Araba

Barrongo urtegiaz arduratzen den enpresa publikoak proiektuari uko egin izana txalotu du EH Bildu-k, bideraezina eta beharrezkoa ez delako

EH Bildu-k Espainiako Gobernuaren baieztapen ofiziala eskatuko du.

| 2020-01-21 11:26:00

EH Bildu-k pozik hartu du Barrongo urtegiaz arduratzen den enpresa publikoak proiektuari uko egin izana, eta iragarri du informazio ofiziala eskatuko duela, beti "neurriz gainekoa eta beharrezkoa ez den" proiektua behin betiko geldiarazi duela baieztatzeko. Gizarte mugimenduaren eta, bereziki, Barrongo urtegiaren aurkako plataformaren lana ere txalotu du EH Bildu-k.

Kike Fernandez de Pinedo EH Bildu-ko Arabako Batzar Nagusietako bozeramailearen arabera, plataformaren albisteak "berretsi egiten du azken lau urteetan salatu genuena, Uraren Kultura Berria Fundazioaren txostenarekin eta horren inguruan izan ziren jardunaldiekin berretsi zena". Gogoratu behar da EH Bildu-k eskatu zuela azterlan hori egitea. Txosten horren ondorioek errentagarritasun sozioekonomikoari eta kostuen berreskurapenari buruzko txostenik ez zegoela ohartarazteaz gain, errentagarritasun ekonomiko eta sozialari zegokiona argi eta garbi negatiboa zela eta ingurumenean eragin handiak zeudela nabarmentzen zuten.

"Hasieratik argi geratu zen neurriz gaineko proiektua zela, eta ez zela beharrezkoa, gune horretako ureztatzeari aurre egiteko alternatiba iraunkorragoak zeudelako", azpimarratu du Fernandez de Pinedok. Amaitzeko, EH Bildu-k ureztatze jasangarriaren aldeko apustua berretsi du, baina ingurumenaren eta gizartearen aldetik jasangarriak diren proiektuen bidez garatuta. "Albiste honek Foru Gobernuarentzat atentzio-puntu bat izan behar du, lurraldeari eragiten dioten azpiegituren politika ere birplanteatu dezan", gaineratu du.

Barrundiak eskola txikiko ateak zabalduko ditu irailean

Haur eta Lehen Hezkuntzako bi gela izango ditu eta jantokia zein garraioa eskainiko du

| 2020-01-16 12:31:00

Barrundiak eskola txikiko ateak zabalduko ditu hurrengo ikasturtean. Urteetako lanaren ostean, Lautadako udalerri honetako umeek bertan ikasteko aukera izango dute. Horrela konfirmatu du aste honetan bertan Eusko Jaurlaritzako Hezkuntza Saileko delegaritza ordeak Barrundiako Udalari. Gauzak horrela, datorren urtarrilaren 27an zabalduko den matrikulazio epean Barrundiako eskola txikia aukera gisa agertuko da.

Ekinbide izeneko eraikinean egongo da eta eraikina bera egokitzeko Barrundiako Udalak 74.600 euro inbertituko ditu. Dagoeneko, aurreko hilabetean onartu ziren aurrekontuan diru partida gordeta zeukaten. Horrez gain, Eusko Jaurlaritzari diru-laguntza eskatu dio inbertsioari aurre egiteko. “Herri biziak nahi baditugu, gure geroa zaindu behar dugu ezinbestean eta umeak hemen hazteko aukera izan behar dugu; horregatik guretzako funtsezko proiekta zen herri eskola bat zabaltzea Barrundian”, azaldu du Igor Medina Isasa alkateak.

Barrundiako udalerriak 880 bizilagun inguru ditu, eta horietatik 85 dira 2 eta 12 urte bitarteko neska-mutikoak. Gaur egun, udalerria osatzen duten 13 herrietatik beste udalerrietara joan behar dira  3 urtetik gorako haurrak egunero ikastera; txikiagoek Haur Eskola dute Ozetan. Baina bertako gurasoek Etxeako elkartea sortu eta Ozetan eskola txiki bat zabaltzeko lanean ibili dira azken urteotan. Orain, lanak bere fruituak eman ditu.

Beste eskoletan bezala, eskolatik 2 kilometrotik gorako distantzian bizi direnek garraioa izateko aukera izango dute. Bertako jantokia, aldiz, guraso elkartearen esku geldituko da. “Hor, ezinbestean, zabalik dugun ekonomatoarekin batera elkarlanean aritu baharko dira bertako produktuak sartzeko eta ekonomia zirkularra bultzatzeko”, azaldu du Medinak.

 

ALBISTEAK

Arabako Teknologia Parkeko zuzendaritzak herrialdeko erakundeei De Miguel auziaren ondorioei buruzko azalpenak ukatu dizkiela salatu du EH Bilduk

2020-01-24 11:29:00

Arabako Batzar Nagusietan eta Gasteizko Udalean agerraldia egiteari uko egin diote eta EH Bilduk euren agerraldia eskatu du Eusko Legebiltzarrean

Barrundiak eskola txikiko ateak zabalduko ditu irailean

2020-01-16 12:31:00

Haur eta Lehen Hezkuntzako bi gela izango ditu eta jantokia zein garraioa eskainiko du

EH Bildu-k CIAM San Prudentzio eraberritzeko proiektuari berriz ekiteko eskatu dio Aldundiari, plaza publiko berriak sortzea ahalbidetzeko

2020-01-14 09:32:00

Claudia Venceslao: "Egoitza-plaza publikorik sortu gabe pairatzen dugun hirugarren legealdia izan daiteke"