Araba

Eliza OHZ ordaintzetik salbuesten duen foru araua aldatzeko eskatu du EH Bilduk

Euskal Herria Bilduk Gasteizko Udalari eta Arabako Foru Aldundiari eskatu die beharrezko neurriak har ditzatela Eliza Ondasun Higiezinen gaineko Zerga ordaintzen has dadin, Europako beste herrialde batzuetan egiten den bezala

| 2020-03-10 11:58:00

EH Bilduren udal eta foru taldeek agerraldia egin dute astearte goizean, Ondasun Higiezinen gaineko Zergari buruzko araua alda dadin eskatzeko eta horrela Eliza Katolikoak zerga ordaindu dezan eta pribilegio fiskalak izateari utz diezaion.

Rocio Vitero EH Bilduko zinegotziak OHZren 42/1989 Foru Araua aldatzeko eskatu du, "EH Bilduren eskaera historikoa da, Elizak OHZ ordaindu ahal izatea ahalbidetuko duen aldaketa batean oinarritzen da eta gurtzarako ez diren espazio guztietan aplikatuko lirateke".

Viterok "neutraltasuna" eskatu die botere publikoei, eta berretsi du badela garaia Espainiako Estatuaren eta Egoitza Santuaren arteko 1879ko urtarrileko akordioaren ondorioz sortutako araudia behingoz iraultzeko. Izan ere, akordio horrek ondasun guztiak OHZ ordaintzetik salbuetsi zuen Eliza.

Horregatik, Viterok fiskalitate bidezkoago baterantz aurrera egitea eskatzen du. Gogoratu duenez, Carmen Calvo espainiar estatuko presidenteordeak ziurtzat jo zuen otsailean Eliza OHZ ordaintzen hasiko zela, izan ere, Bartzelona, Leon eta Valentzia dagoeneko aplikatzen ari dira. Frantzia edo Italia bezalako Europako herrialdeetan ere hartu da neurri hori, eta, are gehiago, Erroman Vatikanoak berak ia 10 milioi euro ematen ditu.

Amaitzeko, Nerea Martinez EH Bilduko prokuradoreak iragarri du batzarkide taldeak dagoeneko erregistratu duela Ondasun Higiezinen gaineko Zergari buruzko foru araua aldatzeko proposamena. Salbuespen hori kulturako ondasun higiezinetan bakarrik izango da, besteak beste, tenpluetan, gurtzarako kaperetan edo kleroa osatzeko mintegietan.

Martinezek azpimarratu duenez, "beharrezkoa eta funtsezkoa" da pribilegio fiskal horiekin amaitzea. Ezinbestekotzat jotzen du ere, OHZ arautzen duen araudiaren egoera fiskalaren berrikuspena egitea, horrela argituz Eliza katolikoaren zein ondasunek egon behar duten zerga hori ordaintzetik salbuetsita eta zeintzuk ez.

"EH Bilduren ustez, Eliza katolikoaren pribilegio fiskal eta ekonomikoekin amaitu behar da, eta horrela babesten du EBJAk 2017ko ekainaren 27ko epaian; epai horren arabera, Eliza behartuta dago jarduera ekonomikoetako zergak ordaintzera merkatuan beste operadore bat bezala jarduten dutenean. Hau da, titular diren eta gurtzarako ez diren ondasun guztiengatik tributatu behar dute. Bestela, salbuespenak Estatuaren legez kanpoko laguntzak izango lirateke eta lehia desleialaren kasu argia izango lirateke ", gaineratu du Martinezek.

Mikel Otero: "Herrialde honek aire berriak behar ditu bere potentzial izugarria aktibatzeko, XXI. mendeko erronkei anbizio, ekimen eta politika berrituekin aurre egiteko"

Maddalen Iriarte: "Eh Bildu indartsu bat baino ez da gai bizikleta estatikoaren ituna berrargitaratzeko"

| 2020-03-07 12:54:00

Mikel Otero EH Bildu-ko Arabako zerrendaburuaren hitzetan, "EAJ-ren eredua, herri hau paralisira eraman duen berbera, amaituta dago". Hori dela eta, Oterok agerian utzi duenez, "herri honek haize berria behar du berriz bere potentziala suspertzeko; herri honek haize berria behar XXI. mendeko erronkei anbizio, ekimen eta politika berrituekin heltzeko; herri honek haize berria behar du lurralde oreka zaindu eta arabarron beharrei, ere, arreta jartzeko. Eta haize berri hori EH Bildu-ren eskutik baino ez da etorriko”.

