlanean dago COVID19-k sortutako beharrei erantzuteko. Hogei bat lagunek osatzen dute sarea eta gazteek bultzatu zuten sare hori eta orain, talde feministarekin batera, zapi gorrien kanpaina abian jarri dute. Zapi gorriak jartzera leiho eta balkoietan animatu ditu Lierni Altuna Aramaio Alkateak jarrera epaitzaileak alde batera utziz eta elkartasuna eskaintzen duten etxeak ezagutaraziz. “Nik pertsonalki ez dut aparteko arazorik izan konfinamendua betearazteko lana dutenekin, baina benetan adierazi dezaket gure herrian nahiko zentzuz eta txintxo gabiltzala horretan, beraz mesedez eskatzen diet lan hori dutenei errespetuz eta zentzunaren barruan egiteko lan hori, egoera ez baita erreza inorentzako”, azaldu du Altunak.

Bestalde, beharrezkoak diren zerbitzuak eskaintzen ditu Aramaiko Udalak. Udalak  telefono bidezko zerbitzua ematen du, goizez 945 445016 zenbakian. Herriko dendariek orain arteko zerbitzua emanten jarraitzen dute, beti ere segurtasun neurriak mantenduta. Argi eta ur zerbitzua, normaltasunez ematen dira, baita hondakinen bilketa zerbitzua eta konpostarena ere.

Larrialdiak kudeatzeko ere protokolo dute. Gauzak horrela, auzoetan emergentzia kasuren bat gertatuz gero, auzo alkatearekin kontaktuan jartzea gomendatzen da, beraiek kudeatuko dutelako arazoa. Bestela emergentzia kasuren bat emanez gero eta nola jokatzeko zalantzarik izanez gero, boluntarioen sarearen bitartez kudeatu daiteke eta nagusi eta mendekotasun egoeran daudenei zerbitzua ematen zaie. Zerbitzua eskatzeko edo bolondres modura apuntatzeko, 649 995 751 telefonoa erabili behar da.

“Udalean ahal duguna egiten ari gara ur, hondakin, garbiketa eta argiaren zerbitzuak, orain arte bezala, ahalik eta ondoen ematen jarraitzeko, inguruak desinfektatzeko, seguruak diren lan batzuk aurreratzeko… Batzuk, etxetik; beste batzuk, txandaka; beste batzuk, kalean;... eta denok arrisku ikusezin baina latz honi ahalik eta seguruen eta hoberen erantzun eta ahal diogunari eusten gabiltza, denon artean honi ahalik eta hoberen buelta eman ahal izateko” laburbildu du Aramaioko Alkateak

 

ALBISTEAK

EH Bildu-k Arabako upategi familiarrak babestuko dituen eredu bat garatzeko edozein ahaleginen aurrean Errioxako Kontseilu Arautzaileak duen itxikeria salatu du.

2020-07-30 09:44:00

Arabako ekoizpen-eredu koherentea eta familiarra babesten duen ekimen eta alternatiba oro babestuko du EH Bildu-k, Errioxa jatorri-deituraren barruan edo kanpoan.

EH Bildu-k Arratzua-Ubarrundiako Udalari eskatu dio Iberdrolari eska diezaiola linea elektriko berria osorik lurperatzea

2020-07-28 21:13:00

Arantza Arranz: "Eusko Jaurlaritzaren erabakiak ingurumenean eragin larriak dituen aireko zati bat mantentzea proposatzen du, nahiz eta tarte hori lurperatzeko aukera ere badagoen. Azken aukera horrek hobekuntza estetikoak dakartza paisaia naturalean, segurtasun handiagoa herritarrentzat eta ingurunearentzat, baita mantentze lana hobetzea ere".

EH Bildu-k Aldundiaren izaera "deshumanizatzailea" salatu du, egoitzetako bisitak mugatzeko edo eguneko zentro publikoak ixteko hartu duen erabakiaren aurrean

2020-07-24 08:52:00

Claudia Venceslao: “Jakina, segurtasun- eta osasun-neurrien alde egiten dugu, baina ez gizarte-baliabideen deshumanizazioaren kontura, hain ahulak diren pertsonak eta adinekoak artatzen baitituzte".

EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek egia, memoria, justizia eta erreparazioa eskatuko dute frankismoko biktimentzako uztailaren 18an

2020-07-16 11:40:00

Estatu kolpearen 84. urteurrenarekin bat eginez, omenaldia eta elkarretaratzea antolatu dituzte.