Araba

EAJ-k Araba errenta altuenentzako paradisu fiskal batean bilakatu nahi duela salatu du EH Bilduk

Kike Fernandez de Pinedok Arabako Diputatu Nagusiari gogoratu behar izan dio herrialdeak 600 milioiko zorra duela eta zerbitzu sozialak edo aldaketa klimatikoa bezalako erronka handiak ere mahaiaren gainean egon behar direla. “Europara begira egon ordez, EAJ eta PSE-ren erreferentzia fiskala PP-k gobernatzen duen Madril da”.

| 2019-10-16 11:59:00

Asteazkenean ospatu den Ogasun, Finantza eta Aurrekontu Batzordean EH Bildu-k gogor kritikatu ditu EAJ-k dituen zerga-sistema planak. “Araba paradisu fiskal batean bilakatu nahi dute jada enpresa eta aberastasun handientzako onurak daudenean.  Europara begira egon ordez, EAJ eta PSE-ren erreferentzia fiskala PP-k gobernatzen duen Madril da”. Horretarako, EH Bildu taldeko bozeramailea den Kike Fernandez de Pinedok gogoratu du Arabak (6,97) presio fiskal baxueneko hirugarren postua okupatzen duela rankingean. Soilik Madril (7,02) eta Bizkaia (7,06) daude honen gainetik.

EH Bilduk ere salatu duenez, Arabako politika fiskala Bizkaiak ezartzen du, azken honek Iberdrola edo Petronor bezalako enpresen aginduei men egin ostean. “Elite ekonomikoek bidea zehazten dute, Bizkaiko Diputazioak aldaketak iragartzen ditu eta, azkenik, Arabako Diputazioak men egiten du”.

Zentzu honetan, kezkagarritzat jo du PP-rekin 2018an sozietate-zergen gaineko erreforma erregresiboa adostu ostean EAJ-k orain ondare-zergarekin amaitu nahi izatea. Zerga honen bitartez, 2018an 22 milioi bildu ziren eta 2019ko aurreikuspena 24 milioikoa da. “Nola berreskuratuko dugu kantitate hori?”, galdetu dio Fernandez de Pinedok Diputatu Nagusiari. “Ekonomia ondo doala saldu nahi digu, diru-bilketa soilik %1,3ª igo denean. Bitartean, gaur egun. Arabak 600 milioiko zorra du eta arazo ugari konpondu gabe daude”.  

EH Bildu-k ere salatu duenez, neurri hauek gure herrialdeak behar dituen kontrako noranzkoan doaz. “Fiskalitate justu, progresiboa eta bidezkoaren aldeko hautua egiten dugu. Ez daude herrialdeak behar dituen behar sozialen eta estrategikoen araberako zerga-politika bat egiten ari. Horren ordez, biltzen denaren arabera behar hauek kubritzen ahalegintzen ari dira eta horrek zerbitzu sozialen kalitatearen gaizkitzea dakar, alkdaketa klimatikoaren aurkako neurri eraginkorrak hartzen ez diren bitartean”.  

Ekarpen Legeari dagokionez, azken zortzi urteetan gertatzen ari dena “lotsagarri” gisa definitu du.  “Zortzi urte daramatzate hau eguneratu gabe. Zergatik ez dute eguneratzen gaur egun EAJ-k hiru herrialdeetan gobernatzen badu? EAJ-k dituen barne desakordioek herrialde bat bera ere ez albo batera utziko duen banaketa bat egitea eragozten dutelako. Honek EAJ-k duen herri mailako  ikuspegi nulua erakusten du”.

Erresidentzietako dekretu berria langileen parte hartzerik gabe eta erabiltzaileen alegazioak kontutan izan gabe egina dela salatu du EH Bilduk

“Ez da posible Araban presoentzako baliabide espezifikorik ez izatea EAE-ko espetxe handiena herrialdean dagoenean”, gaitzetsi du Claudia Venceslaok Gizarte Ongizatearen Batzordean.

| 2019-10-11 10:46:00

EH Bildu taldeko Claudia Venceslao batzarkideak erresidentzietako dekretu berria langileen parte hartzerik gabe eta erabiltzaileen alegazioak kontutan izan gabe egina izan dela salatu du Gizarte Ongizate Batzordean. 

