Araba

EH Bildu-k eztabaidatzeko eta kontrolatzeko mekanismoak eskatu ditu Batzar Nagusietan, krisi honetan erakundeari prestigioa itzultzeko eta gizarteari egindako ekarpenak ahalbidetzeko

Kike Fdz de Pinedo: "Hasieratik argi izan dugu gure lehentasuna elkarlanean aritzea eta proposamenak ekartzea izan behar duela. Duela hilabete bat Batzar Nagusien jarduera ia erabat eten zenean bezala, eskua luzatuta izaten jarraitzen dugu"

| 2020-04-08 11:58:00

Astearteko Bozeramaileen Batzordearen eta Araudi Batzordearen ostean, EH Bildu batzarkide taldeak eztabaidarako eta kontrolerako mekanismoak eskatu ditu Batzar Nagusietan. Aldi berean, foro zehatz bat egokitzen ez den bitartean, erakunde barruan dituen aukera guztiak baliatuko dituela iragarri du eta, hala, erakundeari prestigioa itzul diezaion eskatuko du. Kike Fernandez de Pinedo bozeramaileak, Batzar Nagusiek ateak itxi eta jarduera ia erabat gelditu zutenetik iragarri ditu neurriok.

Horren harira, hilabete baten ondoren, atzoko agerraldia berandu iritsi zela deitoratu du Fernandez de Pinedok: "Krisi mahai bat eskatu genuen jarraipena egiteko eta elkarlanean aritu ahal izateko, baina ez dute nahi izan: hasieratik argi izan dugu gure lehentasuna izan behar zela, hala izan denez, elkarlanean aritzea eta proposamenak ekartzea, baina badirudi ez dela horrela izan alderdi guztientzat".

Ahaldun Nagusiak iragarri du foru exekutiboa prest dagoela agerraldi ezberdinak egiteko eta lankidetzan aritzeko, eta krisi-mahaia sortzeari uko egin ondoren, EH Bildu-k eskua luzatu die gainerako alderdiei elkarlanean aritzeko, elkarrekin lan egiteko eta ahal denean agerraldiak eskatzeko: "Aukera guztiak baliatuko ditugu elkarrekin lan egiteko eta foru exekutiboaren jarduera kontrolatzeko".

"Batzar Nagusiak pairatzen ari duten desprestigioaren aurrean, ekimena hartu eta ahal den esparru guztietan lanean jartzeko garaia da, ia jarduerarik gabe hilabete daraman etxe honetara zilegitasuna itzul dadin. Arabako herritarrek ez gintuzten honetarako aukeratu”, adierazi du Fernandez de Pinedok. Gaineratu duenez, "hasieratik argi izan dugu gure lehentasuna izan behar zela, hala nola elkarlanean aritzea eta proposamenak egitea. Eskua luzatuta jarraitzen dugu, duela hilabete Batzar Nagusien jarduera ia erabat eten zenean bezala".

Ildo horretan, EH Bildu-k kritikatu du EAJ-PSE gobernuak lau eragile ekonomikorekin lan mahai bat osatzea erabaki izana, eta sindikatuekin edo Batzar Nagusietako talde politikoekin bildu ez izatea aldi berean, "denbora falta" argudiatuta.

Proposamenak mahairen gainean

Fernandez de Pinedok prentsaurreko birtualean gogora ekarri duen proposamen sortaren bitartez, EH Bildu-k eskua luzatuta jarraitzen duela nabarmendu du.

Arlo soziosanitarioari dagokionez, EH Bildu.k behin eta berriz esan du – oraind ela 20 egun esan zuen lehenengoz– osasun-zerbitzuetako, adinekoen egoitzetako edo etxez etxeko laguntza-zerbitzuetako eta gainerako zerbitzuetako langile guztiei EPIak eman eta ziurtatu behar zaizkiela, eta, horrez gain, Covid-19 detektatzeko test azkarrak egin behar zaizkiela adinekoen egoitzetako eta desgaitasuna duten pertsonen zentroetako erabiltzaile guztiei, bai eta zentro horietako langile guztiei ere. Izan ere, Diputatu Nagusiak aitortu zuen 47 pribatuetako lau egoitzetan bakarrik egin direla frogak, horregatik Fernandez de Pinedok gogorarazi du garaia dela krisialdiak irauten duen bitartean egoitza pribatuen kontrola eta kudeaketa hartzeko.

Neurri ekonomikoei dagokienez, zerbitzu publikoak, zaintzak, osasuna eta hezkuntza indartzea ezinbestekotzat jo du EH Bildu-k. "Ezin dugu aurreko krisiaren akatsik egin, desberdintasunak areagotzen dituzten politika austerizidekin".

