Araba

EH Bildu-k mozio bat aurrera ateratzea lortu du, erakunde eskudunei Garoñako zentral nuklearra eraisteko prozesua lehenbailehen hasteko eskatuz

| 2019-11-13 13:29:00

Garoñako zentral nuklearra eraisteko eta hilerri nuklear ez bihurtzeko prozesua martxan jartzeko eskatu du asteazkeneko osoko bilkura orokorrean EH Bildu batzarkide taldeak.

Gladys del Estal gogoratuz hasi du hitzartzea Kike Fernandez de Pinedo bozeramaileak, eta gogorarazi du Arabako gizarteak zentrala behin betiko ixtea lortu zuela. EH Bilduk salatu du, kasurik onenean, eraiste lanak ez direla 2022ra arte hasiko eta gutxienez 10 urtez luzatuko direla. Hondakin nuklearretarako aurreikusitako 5 edukiontziez gain, beste 44 hartu ahal izateko lizentzia aldatzeko prozesua hasi dute. Aurreikuspenen arabera, lehenengo bostak 2021ean iritsiko dira, eta, beraz, Garoñan hamarkadetan ekoitzitako hondakin nuklear guztiak, tartean erradioaktibitate handiko 2.500 osagai nuklear baino gehiago, gutxienez 2032ra arte biltegiratuko dira hemen, horrek berriro ere arabar askorentzat dakarren arriskuarekin.

EH Bilduren ustez, Espainiako gobernuek "erabateko arduragabekeriaz" jokatu dute zentral nuklearraren eraisketari dagokionez. Horren ondorioz, Garoñan gorde nahi den zabor nuklearra beste 50 urtez geratzeko aukera handia dago. Era berean, EH Bildurentzat salagarria da EAEko eta Arabako erakunde nagusiek gai honetan erakutsitako "utzikeria". Izan ere, orain arte jasotako informazio bakarra Ingurumen sailburuordeak eman duen arren, Eusko Jaurlaritzaren edo Arabako Foru Aldundiaren aldetik ez zaio Madrilgo Gobernuari inolako eskakizun edo kritikarik egin. Ildo horretan, EH Bilduk uste du bai Eusko Jaurlaritzak bai Foru Aldundiak, Arabako gizarteak eta erakunde guztiek eskaera zehatzak egin behar dizkiotela Espainiar Estatuan sortuko den hurrengo Gobernuari: Garoñako zentral nuklearra eraisteko prozesua berehala has dezala, beharrezko ingurumen eta segurtasun berme guztiekin burutu dezala, eta Garoña hilerri nuklear bihur ez dezala.

Puntu kableak dituen mozioa

Horregatik guztiagatik, EH Bildu Batzarkide Taldeak mozio bat aurkeztu du, non erakunde eskudunei eskatzen baitzaie "Garoñako zentral nuklearra eraisteko beharrezkoak diren izapideak eta jarduketak bultza ditzaten […]". Gainera, zentral nuklearra hilerri nuklear ez bihurtzea bermatzeko lan egin dadila eskatzen dute Arabako Batzar Nagusiek. Azkenik, Batzar Nagusiek bidezko trantsizio-plan ekologiko baten eta kaltetutako lurraldearentzako suspertze sozioekonomikoaren alde agertu dira. Alderdi guztiek babestu dute mozio hori.

EH Bildu-k gasteiztar guztien eskura egongo diren bi EAG mantentzeko mozioa aurkeztuko du Santa Catalinako Osoko Bilkuran

Gasteizko EH Bilduko bozemailea den Miren Larrionek San Martingo eta Olagibelgo EAG-ak asteburuetan 24orduz irekita egon daitezen eskatu du, baita astean zehar Osasun Zentroak ixten duten ordutegian zabaltzea ere.

| 2019-11-12 11:12:00

Osakidetzaren Lehen Mailako Arretaren eredua krisi sakonean murgilduta dagoela salatu dute EH Bildu-ko Miren Larrionek eta Iñaki Ullibarrik Udaletxeko agerraldian. Izan ere, azaroaren 24an, igandean, ospatuko den Santa Catalinako osoko bilkuran Gasteizen Osakidetzak dauzkan Etengabeko Arreta Guneen funtzionamendu arazoei buruzko mozioa aurkeztuko du EH Bildu-k, Arabako hiriburuak protagonismo berezia duen bilkuran.