“Erresidentzietako egoera hobetzen duen dekretu bat izango balitz bezala saldu nahi duten arren, ratioek ez dute hobera egiten, erritmoek eta lan-kargek lan-eskubideak urratzen dituzte eta Dekretuak oraindik ez ditu etxebizitza komunitarioak kontrolatzen. Honek, zuzenean, gure nagusiak zaintzeaz arduratzen diren profesionalen lan baldintzen prekarizazioa dakar”.

Arabak, gaur egun, 1.800 plaza pribatu ditu. Bestalde, Gizarte Ongizaterako Foru Erakundeak 1.069 plaza kudeatzen ditu: 779 erakundearenak dira eta beste 290ak zentro pribatuekin hitzartutakoak dira. Bitartean, ordea, itxaro-zerrenda 187 pertsonetakoa da.

“Herrialde mailako hitzarmen baten aldeko urratsak eskatzen dituzte sindikatuek eta hitzarmen honekin lan baldintzak erregulatzea posible litzateke, prekarietatearekin eta ezberdintasunekin amaituz”, salatu du Venceslaok Batzar Nagusien kanpoaldean elkartuta zeuden langileei babesa adierazten zien bitartean. EH Bilduko batzarkideak gogoratu duenez, langile hauek 997 euro kobratzen dituzte hilean, urtean 1.792 ordu  lan egiten dituzten bitartean. “Turnoak bikoizten dituzte, gaixorik jartzen badira ez dute ordezkapenik eta laguntzaile, sukaldari, garbitzaile eta erizain lanak egiten dituzte nahiz eta honetarako titulurik ez izan”.

 

                Presoei bideratuta dauden pisuetako hezitzaile-taldeek erantzun eske jarraitzen dute

 

Jakina denez, espetxeetako baldintzak oso gogorrak dira: 2019. urtean bost persona hil dira Zaballako espetxean. “Ez da posible Araban presoentzako baliabide espezifikorik ez izatea EAE-ko espetxe handiena herrialdean dagoenean. Estatu mailan aitzindariak diren baliabideetaz ari gara, preso dauden pertsonentzako oso lan garrantzitsua eskaintzen duten baliabideak”, salatu du EH Bilduk batzordean bertan.

Venceslaok nabarmendu duenez, Aldundiak ez du baliabiderik bazterketa arriskuan dauden pertsonak artatzeko. “Aldunditik sarbide profila modu aldebakarrean aldatu zuten: jada ez dira presoentzako baliabide espezifikoak eta, horretaz gain, lurralde historikoan erroldatua egotea eskatzen da. Iruña Okako erroldak, ordea, ez du balio eta herri horretan dago Zaballako espetxea”.

Aldaketa hauek kritika asko jaso zituzten kaltetuetako langileen partetik. Izan ere, Venceslaok gogoratu duenez, arreta-profiletan emandako aldaketek artatutako pertsonei kalte egiten zieten.

Gaur egun, presoekin pisu ezberdinetan lanean dauden hezitzaile-taldeak Gizarte Ongizateko departamenduaren erantzun baten zain daude, erroldaren beharra beharrezkoa den edo ez jakiteko.  “Aldundiak erabakiren bat hartzen duen bitartean, kalean egon daitezkeen presoak aude giltzapetuta: aipatutako baliabideei esker euren bizitza berregiteko aukera izango lukete”, ondorioztatu du EH Bilduk.

ALBISTEAK

Barrundiak eskola txikiko ateak zabalduko ditu irailean

2020-01-16 12:31:00

Haur eta Lehen Hezkuntzako bi gela izango ditu eta jantokia zein garraioa eskainiko du

EH Bildu-k CIAM San Prudentzio eraberritzeko proiektuari berriz ekiteko eskatu dio Aldundiari, plaza publiko berriak sortzea ahalbidetzeko

2020-01-14 09:32:00

Claudia Venceslao: "Egoitza-plaza publikorik sortu gabe pairatzen dugun hirugarren legealdia izan daiteke"

EH Bildu Iruña Okak alkatearen dimisioa eskatu du

2020-01-09 11:45:00

EAEko Justizia Auzitegi Nagusiaren epaiaren ostean Udalak ordaindu beharreko 850.000 euroak berreskuratzeko beharrezkoak diren mekanismoak jartzea eskatu du