"Konua ez da nork duen arrazoi: krisitik atera beharra dago, eragile guztien artean eredu aldaketa bat eraikiz zainketen eta gizarte zerbitzuen gaian. Jendearengan pentsatzeko garaia da", adierazi du Fernandez de Pinedok.

EH Bildu "atsekabetuta" agertu da EAJ-k eta PSE-k oposizioaren parte-hartzea eta kontrola ahalbidetzeko onartutako neurri eskasengatik

Kike Fdz de Pinedo: "Pandemiaren kudeaketan partekatzeko eta laguntzeko Krisi Mahai bat sortzea proposatu genien, eta uko egin zioten. Orain, astero Batzorde Iraunkorra gaitzea proposatu diegu, Ramiro Gonzalezen gobernuari galdetu eta ekarpen zuzenak egin ahal izateko, eta uko egin diote epeak eta funtzionamendua zehazteari"

| 2020-04-07 11:59:00

EH Bildu "atsekabetuta" atera da astearte honetan Arabako Batzar Nagusietan egindako Bozeramaileen Batzordetik. Atsekabetuta, oposizioaren aldetik foru exekutiboaren gaineko kontrol parlamentarioa bermatzeko EAJ-k eta PSE-k onartutako neurriak "eskasak" direlako.

Kike Fernandez de Pinedo EH Bilduren Arabako Batzar Nagusietako bozeramaileak gogorarazi duenez, EH Bildu-k hainbat eragilerekin eta alderdi guztien parte-hartzearekin krisi mahai bat martxan jartzea proposatu du behin baino gehiagotan, nahiz eta EAJ-k eta PSE-k proposamen hau baztertu. 

"Pandemiaren kudeaketan partekatzeko eta laguntzeko Krisi Mahai bat sortzea proposatu genien, eta uko egin zioten. Orain, astero Batzorde Iraunkorra gaitzea proposatu diegu, Ramiro Gonzalezen gobernuari galdetu eta ekarpen zuzenak egin ahal izateko, eta uko egin diote epeak eta funtzionamendua zehazteari", adierazi du.

Ildo horretan, EH Bildu-k "kezkagarritzat" jo du PSE-k Bozeramaileen Batzordean gaur hartu duen jarrera. Izan ere, Nafarroako Parlamentuan ez bezala -Batzar Nagusietan eh Bilduk proposatutako neurri berberak onartu zituen-, EAJ-k egindako pandemia kudeatzearen monopolioa defendatzea erabaki du, Gizarte Zerbitzuen jarduerari dagokionez gainezka egin duenean eta Arabako patronalaren jarrera ultraproduktiboetan errotuta dagoenean.

Amaitzeko, EH Bilduk "erantzukizuna eta jarrera eraikitzailea" erakusten jarraituko duela adierazi du. Horretarako, herritarrei zein Foru Gobernuari proposamen egokiak helarazten jarraituko du, egungo krisi sozio-sanitarioa gainditzeko bidean aurrera egiteko.

ALBISTEAK

EH Bildu-k Arabako upategi familiarrak babestuko dituen eredu bat garatzeko edozein ahaleginen aurrean Errioxako Kontseilu Arautzaileak duen itxikeria salatu du.

2020-07-30 09:44:00

Arabako ekoizpen-eredu koherentea eta familiarra babesten duen ekimen eta alternatiba oro babestuko du EH Bildu-k, Errioxa jatorri-deituraren barruan edo kanpoan.

EH Bildu-k Arratzua-Ubarrundiako Udalari eskatu dio Iberdrolari eska diezaiola linea elektriko berria osorik lurperatzea

2020-07-28 21:13:00

Arantza Arranz: "Eusko Jaurlaritzaren erabakiak ingurumenean eragin larriak dituen aireko zati bat mantentzea proposatzen du, nahiz eta tarte hori lurperatzeko aukera ere badagoen. Azken aukera horrek hobekuntza estetikoak dakartza paisaia naturalean, segurtasun handiagoa herritarrentzat eta ingurunearentzat, baita mantentze lana hobetzea ere".

EH Bildu-k Aldundiaren izaera "deshumanizatzailea" salatu du, egoitzetako bisitak mugatzeko edo eguneko zentro publikoak ixteko hartu duen erabakiaren aurrean

2020-07-24 08:52:00

Claudia Venceslao: “Jakina, segurtasun- eta osasun-neurrien alde egiten dugu, baina ez gizarte-baliabideen deshumanizazioaren kontura, hain ahulak diren pertsonak eta adinekoak artatzen baitituzte".

EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek egia, memoria, justizia eta erreparazioa eskatuko dute frankismoko biktimentzako uztailaren 18an

2020-07-16 11:40:00

Estatu kolpearen 84. urteurrenarekin bat eginez, omenaldia eta elkarretaratzea antolatu dituzte.