“Gero eta begi-bistakoagoak dira Osakidetzaren Lehen Arretaren gabeziak: medikuntza orokorreko sendagile eta pediatren eskasiak bajak eta hutsuneak sortzen ditu, egoera berdina gertatzen da anbulatorioetan diharduten beste kategoriekin ere -erizainak, administrariak…- eta hutsune larriak daude prebentzio politikei dagokienez”, salatu du Ullibarrik.

Horrenbestez, EH Bildu Batzarkide Taldeak hiru puntu izango dituen mozioa aurkeztuko du, Arabako Batzar Nagusiek eztabaidatu eta onartu dezaten. Bigarren puntuan, adibidez, Arabako Batzar Nagusiek Eusko Jaurlaritzari Gasteizen gutxienez herritar guztien eskura egongo diren bi EAG mantendu ditzala eskatuko da, horien ordutegiari dagokionez bi irizpideok betetzearekin batera: lan egunetan irekita egotea Osasun Zentroak itxita dauden orduetan eta asteburuetan 24 orduz jardutea.

Larrialdietako egoera, gero eta okerrago San Martingo EAG zentroa itxi ostean

Azaroaren 24ko Osoko Bilkuran protagonismo guztia Gasteizek izango duenez, Miren Larrion bozeramaileak ere hiriburuaren diagnostikoa egin du agerraldian. Txagorritxu eta Santiago ospitaleetako larrialdieta eskaerek gora egin dutela salatu du Larrionek, askotan, gaixotasun txikiengatik. Hau da, Etengabeko Arreta Guneak irekita egongo balira, pertsona hauek bertara
joango lirateke, baina ez da posible izan, besteak beste, San Martingo itxi dutelako.

EH Bildu Gasteizko bozeramailea den Miren Larrionek egun diren zerbitzuak mantendu eta kalitate eta asistentzian hobetzearen alde agertu da, “hain garrantzitsua den EAGaren zerbitzuazin zaie hiritarrei ukatu eta Gasteizen zentro bakar batera murriztu. Bi zentroen irekiera eskatzen dugu, osasun-zerbitzu egokia bermatzeko eta larrialdien saturazioa saihesteko”.

Zentzu honetan, udal-arlotik EH Bildu-k proposamen zehatza egin du: Olagibel eta San Martingo anbulategiak asteburu eta jai egunetan 24 orduko zerbitzua eskaini dezatela eta astean zehar irekita egon daitezela Osasun Zentroek ixten duten ordutegian.

ALBISTEAK

EH Bildu-k Arabako Haranak ureztatzeko alternatibak bilatzeko, berregituratzeko eta eguneratzeko eskatu du

2020-02-19 09:16:00

ACUAES enpresa publikoak Barrongo urtegia eraikitzeari uko egin ostean, beste aukera batzuk aztertzeko eskatu du EH Bilduk, hala nola baltsak eraikitzea.

EH Bilduk Europako eta Ipar Euskal Herriko esperientziak aztertuko ditu Araban lehen sektorea bultzatzeko

2020-02-17 10:51:00

Araban bakarrik, 13 urtean 1.400 nekazaritza ustiategi eta 370 abeltzaintza ustiategi desagertu dira. Nekazaritza-politika berrien ondorioz, lehen sektoreak trantsizio agroekologikoak bultzatu beharko ditu. José Bovek eta Mixel Berhokoirigoinek sektorearekin dituzten esperientziak elkarbanatuko dituzte datozen egunetan Gasteizen.

21 umek hasiko dute hurrengo ikasturtea Barrundiako eskola txikian

2020-02-13 12:28:00

Horietako 15 Haur Hezkuntzan egongo dira eta beste 6ak Lehen Hezkuntzan