 

Guzti hau, apirilaren 5eko hauteskundeei begira egin den Arabako EH Bildu-ren zerrendaren aurkezpenean esan du Oterok. Harekin batera, zerrenda osatuko duten Eba Blanco, Josu Estarrona, Maria Garde, Unai Fdez de Betoño, Itxaso Etxebarria, Gorka Ortiz de Guinea, Irati Mendiguren, Ibon San Saturnino eta Maider Garcia de Vicuña izan dira. Haientzako eta beste askorentzako hitzak izan ditu Oterok, EH Bildu osatzen duten indarren ibilbidea eta legebiltzar taldeak azken legealdietan egin duen lana goraipatuz haren hitzaldian.

 

Era berean, EH Bildu "hazten eta batzen jarraitzen duen alternatiba bakarra" dela azpimarratu du hautagaiak: "Ezkerreko subiranismoak dagoeneko erakutsi du biderkatzen badakiela eta urratsez urrats zein ekimenekin sinesgarritasuna irabazi duela", gaineratu du. Aitzitik, haren hitzetan, "Gobernuaren sinesgarritasuna Zaldibarko zaborraren artean hondoratu da, ustelkeria epaietan urtu da eta bere txiringitoen artean kreditua galdu du”.

 

Bestalde, Maddalen Iriarte EH Bildur-ko lehendakarigaiak esan duenez, "azken hilabeteetan zerbait baieztatu badugu, ezker soberanista hauteskunde bakoitzean batu eta hazi egiten dela da". "Gero eta gehiago gara. Gero eta erabakigarriagoak gara. Eta gehiago izango gara. Eta euskal herritarrek dagoeneko badakite EH Bildu erabakigarria denean jendearen bizi-baldintzak hobetu egiten direla. Euskal herritarrek behin baino gehiagotan egiaztatu ahal izan dute hori azken hilabeteetan", gaineratu du Iriartek.

 

Horregatik, EH Bildu-rentzako, apirilaren 5erako erronka askoz gehiago izatea da, herri honen politika baldintzatzeko, herri honek marmota egunean instalatuta jarrai ez dezan. "EH Bildu indartsu bat baino ez da gai bizikleta estatikoaren hitzarmenaren berrargitalpena ez diren eszenatoki berriak irekitzeko. Izan ere, Urkulluren Gobernuak azken 4 urteetan PSErekin izan duen koalizioarekin zerbait egiaztatu ahal izan dugu: anbiziorik gabeko ententea dela eta ez dela gai herri honek aurre egin behar dien erronka handiei aurre egiteko", ziurtatu du.

 

Egoera horren aurrean, Iriartek esan du gero eta gehiago direla herri honek nazio mailan eta gizarte mailan aurrera egiteko bultzada eta agertoki berriak behar dituela uste duten euskal herritarrak. "Urkullu-PSE koalizioak ordezkatzen dituen aliantza errezeta zaharren aurrean, jokaleku berriak, akordio berriak eta aliantza berriak irekitzearen aldeko apustua egiten dugu, herri hau zentzu guztietan haztea eta aurrera egitea ahalbidetuko dutenak. Horrela, herri gisa gizarte gisa aurrean ditugun erronka handiei aurre egin ahal izango diegu", gaineratu du.

 

Amaitzeko, Martxoaren 8-ko bezperan, Iriartek esan du "harro" dagoela "egunero euren eskubideen alde eta etorkizuneko belaunaldien eskubidearen alde borrokatzen duten emakume horiekin guztiekin".


 

ALBISTEAK

Toki erakundeen finantzazioan inposatu nahi duten %25eko murrizketa zorrotza arintzeko formula bat proposatuko dio EH Bildu Arabak Foru Gobernuari

2020-05-25 11:47:00

Arabako Finantza eta Toki Administrazio Lurraldeko Kontseiluan planteatuko du salbuespen gisa beherakada hori datozen urteotan banatu ahal izateko aukera, beti ere modu adostuan eta borondatez

Eudelek diru bilketaren beherakadak toki ogasunetan izango dituen ondorioak arintzeko formulei buruz eztabaidatzeari uko egin dio

2020-05-22 09:39:00

Gehienek ontzat jo dute, Arabako Foru Aldundiak Toki Erakundeen finantzazioa ia %25a murrizteko egindako planteamendua, baina EH Bilduren ustez egon badaude beste aukerak

Añanako nekazaritzako ibilgailuei IAT pasatzea erraztea eskatu du EH Bilduk

2020-05-21 11:00:00

Alde bakarretik, oraingo honetan egun, ordu eta leku bakarra eskaini da nekazaritzako ibilgailu guztiak ikuskatzeko.

EH Bildu-k Aldundiari exijitu dio atzeraeraginezko izaerarekin ordain diezaiela Familia Inguruneko Zaintzarako Prestazio Ekonomikoa eguneko zentroen itxierak kaltetutako pertsonei

2020-05-21 07:53:00

Claudia Venceslao: "Aldundia Gizarte Ongizaterako Foru Erakundeko gizarte-langileekin koordinatu behar da. Modu honetan, pertsona kaltetuak Etxeko Laguntza Zerbitzuan sartzen laguntzea baliatuko litzateke"