Araba

EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek egia, memoria, justizia eta erreparazioa eskatuko dute frankismoko biktimentzako uztailaren 18an

Estatu kolpearen 84. urteurrenarekin bat eginez, omenaldia eta elkarretaratzea antolatu dituzte.

| 2020-07-16 11:40:00

EH Bildu, Ahal Dugu-Podemos, Ezker Anitza eta Equo-Berdeak-ek, justizia eta erreparazioa eskatuko dute berriro Gasteizen, 1936ko Estatu kolpe frankistaren 84. urteurrenean. Laugarren urtez jarraian, alderdi politikoek omenaldia eta elkarretaratzea egingo dute Arabako hiriburuan, alde batetik, zigorgabetasuna salatzeko eta, bestetik, "guztiontzako etorkizun hobe baten eraikuntza bultzatzeko, Araba bidezkoagoa, jasangarriagoa, solidarioagoa, askotarikoagoa eta feministagoa izan dadin, ultraeskuinaren gorakadari begira".

Lau taldeek elkarretaratzea egingo dute larunbat honetan 20:00etan Katedral Berrian, "Iragana Gogoan. Araba Berria eraiki" lemapean. Elkarretaratze horretan, EH Bildu, Ahal Dugu-Podemos, Ezker Anitza eta Equo-Berdeak-eko ordezkariek manifestu bateratua irakurriko dute.

Laugarren aldiz jarraian, gerrari eta diktadura frankistari buruzko egia argitzeari garrantzia emango diote, lehen eta bigarren mailako biktimen kategorizazioa baztertuko duen memoria duen herri bat eraikitzeari, justizia eskatzeari, biktima guztientzako erreparazioa bermatzeari eta ez errepikatzeko bermeak ezartzearekin batera.

Estatu kolpe frankistatik 84 urte igaro direnean, EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek errepublikanoen balioak berretsi nahi dituzte, ezberdinen arteko lankidetzaren eta herritarren bultzadaren ondorioz sortutakoak.

"Egia, justizia, erreparazioa eta berriz ez gertatzeko bermeak izateko eskubideaz gain, aldarrikatzen dugu eskola-curriculumean sartzea II. Errepublikari eta lehen Eusko Jaurlaritzari buruzko egia historikoa, estatu-kolpea, diktadura frankistaren errepresioa eta trantsizioa, bai eta estatu-kolpearen eta diktaduraren aurka borrokatu zirenen balioak eta konpromiso militantea ere, datozen belaunaldiek gure gizartearen historia ezagutu dezaten, nahi dutenengandik defendatzeko,

Behin eta berriz, herriaren askatasun eta demokrazia nahiak azpiratu ", gaineratu dute.

Azkenik, eta egungo krisia kontuan hartuta, "ondorioak betikoek ordaintzea" ezin dutela onartu azpimarratu dute lau indar politikoek. Zentzu horretan, "pandemiak eragin duen kostu ekonomiko eta gizatiarrak jendearen zerbitzura dauden politika publikoak eskatzen ditu, eta ez negozioarenak.Kalitatezko osasun publikoa behar dugu, industria-subiranotasuna eta klima-aldaketaren aurkako borroka berreskuratzeko neurriak, deslokalizazioa lehengoratzea eta kalitatezko enplegua berreskuratzea, genero-diskriminaziorik gabe. Horregatik, gure ekoizpen eta energia subiranotasuna bermatuko duen sektore publikoa eskatzen dugu. Eta osasun demokratikoaren kontu bat bezala, lan erreforma, mozal legea, diktadoreak ezarritako monarkia ustela indargabetzea eta Estatu espainiarraren demokratizazio sakona eskatzen ditugu, estaturik gabeko nazioek euren etorkizuna askatasunez aukeratzeko aukera izan dezaten", ondorioztatu dute.

Gaubeako EH Bilduk Tuestako poligonoan kristalezko berotegiak jartzeko jarduera espedientea gelditzeko eskatu du

Alegazio bat aurkeztu dio sailkatutako jardueraren espedienteari, proiektu teknikorik, memoria deskribatzailerik eta ingurumen-inpaktuaren azterlanik ez duelako, eta jarduera horretarako egokiak ez diren lurretan kokatu nahi delako.

| 2020-07-09 10:01:00

EH Bilduk Gaubeako Udalean eskatu du Cultivos Araba SLk enpresak Tuestako industrialdean kristalezko negutegiak instalatzeko behar duen jarduera-espedientea geldiaraztea. Horrela dago jasota gaur aurkeztutako alegazioetan, izan ere, enpresak kristalezko berotegiak ez ezik, beste elementu osagarri batzuk ere eraiki nahi dituelako, hala nola, gas-biltegi bat, ureztatze-gela bat edo konpost-planta bat, hori guztia tomate hidroponikoak ekoizteko proiektuari lotuta.

 

EH Bilduk erregistratutako alegazio-idazkian gogorarazten da jarduera-lizentziaren eskaerarekin batera proiektu tekniko bat eta deskribapen-memoria bat aurkeztu behar direla, baina kasu honetan ez dago halakorik. Izan ere, ekoizpen-jarduera bat ez ezik, produktu fitosanitarioak erabiliko ditu, hondakinak sortuko ditu eta gas-biltegi bat izango du. Arrazoi beragatik, zentzuzkoa da ingurumen-inpaktuaren azterketa bat egitea, baina kasu honetan ere ez da egin. Hori gutxi balitz bezala, ez dira kontuan hartu jarduera horrek inguruko trafikoan izango dituen eraginak, eta, beraz, ez dakigu egungo bide-azpiegiturak nahikoak ote diren Gaubeako udalerrian ez ezik aldameneko udalerrietan ere.

 

Bestalde, nekazaritza eta industriako jarduera hori garatzeko egokiak ez diren lurretan kokatu nahi dutela adierazi du EH Bilduk. Instalazioaren zati bat Tuesta industrialdean kokatuko balitz ere, proiektu honek ia 200.000 metro koadro lurzoru urbanizaezin okupatuko lituzke. Josu Elorrieta Gaubeako EH Bilduren bozeramaileak azaldu duenez, "berrerabilpena lehenetsi behar da lurzoru berriaren okupazioaren aurretik". Hori dela eta, "Ez da nekazaritzako lur berririk okupatu behar, ez delako egokia, ez hirigintzaren ikuspegitik, ezta ingurumenaren ikuspegitik ere". Hori dela eta, Elorrietak ondorioztatu du lur industriala okupatu beharko litzatekela eta ez nekazaritza eta basogintzakoa. "Jarduera aipatutako lursail horietan kokatzeko azalpen bakarra ekonomikoa da, Udalarentzat ez ezik, gure udalerrian kokatu nahi duen enpresarentzat ere onuragarria delako", argitu du.

 

ALBISTEAK

EH Bildu-k Arabako upategi familiarrak babestuko dituen eredu bat garatzeko edozein ahaleginen aurrean Errioxako Kontseilu Arautzaileak duen itxikeria salatu du.

2020-07-30 09:44:00

Arabako ekoizpen-eredu koherentea eta familiarra babesten duen ekimen eta alternatiba oro babestuko du EH Bildu-k, Errioxa jatorri-deituraren barruan edo kanpoan.

EH Bildu-k Arratzua-Ubarrundiako Udalari eskatu dio Iberdrolari eska diezaiola linea elektriko berria osorik lurperatzea

2020-07-28 21:13:00

Arantza Arranz: "Eusko Jaurlaritzaren erabakiak ingurumenean eragin larriak dituen aireko zati bat mantentzea proposatzen du, nahiz eta tarte hori lurperatzeko aukera ere badagoen. Azken aukera horrek hobekuntza estetikoak dakartza paisaia naturalean, segurtasun handiagoa herritarrentzat eta ingurunearentzat, baita mantentze lana hobetzea ere".

EH Bildu-k Aldundiaren izaera "deshumanizatzailea" salatu du, egoitzetako bisitak mugatzeko edo eguneko zentro publikoak ixteko hartu duen erabakiaren aurrean

2020-07-24 08:52:00

Claudia Venceslao: “Jakina, segurtasun- eta osasun-neurrien alde egiten dugu, baina ez gizarte-baliabideen deshumanizazioaren kontura, hain ahulak diren pertsonak eta adinekoak artatzen baitituzte".

EH Bildu-k, Ahal Dugu-Podemos-ek, Ezker Anitza-IU-k eta Equo-Berdeak-ek egia, memoria, justizia eta erreparazioa eskatuko dute frankismoko biktimentzako uztailaren 18an

2020-07-16 11:40:00

Estatu kolpearen 84. urteurrenarekin bat eginez, omenaldia eta elkarretaratzea antolatu dituzte.